10/29/2009

Breakazine! 004 精彩試閱

按圖即可網上閱覽。

十面埋……毒!
或者你會感到,最近吸毒問題變嚴重了。
即使怎樣強調「不可一‧不可再」,索下第一口K的青年人,仍是愈來愈多。

「究竟他們在想什麼?為甚麼不潔身自愛,明知有毒都要玩?」你可能會這樣問。

「向毒品說不!」政府大力宣傳。

「他們貪玩、無知、無心向學、誤交損友。」媒體這樣報道。

「為了打擊吸毒,學生們的私隱不重要了吧!」有人振振有詞。

我們都想幫助青年人。但太多的問題,都由這個社會定義、討論、決定、執行。今天的青年人,能為自己說一句話嗎?

吸毒的人,有無樣睇?
青年人的第一口毒品,是墮落的原因,還是結果?
為什麼第一口毒品之後,「不可再」是這麼難?
跟毒品絕交,你就以為「一天都光晒」?

這些問題,尿液樣本不能提供答案。

趕在校園驗毒試行計劃推出之前,Breakazine!攀山涉水,走訪6家戒毒中心,
聆聽100個過來人的真實故事,尋找追逐毒品過程的血與淚。

「如果 _____________,我就唔會吸毒。」100個震撼答案,毫不留情直插核心:

究竟毒品橫流,是他們的問題、社會的問題,還是我們每一個人都有問題?


《十面埋毒》11月1日起,各大OK便利店、突破書廊、基督教書室及其他書店有售。
零售價:$29

訂購價:$150 全年 6 期
訂購熱線:2632 0365

10/08/2009

亞媽, 我得咗喇!

08新新DJ梓豪(左)和亞瑩(右) 喺舊年開咪同交稿都達標, 有錢refund ! 來張(懶)認真的~


睇吓梓豪(左)和亞瑩(右)個見錢開眼樣 $__$


08新新DJ Vivian都可以成功"回水"啊~



唔知今屆有幾多新新DJ可以refund呢?

10/06/2009

開咪後記#3

Take it serious? 相信每位新新DJ,包括我,o係第一次開咪前都一定十分緊張。無錯!當自己好重視一件事情,往往就會有此感。

我記得o係開咪前兩星期,我已經覺得非常緊張,怎說還是第一次,當然咩都想講,將自己身上所有覺得好o既o野show出o黎喇。結果……被彈稿了,原因係太貪心,講好多o野,搞到兩頭唔到岸,忽略最基本學o既uniqueness。

到o左開咪日,又因為太過緊張,練習時嘴巴打結,說話不清,正如導師亞絹同KK話齋︰「仲未放低到身段,要豁出去!」。幸好佢地幫我“勒緊韁繩”,o係開咪一刻總算順順利利渡過。

真的!太serious太緊張會影響表現,所以有時何不學習一下Bat Man 裡面個小丑咁話︰「Why so serious?」。那些緊張只適用於作為之前準備o既一種鞭策,以後一切事,用平常心去面對吧!

09新新DJ Candy

聽聽我做節目:mms://media.uzone21.com/radio/20090919c-1.wma

10/04/2009

開咪後記#2

每一個年輕人都應當乘著夢想的翅膀出發。

自己對廣播行業有興趣,膽粗粗參加突破DJ訓練課程,上完6堂的課,學完最基本最淺白的電台知識,就真的要面臨第一次開咪的挑戰。

隨著時間越來越近要開咪的節目,心情也越來越緊張得要命,擔心自己表現不好,又憂心說話不清,所以還是把握時間看多一篇稿。另外,還要努力在人前扮鎮定,當中的情緒管理真的是一大難題。

雖然要克服自己的害怕是一件痛苦的事,但成長要突破,就要經得磨練,就要捱得起痛苦。我覺得這次的開咪帶給我滿足感,我完成了自己平常看起來不會做的事,哈哈!!

09新新DJ Ceci

聽聽我做節目:mms://media.uzone21.com/radio/20090926b-1.wma

10/01/2009

新新DJ隆重登場--Zero

on air嘅紅燈著起,就代表我嘅聲音將會喺大氣電波入邊發送,望住個咪,大大力咁吞一啖口水,深呼吸,耳仔入邊聽到嘅就係「新新DJ隆重登場」嘅jingle,喺依一刻,一直等待住嘅壓力一次過咁釋放曬!喺96日, 完成咗我人生嘅其中一個階段,成為咗我人生嘅其中一個轉捩點,實現咗我想係電台入邊透過大氣電台同市民、朋友去分享自己經歷嘅依個夢想,曾經腦入邊幻想嘅 片段,依家係現實之中實現!心入邊多咗嘅唔係充實嘅滿足感,而係一種興奮,同期待嘅刺激感!我唔希望依一次就係我電台生活嘅終結,相反嘅我好希望係我電台 生活嘅一個開始!

開咪嘅果一剎那,我淨係感覺到我、KK同阿絹3個人,喺度圍住我地嘅話題而傾計~腦入邊諗D咩?心入邊諗D咩?甚至乎喺果陣我地講過D咩?係ON AIR 燈一熄果一刻,我可以答你係完全唔記得,但好肯定嘅就係我好享受依個過!.果種感覺就好似你夜晚同一班朋友係營火堆前邊一齊傾計,咩都傾,咩都玩,直至到大家都筋疲力盡先停,唯一唔同嘅,我諗就係營火會嘅人數點都係有限,但係今次開咪有聽我講嘢嘅人,一定係我一世人參加營火會都唔可能遇到嘅人數喇!

09新新DJ Zero


聽聽佢做節目:mms://media.uzone21.com/radio/20090926a-1.wma