10/18/2007

開咪記

何其壯觀同何其慘烈係我第一次on air之後嘅感覺。緊張,唔入咪,甩嘴,吞口水,搭唔到嘴咩都出曬嚟...

7:00pm去到新城做briefing,其實一路都好好地,心情輕鬆愉快。心諗無死啦,驚都唔識驚,一定順風順水啦!

點知...入到直播室,都仲未識驚,更加一take過途中只係唔小心吞左一啖口水完成自我介紹。
點知...仲未出事,放下心頭大石,起碼自我介紹無炒大粉。

點知...出事啦,KK問咗我一個問題,正想答嘅時候...d血無啦啦極速bump曬上腦,而且好似比人封喉咁,講嘢講唔出...成喉嚨都係口水...原來緊張呢家嘢,係唔會有先兆而且係話嚟就嚟...之後...都無嘢可以同大家分享,因為我已經無再出聲...

第一次on air就咁就炒了!喺度勸喻仲未開咪嘅同學仔,記得開咪前一定一定要預備吓要講嘅題目,唔係就會好似我咁...一滴墨水都無就走入去...


結果粉是炒硬的

新新DJ Cow

10/16/2007

Mixing記

第一次返突破學mixing。mix嘢嘅時候,要聽beat聽得好準,難!但係要完全征服mix嘢嘅工具:mac機,仲難!

如果話男人愛揸法拉利的話,佢地都應該鍾意用mac機。對我嚟講法拉利同mac機一樣,因為...

法拉利型: 有邊個敢話mac機唔型,佢嘅設計簡直走在潮流尖端法拉利快: mac機嘅速度快過好多桌上電腦幾倍啦法拉利貴: mac機一部閒閒地都成萬蚊,唔係個個人都買得起呀
法拉利難揸: 用過mac機嘅人應該都知,佢唔係一般電腦咁善男信女好一部mac機,搞到我頭都大曬!

基於男人天生一種咩都愛征服嘅情懷,就好似法拉利明明難揸,但係個個都當佢係dream car咁,我一定會將佢馴服架!!!

新新DJ Cow

10/11/2007

錄音記

好唔容易有個機會參加突破DJ訓練班,亦都好唔容易寫到一份【完整】嘅稿,今次份畢業稿被批評咗好多次,改咗好多次之後終於完成咗同埋可以錄音

嗰晚錄稿錄到好夜,雖然做到好夜,但係為咗做好小小都覺得值得嘅。 入到去control room,即刻對稿,咁啱係第一個入去錄,可惜唔係第一個完成,可能因為未開聲…

之後佢地一個一個咁成功錄完,而我都唔會浪費時間嘅,等嘅時候都用電話錄音,錄完又自己聽返,改善完,又到我入去,阿絹同我講:「你得返十次機會!」

算我都識做啦!用咗唔夠十次就錄到,我係聲演一個男朋友,講我女朋友為咗我,特登煮咗碟西炒飯俾我,我食完之後對嗰種味道非常難忘,最後果句就係表示我好sweet~

嗰句對白係『令我一直都好記得呢種味道.....』,錄好多次都錄唔到,勉強只有一句做到,最後收咗果句唔係咁好嘅!莫非要代入呢種感覺都咁難?定係我自己唔得?????

新新DJ亞煜

打電話答問題有感

(十歲小孩聲線)『嗚…原來打電話去電台答問題係咁樣咖!我只不過係好奇打個電話入去咋嘛,跟住就有個怪哥哥細細聲問我叫咩名,仲鬼鬼鼠鼠咁問我攞電話號碼,仲話遲d有人會打番電話比我…之後就有個怪姐姐打電話嚟,佢話我答錯咗呀!

最衰都係KK同亞絹,做咩呃我話答案係「荃灣」,人地係答「九曲十三灣」!仲有個怪姐姐成日話收得唔好,我知咖!佢係度笑我答錯題目呀!個怪姐姐仲話我答錯答案要罰錢,如果唔比錢就放狗咬我呀!嗚…佢地好衰呀…』

以上係由新新DJ Tiffa真情演繹
註:「新新青年互助委員會」設有有獎問答遊戲環節

娘惹

提到童年時最愛的糕點名為"娘惹糕"。「娘惹」,這名字據說是指華人與馬來人通婚所生的子女,他們所生的男孩都稱為"峇峇" (BaBa) ,他們所生的女孩都稱為"娘惹" (NyoNya)。因受到中國「男主外,女主內」的思想薰陶,女孩未出嫁已經是廚藝、家務的能手,擁有中國式的烹調手法,運用馬來食材以至南洋香料,戲謔點說可能是世上最早的 "Fusion 菜"。

更有旅遊資訊網頁描述娘惹的起源,追溯到是鄭和下西洋時,一些為愛情放棄旅程的船員及大官,留下來跟馬來人圓婚,一起共渡餘生,為娘惹的起源更添浪漫的色彩 (傳說總要加點傳奇色彩,我不太相信)

但是知道了這名稱的由來,或多或少,令我聯想至 Harry Potter 中,將不懂魔法的人稱作「麻瓜」,將由不懂魔法的人所生的魔法師稱作「麻種」。在日常生活中膚色,種族經常成為不公平對待嘅源頭,歧視的眼神其實比任何言語更具殺傷力。何不試試放低成見,好好體驗對方的文化特色,能夠擁有同理心對待不同種族的人,自然像娘惹姑娘一樣,走出自己獨一無二的步韻!

新新DJ 阿金

10/09/2007

拋波仔

昨天看沈祖堯醫生與年青人對話,有一句說話令我反覆思量:我們一生不停地拋四個「波仔」:家庭、朋友、健康和事業,前三者是玻璃做的,一摔在地上便化為烏有,唯有事業波是塑膠做的,一時失手都有機會反彈。行文至此,聰明人都知道哪些波是較重要的。但可笑的是,很多人-例如我-會為塑膠波而放棄玻璃波,直至它們摔下來後,才發現一旦失去便無法彌補。你今天努力經營的,是哪些波?

絹

京都的清新、九州的濃郁…旅程的味道


不知不覺的,從日本回來英國這地方,已經兩星期多了,卻依然沒有回來了的實在感覺,人在卻心不在一樣。


九月六日至二十日的日本遊,原來已經是第六次了,但今次行程實在太匆忙,東奔西跑得太多,人實在有點累。是貪心之故吧?捨不得東京的繁華,要去。捨不得京都的味道,要去。捨不得大阪的溫暖,要去。捨不得神戶的異景,要去。捨不得福岡的拉麵,要去。捨不得鹿兒島的自然美,要去。


這十五天裡,乘了十四次新幹線,去了六個城市,住過五間民宿旅館,看了四場演唱會,兩個舞台劇,也會了好幾個在日的朋友。


一個人在京都漫步時,看著古城老店,黃葉紅花,淙淙流水,卻思考不了,我問自己:「思緒這樣紛亂,怎辦?我到底在做甚麼?」的確,人在忙碌,奔跑的時候,就開始迷失自己,連自己最初為何做這樣的事,也再記不起。在山水林蔭之間,經過傳統茶館,因為身穿和服的中年婦人的一個親切的微笑,我進了去,跪坐在紅地顫上,喝一口山泉而來的清涼綠茶,咬一口手做和果子,細味著苦澀與清甜的糾纏,漸漸安靜下來,回復與自己的對話,慢慢提起筆尖寫下去,也按下一下又一下的快門。


旅程的最後幾天,拉著行李,跑到南面的九州,雖說預定看四場演唱會,但開演當天,我手上卻只有第一場的門票,拜託了各方朋友給我求票及做交易,一個人就進了會場去,說實話是個很不錯的位置,還跟團員們拍了手,應該很歡樂,卻沒怎樣high得起來。幾經曲折,把餘下的門票也弄到手,跟朋友一起進場,跟朋友一起笑著叫著說著,晚上也一起抱著免費的guide book 找尋又平宜又美味的食店,舉首碰杯,是甘甜;特選黑豚,是香軟;火岩和牛,是鬆化;纖幼拉麵,是濃郁。原來快樂和食物一樣,是分享才更有味道的。


這次旅程,雖然很累人卻很快樂,但並沒有休息夠,然而人必需向前走,尤其當各樣死線洶湧而至的時候,人不得不面對現實,然而過程中或獨處或群居,將會感受到各式各樣的味道,或苦或甜,或辛或酸,然而我相信這都是要來豐富我的味覺感受,讓我他日走得更加更加遠,更加更加精彩。


影