10' 實習生小記 - 第21回

話咁快就８月，大家期待已久嘅DJ班亦都即將開始喇！
新新DJ們，心情緊張嗎？

看看這厚厚的一疊，就係為你哋預備的notes喇！



溫馨提示　(以後就不再提了！要記實呀！)

時間：早上10:00 – 下午5:00
(請要準時呀！)
地點：沙田亞公角山路33號突破青年村
交通：沙田火車站巴士/小巴站出口，再轉67K小巴
(小巴班次較少，所以要預早20-25分鐘等車啊！)
Dress code：causal wear
( *注意因為每次course之前都會有warm up game，所以女孩子著褲會較方便呢！)
膳食：在青年村的餐廳 (當然是自費的囉)
其他：1.帶少量文具，方便寫 notes。
2. 帶外套，因為課室冷氣好凍！


導師DJ Kuen透露，準時係好重要，佢話會送出以下哩本書獎勵早到嘅朋友仔喎！
（名額只有6個，先到先得，送完即止！）

另外，落選朋友將會在未來7天，收到我哋寄俾你嘅落選通知同你哋之前寄嚟嘅支票。
如果你係交現金的話，請盡快親身嚟突破青年村取回你的報名費。

有問題，請打2632 0137俾我梁小姐啦！


Angel =]

10' 實習生小記 - 第20回

恭喜！恭喜！
2010年嘅新新ＤＪ已經誕生喇！
依20位新新ＤＪ真係要為自己鼓鼓掌喇！（啪啪啪啪啪！！）
你哋過五關斬六將，係接近一百人入面，
最top嗰五分之一嘅參加者呀！
依個位，真係得來不易，恨都恨唔到。

其實上個星期六每個嚟得面試嘅朋友仔，你哋都已經好叻，
因為你哋能夠嚟面試，證明你哋有一定嘅實力！
你哋比起其他參加者已經略勝一籌喇!

我哋都明白你哋每一個都滿懷壯志，
好想好想可以獲得取錄，
可以讀DJ班，可以開咪。

之但係，現實係好殘酷…
評判都花咗好多腦汁去篩選，
將大家嘅表現去比較比較，
係好唔情願嘅情況下都要狠心一D，
因為名額就只有20個。

對不起呢，落選的朋友仔，
不是你們不好，
只是比較之下，別人相對地出色而已。
你哋要繼續努力追尋你哋嘅夢想呀!!

24/7 面試日花絮

等待面試的參加者都神 色凝重，心情緊張。


參加者埋頭苦幹的讀著 ｢懶音稿｣。



評判正苦惱地決定新一屆新新DJ的名單。


Angel =]

寫在DJ班面試日後

7月24日, 星期六, 是"突破DJ訓練課程 2010"的面試日

自今年4月開始宣傳DJ班起, 我一直期待跟今年的參加者見面

每當收到一份報名表格時, 我都感到很興奮, 亦仔細聽每一個參加者的自我介紹, 聽到你們花盡心思介紹自己, 感到很高興, 也想像你們是怎樣的人

要在一大堆的參加者之中short list可以面試的朋友仔, 是一件殘忍又令人頭痛的事, 但還是狠下心腸作了決定...

終於...在面試日見到你們了

感動的是, 見到每一位參加者都用心預備一分鐘才藝表演, 話劇, 跳舞, 魔術, 數白欖...令人大開眼界!

更感動的是, 你們都有做足功課, 知道唱歌是面試大忌, 放了評判們的耳朵一條生路!

這星期DJ班工作人員會打電話通知成功入圍的朋友仔, 請留意啊!

無論結果如何, 你們每一個都實在了不起: 報名參加DJ班, 預備DJ班面試, 這看似微不足道, 但有勇氣踏出這一步, 已殊不簡單!

我為你們勇於追尋夢想而驕傲!

不管多少年, 但願你們的夢依然!


DJ Kuen

突破機構媒體部實習後記

大家好呀，我是史提芬郭，是＜突破機構＞的實習神學生。打從上年九月我便來到＜突破＞，並於機構裡的其中一個部門-<更新園>實習，體驗一些野外歷奇事工。而剛過去的三個星期，很高興能於媒體部有實習的機會。三個星期就匆匆過去了，但仍有不少的學習和體會。

在我的認識裡，媒體事主要包括有網站、書誌(Breakazine)及電台。而我這三個星期則主要接觸電台的事工。除了聽收音機節目外，我對電台的運作、 製作都是陌生的。在這裡，我體驗到電台節目製作前的工序。起初還以為是電台的節目主持很多時都是即興對話，然而，背後卻是有很多預備工夫，例如構思討論題 目、橋段、宣傳、講稿、錄音等。節目當中更有DJ訓練班的新舊同學參與主持。我想，DJ班除了訓練年青人的說話及應變技巧外，同時培育對電台工作有熱誠的 工作者，在背後也以基督教之價值觀引導他們思考節目要討論的主題。　

此外，我負責了一個小習作，就是向不同的人收集關於他們生命的小故事。每個生命小故事都很獨特與珍貴，這也反映神在不同的生命的計劃。收集這些小故事，將 其化成音檔，於網上日誌裡與其他人分享，也盼望這些小故事能與使人產生共鳴及鼓勵。在訪問並收集故事間，我也獲益不少。別人給予的信任和真誠，與我分享他 /她的故事，他們的生命與我的生命接通結連，這些都不是必然。因此，我十分享受當中的過程。

以不同的媒體服事青年人，與更新園主要以野外、歷奇活動的事工很不同。例如在電台預備節目資料，到節目進行的時候，主持人與聽眾只以大氣裡的聲音，未能看 見聽眾的樣子，未能知道聽眾的反應，未能即時的與聽眾們有血有肉地接觸及互動。節目主持要在進行節目的過程，想像聽眾的樣子，以大氣盛載的信息向他們說 話，彷彿聽眾就是站在面前。

媒體部的服事，我想，就是以道為基礎，並以聲音、文字或錄像的形式，盛載以基督教核心價值的信息呈現給青年人。現今社會一些似是而非、扭曲了的事情，我們 如何看、如何理解、甚至如何回應及批判這些事情？媒體部承擔培育青少年多角度思考不同的事情。事實上，藉著刺激獨立及多角度的思考，以更新個人的生命，並 藉此幫助青少年回應文化、甚至更新文化。我想，媒體事工的使命就在這裡，也是其價值所在。

此外，媒體部的同工團隊相處亦相當融洽，不時在座位間傳出陣陣笑聲。彼此亦常有互動時間，一起大腦震盪。我想，在這個工作氣氛下，不但可促進同工團隊的關係，也可以幫助刺激大腦活動，有助思考吧！（個人意見，沒有科學根據的！）

在此非常感謝媒體部的同工們這三個星期的接待！

---------

一起聽聽他收集到的故事吧！

「講乜都得~任你噏」：

mms://media.uzone21.com/radio/story1-1.wma

mms://media.uzone21.com/radio/story/story2-1.wma

mms://media.uzone21.com/radio/story/story3-1.wma

DJ Kuen

10' 實習生小記 - 第19回

終於打哂電話通知所有入圍面試嘅朋友喇!

當我打完哩一句，鬆了一口氣，
但可能睇緊嘅你，係好傷心失望，
因為你收唔到我嘅電話，
真係好對唔住...
落選嘅朋友，明年再接再厲吧! (如果你仲未超齡的話xp)

接到面試通知嘅你，都唔好咁得戚住。
事關，當我同D入圍者講要預備1分鐘天才表演環節果陣，
佢o地竟然問返我，即係點呀?要做d咩o架?
好明顯，佢o地真係冇咩留意我o地節目｢新新青年互助委員會｣入面，
各師兄師姐俾嘅tips!!
唉! 未interview就輸咗俾人啦...

好啦，做埋最後一次好人，
我喺度post埋D tips出嚟啦! (其實我之前已經post過了...)


面試雞精:

mms://media.uzone21.com/radio/20100710d-1.wma

mms://media.uzone21.com/radio/20100703d-1.wma

mms://media.uzone21.com/radio/20100626d-1.wma

mms://media.uzone21.com/radio/20100619d-1.wma


面試祝你好運喇!


Angel =]
no. : 2632 0137
office hour: Mon - Fri (9:30am - 5:30 pm)

10' 實習生小記 - 第18回

「你好! 突破打嚟o架，想通知你突破DJ班面試時間呀，

麻煩你搵抄低少少資料丫。

面試日期: 7月24日(六)
時間: x點x分 (因應唔同組別，有不同面試時間)
(準時到就得o架喇! 早到冇分加o架。)


地點: 九龍吳松街191號突破中心301室 (佐敦地鐵站C2出口)
(沒錯! 之前有d 誤會，同大家講係302室 ，依家更正係301室呀!)

面試形式: group interview，共30 mins。
其中你要預備個1分鐘天才表
(由於時間及場地所限，
請盡量唔好帶d 需要set up 好耐，要用濕電嘅設備呀。)

服飾: 整齊的便服就可以了。

其他: 唔需要帶任何cert 嚟o架。」

如果有電話打俾你，聽過以上內容，咁我就要恭喜你喇!!
你已經成功進級，可以參加入圍面試喇!

話說回來，這番話，我喺星期五開始講，講咗幾十次，
真係講到口都乾埋...
如果你星期五咁啱接唔到電話，你應該會收到我留言同e-mail。

當我打俾入圍朋友仔時，其實我都好開心呀!
因為有d朋友仔一聽到有得面試，
真係勁興奮，仲「嘩!」咗出嚟，
好似中咗頭咁!!哈哈哈!
完全感受到你o地果種驚喜同喜悅!!



如果未收到電話嘅你，可能要再耐心等等啦 !
又或者，你已經被淘汰了...


參閱詳情: http://www.uzone21.com/radio/dj/details/index.html


Angel =]
no. : 2632 0137
office hour: Mon - Fri (9:30am - 5:30 pm)

10' 實習生小記 - 第17回

琴日終於截止啦!!

有個重大的消息宣布:

今年DJ班嘅報名人數創歷史新高，有近一百人報名參加!!

恭喜!恭喜!

呢兩三日，大家都好踴躍寄信嚟!
我o地琴日就一口氣聽咗4x 個demo，
真係有點吃不消，
聽得出部份朋友仔果然係有聽我o地俾嘅tips喎!
真係老懷安慰...

話雖如此，現實係殘酷o架!!!!
我o地依家都仲篩選緊，決定入圍名單。
因為入圍面試嘅面額，只有4x 個 !
即係話，有一半嘅朋友仔要被淘汰喇!
真係對唔住，出局嘅朋友下年努力啦!

而有幸入圍嘅朋友仔，
你將會喺未來7天，
收到我o地嘅電話通知你有關面試嘵安排!
記得將個電話差好電喇!哈哈!

至於落選嘅朋友仔，
我o地係唔會特登打返俾你o架! (可憐><) 你o地會喺8月中收到我o地嘅落選通知，退返張票俾你。

另外，交現金嘅朋友仔，
我o地會都會喺8月中通知你親身上嚟突破領回你的錢，
辛苦你了!

根據經驗，聽日仲會收到一批遲來的信，
對唔住喇!! 遲就係遲，我o地係無情講o架!! (冷血的!><) 我o地係唔會接受你o地嘅申請o架。

同大家share件奇事丫~
今日收到一封好奇怪嘅信













我o地收信嘅時候，發現個信封大有個好大嘅洞，
至於點解，我o地就真係唔知道。
呢個參加者好慘，唔見咗隻demo...
所以奉勸大家寄野要小心d!!特別係寄d重要嘅野。
(建議下年寄demo的朋友仔，最好寄CD-RM了。冇咁易惹人犯罪嘛!)

Angel =]

突破DJ訓練課程2010 今日截止！

宣傳了幾個月，突破DJ 訓練課程2010 終於要截止喇！

我是查詢熱線的主管，張小姐！

隱藏了一排，忍不住要出返黎，是因為今早收到一個錄音......

一把怕怕醜醜的男孩子聲音：『喂~請問係咪張小姐呀？我今日（即昨日）先搞掂個demo 呀，我想問，我可唔可以聽日（即今日）拎埋demo 同報名表上黎突破青年村交俾你呀? 唔該你，bye~』

下！無喇？

你個電話呢？你唔俾個電話我，我點覆你="=

咁我唯有在這裡回覆啦：『可以』

今天是截止日期，預計可能會有十萬大軍衝上山，在這裡教一教大家點上山先：
地址：沙田亞公角山路33號突破青年村(港鐵沙田站，轉67K 小巴)

最後，祝大家好運啦！

10' 實習生小記 － 第16回

距離截止報名日期得返2日咋!!好緊張呀!!
今日又收到十幾封信喇! 睇吓有冇你份?



















喺度，我再次提提大家兩個好重要嘅日子 :

- 7月14日 (三) DJ班截止日期
- 7月24日 (六) DJ班面試日期

大家一諗起呢兩個日子，就好憂慮，好多疑問喇，
好多朋友仔打嚟問呢幾個問題，唔知會唔會都係你嘅疑問呢?

Q1: 我想問吓你地有冇收到我寄嚟嘅demo呀?我驚會寄失呀。

Ans: 如果你擔心你嘅demo唔知有冇寄到嚟，可以打嚟 2632 0137搵我梁小姐，
我會幫你check返record o架。


Q2: 幾時會知我入唔入到圍面試呀?

Ans:假如你成功入圍面試，喺7月14日截止後嘅一個星期內，
我o地會以電話通知你有關面試安排o架喇!

如果你唔能夠入圍面試，我o地係唔會打電話通知o架，
但你會係8月中收到我地寄俾你嘅落選通知，同退返張支票俾你。


p.s. 如果係留言的話，記住留低你嘅姓名同電話呀!


Angel =]

10' 實習生小記 － 第14回

DJ班報名已經進入最後階段喇!! 倒數最後3日 !!
呢個星期陸續收到好多報名表呀! 要報名就趁早喇!
死線就係死線! 唔會同你談情o架~~(即係冇情講~kaka xp)

而我梁小姐亦開始為面試當日做準備工作喇!
咁你，又有冇為面試做足準備呢?
唔好同我講，你未收到我o地通知，所以仲未為面試打算呀!

嗱! 靜靜雞話你知一個重要消息!
7月24日就係DJ班入圍面試日喇!!!!
入面有一個1分鐘天才表演時間節，
相信呢1分鐘足以決定你決位入唔到入圍。
所以，仲未面試準備o既你，
好拿拿臨腦振盪下喇!!

諗唔到面試做咩好? 不如等師兄師姐醒d tips俾你啦!

mms://media.uzone21.com/radio/20100626d-1.wma

mms://media.uzone21.com/radio/20100619d-1.wma

mms://media.uzone21.com/radio/20100703d-1.wma

Angel =]

講乜都得~任你噏#3

你我也總會經歷過人生的起起伏伏、順境逆境，至於該當如何面對、自處，則各有不同。

才二十出頭的少女﹣尤魚，經歷至親的病患，她又如何自處，渡過這段艱難時間？

於此，她選擇了群體支援這條出路。

畢竟，人是群居動物，理應互相幫助。沒有「你」，那有「我」，你話係咪先？

一起分享尤魚的故事！

小小實習生~史提芬郭~

P.S. ＜講乜都得~任你噏＞去到第三集，我好以仲未介紹自己添！我姓郭，名史提芬，而家o係突破媒體部實習三個星期，觀摩及學習一下電台幕後的製作。嘩，眨吓眼，三個星期就咁就過去，下星期我就轉第二個部門實習喇，真有點捨不得啊！

突破DJ訓練課程 2010 -- 訪問07年學員：Cow

十年．夢依然

From me to you, Dream comes true.

今年是「突破DJ訓練課程」十週年
我們在這裡尋回自己的聲音，學懂尋夢
下一個十年，這裡會有你嗎？

「突破DJ訓練課程」資料

日期：

訓練階段：2010年8月3 - 19日（逢二、四，上午10時-下午5時）

實習階段：2010年9月至2011年8月

(參與製作新城知訊台節目「新新青年互助委員會」及 出席義工月會）

地點： 沙田亞公角山路33號突破青年村

費用： $1,000 （*6月14日前報名，優惠價$900）

* 兩階段出席率達8成或以上，並完成創作3份作品，可獲退回$500。

對象： 15-22歲

名額： 15-20人（不獲取錄者之報名費將全數退回）

導師： 新城知訊台節目「新新青年互助委員會」節目監製

報名方法：

參加者填妥報名表格，連同2分鐘自我介紹錄音檔案（MP3或WAV格式錄製）及費用（支票抬頭「突破有限公司」），

寄回沙田亞公角山路33號突破青年村青年媒體部，

封面註明「突破DJ訓練課程 2010」。

下載報名表格

所有參加者需於7月下旬接受面試。

*請勿郵寄現金

截止日期：2010年7月14日(三)

查詢： 2632 0137 梁小姐

http://www.uzone21.com/radio/dj/

10' 實習生小記 - 第14回

又係時候報告下DJ班最新嘅情況喇。

今日係7月5日，距離報名截止日期(7月14日) 得返9日咋!!
截至現時為止，我o地已經收到50份報名表格喇!

你又做好隻demo未呀? 做起就好拿拿臨寄嚟俾我o地喇!
千其唔好等到7月14號先寄呀，萬一有咩閃失，
我o地真係幫你唔到，可能你要再等多年喇...


記住記住! 寄之前確保有以下3樣嘢 :

1. 填妥報名表格所有資料
(特別係地址同電話)

2. 費用$1000支票 , 抬頭寫「突破有限公司」

3. 2分鐘自我介紹demo
(儲存為mp3或wav 檔，建議燒錄成CD-RM / DVD-RM)


*P.S.唔好話我唔提你，要預備面試，就密切留意最近「新新青年互助委員會」
節目內播出一連四集嘅面試秘笈喇!

有咩問題，請打 2632 0137 搵我梁小姐!


Angel =]

你滿意自己的外表嗎?

每每跟朋友吃飯，她們總是吃很少，常常嚷著說要減肥。

但客觀來看，她們算不上肥胖，是標準身型啦!
我在想，為什麼肥胖就是不美?
為什麼非白非瘦非S型身材不可呢?

Breakazine! 008 「身‧不由己」

請來健美小姐鄭麗莎、東亞運武術冠軍鄭仲恆、設計師小丁

暗瘡專家Jackeline、研究細胞的嘉熏醫生



殿堂級紋身師Gabe、現代舞者龐智筠、

東亞運武術冠軍鄭仲恆、藝人袁彌明、鄭欣宜




同你重新定義「美」的標準，教你如何變得更「美」。











7月1日突破書廊、OK便利店、各大書店及基督教書室有售

仲等!?快啲買本睇睇啦!



網上版率先睇!

Breakazine! Blog

10' 實習生小記 － 第13回

不經不覺，已經在突破實習了一個月，時間過得真快。
在這個月，我幾乎都沒有呻過「悶」這個字，
每天都過得很充實，每天都在學習，但錯漏是仍然有啦!哈哈!
幸好，有耐心的阿絹和阿冰，不厭其煩的教我這，提我那，
有時真的感到不好意思呢! 不過，再次的提醒的確令我更上心，
不會有下次! (盡量，我不能擔保百之百嘛)哈哈!

今晚出席義工月會，討論節目改革的問題。
原來運作一個電台節目要考慮的因素也很多的，
可行性，可持續性，娛樂性，價值性等等。
義工們的想法雖然未必獲得接納，或遭ban了，
但作為一個旁觀者，看得出他們都很認真對待這個節目，
提出很多意見，這份熱誠是裝也裝不出來的。

P.S. 距離DJ班報名截止日期 7月14日 仲有10日咋!!
快D上 http://www.uzone21.com/radio/dj/ 報名喇喂!

Angel =]

10' 實習生小記 － 第12回

Umedia越來越熱鬧啦!! 因為這3個星期多了史提芬啊!!
真好，多一個人和我在地底並肩作戰，我不用一個人對著pro tools了。哈哈!

在這裡，讓你窺探一下我常到的地下工作室吧!!


















這裡真的冷得像雪房，幸好有絹放在椅背的外套救命! =]

下面這個就是我的新朋友 - pro tools
最近，它好像生病似的，有時會當機，有時聲音出現問題。
說到底，它已陪伴阿絹5年了，是時候要退役了嗎?


















這些一條條紅的, 藍的sound tracks 就是大家在
新新青年互助委員會節目中的其中一些部份了。
我的工作就是把它們mix呀mix...混呀混...
有時混得自己都頭昏腦脹，哈哈!

















大家要支持支持啊! 逢星期六晚8-9 新城知訊台 約定你!!

Angel =]