1/25/2008

心S.E.E S.E.E‧深思思

聽下由新新DJ亞Cow, Apple, Ceci (仲有客串一集的亞金)做o既Teenpower節目, 考度橋, 考反應, 考mixing技巧! 睇下佢地做成點~

http://www.uzone21.com/teenpower

1/22/2008

今早,公司進行火警演習。有消防隊頭目講解發生火警時要注意的事項。人在未遇到危險前,總對預防工作掉以輕心,所以一旦發生意外,便容易手足無措。因此,生活又好,工作又好,人都要學習居安思危。

做DJ都一樣。因為在直播室,什麼事都有可能發生。就如上星期六開咪,節目一開始時,我正使用的米高峰失靈了!唯有即時想方法打圓場。我每次做節目,都會想「假如xxx發生了該怎辦?」的應對方法,好叫我(不幸地)真的遇上了,都有心理準備。幸好今次尚且應付得了。

想知道我兜成點? 不如去呢度聽下啦~

1/18/2008

When East meets West (答案揭曉)

"Or mm-yum jow."

呢句廣東話係: 我唔飲酒

1/16/2008

再度one leg kick

考完個試,又係時侯回歸「深S.E.E S.E.E‧心思思」嘅懷抱了!
首先,我要喺度同我嘅partner亞cow講聲唔好意思!因為亞cow表示我搞到佢好大壓力…

08年唔知係咪食咗藥,個人hyper咗開心咗內心團火仲大咗…加上我不嬲做d一定要做嘅嘢時,絕對唔容許自己d dum,一定要一氣呵成快快快~所以我做嘢嘅效率令亞cow好大壓力…

又可能因為我平時只係識笑,但做起嘢上嚟有時會「太」認真…所以嚇親亞cow…佢覺得我搞得成件事太快…令佢好緊張… 我仲送咗4隻字比佢*同時係比自己嘅*:就係”雙e為命”*大家唔好誤會我打錯字,更加唔好誤會我想同佢相依為命噃~ *

因為我係想話:希望我地可以以雙e為使命(efficient & effective)
去到呢度,都好似未提及我另一位可愛partner apple,原因係我不嬲都覺得女仔係要嚟錫嘅,所以我真係對apple好好多,絕對唔會挑佢機~哈哈!同埋要相依為命的話,都一定會選佢 =]

大家睇到呢度唔好誤會我同亞cow不和噃!挑機係我地之間,絕對係友誼嘅見證啊!! 加上我地挑得機多,默契都有好咗!哈哈哈~同埋我係嗰d欺善怕惡嘅人,咁即係證明cow係善良嘅人啦! 係咪? 哈哈哈!

By the way,我要澄清一點~其實亞cow做嘢唔係無效率,而係好小心好謹慎…咁樣絕對可以同我呢個衝動派喺做嘢上互補不足 =] *不過可以真的快一點點就更好了喇! 哈哈*

我嘅兩位伙伴apple同亞cow都好有責任心,同好有heart! 同佢地一起做嘢,我真係覺得好開心同好有推動力! >w<
今次錄音唔太駛one leg kick,因為我地又再次得到Ernest嘅抽空幫忙*感動ing*

唔知搞咩鬼,錄第一轉時我係咁食哂d字…仲叫咗亞cow做「亞交」!哈哈哈*亞cow絕對可以考慮下用佢做藝名~呵呵*
另外,我地要特別鳴謝亞金友情客串 =]

由於我前幾日gathering,因為嗰度太多人同太嘈,我講嘢要用嗌的,搞到我把聲傷咗加喉嚨痛…Ernest都話我講嘢係係喉嚨,跟住佢就教我地點喺丹田發聲…唔知點解我識用丹田笑到卡卡聲,但係又唔識用嗰度發聲…所以我最後只係喺度怪叫!之但係最好笑都係,當亞金問Ernest佢用度邊發聲時,Ernest答:「肺」…哈哈哈!!!

之後又我地仲玩咗估歌仔,我只係估得中我嘅飲歌風山水起…哈哈哈~看來音樂方面,我要惡補下lu…
其實我講咁多都係想帶出:錄音真係好開心 =]

新新DJ Ceci

08新年新願望

首先 我要祝大家新嘅一年幸福又快樂 >w<

07年最後一日我都仲要考試 =u= 所以當大家係度過緊一個好開心嘅Christmas holiday時, 我就要過一個玩都要就住就住嘅聖誕 *無錯 我都仲係有玩 哈*

試考完了,接下來有一個月大假 =] 這是中學生時期無得享受的,但人大了,要知道假期不應該只是玩的吧!記得我上一篇嘅blog稿就話考完試就要乖乖地寫稿,我唔係一個聰明嘅人,一心不能二用 *應該係話 如果要我一次做兩樣野 就好難樣樣做到令我自己滿意* 所以,我決定先係學業上努力。如今,試考完了,搞埋報大學嘅事宜,要不停寫稿,不停寫不停寫不停寫不停學不停學不停學先至得!

我是一個說得出做得到的人,我會用行動證明的! 08 又是充滿學習機會的一年,希望大家都能把握自己的機會,過一個充實的08年吧!>w<

Wish you all the best =]

p.s. 苦口婆心一下先,讀書嘅朋友,特別係要面對公開考試嘅朋友仔要好好加油哦!唔好比機會自己後悔,我相信係地都係聰明仔女,一定得嘅!

做緊嘢嘅朋友,希望你地工作愉快,唔好咁大壓力哦!輕鬆d啦香港人=]

新新DJ Ceci

1/08/2008

點解係人地, 而唔係你?

我喜歡看America's Next Top Model這個真人騷式的電視節目, 讓我認識模特兒/fashion這個界別的要求. 雖然我對華衣美服沒太大的興趣, 但這個節目的吸引之處是, 教我如何去judge一個人

當模特兒, 最重要的莫過於美貎. 在比賽的初期, 評判會較著重參加者的外表, 在那個時候, 美人兒會較有優勢, 但去到後期, 當實力較弱的人早已被淘汰, 剩下來的都是旗鼓相當的人時, 如何能令自己突圍而出?

你的內在質素就是致勝關鍵, 例如性格, EQ, 溝通技巧, 面對批評的態度, 改善缺點的速度...

我見過不少被淘汰的女生, 其實樣子美得不可方物; 我又見過不少最後勝利者, 她們並不是絕色佳人. 但那些勝出的女生都有一些共通點: 親切友善, 肯聽意見, 即使受批評都能迅速回復狀況, 並在一個復一個星期的比賽中提昇自己
距離勝利還有一小步, 當人人都咁叻, 要見真章的時候, 助人爭勝的不是外在條件, 而是態度 - 對評判, 對比賽, 對自己

比賽又好, 打工又好, 做人都好, 其實都是一場爭競, 為什麼有些人能得到機會? 為什麼他們能在面目模糊的眾生中脫穎而出? 可能因為他們能力高, 但更可能的是他們待人處事的態度
做什麼都好, 受批評, 遇挫折的機會總比中六合彩為大, 但是否一聽到批評便黑面, 辯駁, 退縮? 如果給予意見的一方是出於善意, 想為件事好, 是不是應該按捺著想揍人的心情, 去聽一聽對方的意見是否合理?

我看了好幾季America's Next Top Model, 大概能掌握評判的取向 - 他們認為個性比外表/能力更重要, 所以今季的勝利者不是所有參加者之中最美麗的一位, 而是性格最可人, 有鬥心, 在逆境下仍有穩定表現的女生

所以想看清楚一個人, 只要給予對方一些挑戰, 一試便知有沒有

1/07/2008

WASABI 之 終極07最後開咪

本以為自己再沒有機會開咪,因為一直都沒有交稿,真是十分懶惰! 而且升上中六之後,大量功課、課外活動困身,更加無暇應付.....可幸的是,而又巧合地,阿金提醒了我只要寫一篇一分鐘能代表自己的2007年的錄音稿,就有機會再次開咪。當時我狀態不什興奮,只是揣摩著如何再次寫一份live稿?而且是收貨的呢??


記得上次開咪,我在的士上還在勤改稿中,那種臨時抱佛腳的感覺實在不想出現第二次。於是關於這次能夠開咪的機會,我也只藏在腦內,免得我日想夜想,也是想不出什麼來,又會痛恨自己。


結果,可笑的是,在一天晚上,我忽然想起wasabi! 靈感一觸,就一發不可收拾,想出了我2007年裹的辛酸史,那可真多了,一分鐘也說不完。對啊,要讀一分鐘的live稿,還要說出當中的意思,而且連接到自己在2007年的經歷,那可真不易!! 所以我也改了好幾次稿才有一個終極wasabi一分鐘live稿面世! 可喜的是,終有幸與全世界分享我被表哥欺騙的事! 那是既可笑又難忘的。


至於29/12/07開咪當晚,我當然也「炒粉」啦,燈還沒有亮,我就已經開始了講稿,真是浪費心血!! 說實的,在讀的時候,我也不是全神貫注,實在很難明白到底有沒有人聽得清楚我在說什麼! 因為連我自己也緊張得心神恍惚.......


以為第二次開咪,應該沒有第一次般緊張了吧。怎料,依然如此,而且是六個人開咪,更加害怕。幸好這次是以輕鬆為題,所以大家嘻嘻哈哈過一晚,在直播室中開懷大笑、作弄阿絹也不要緊。


每次開咪便會興奮一次,live稿依然是新鮮刺激好玩,連寫稿也像吃wasabi一樣,直衝上腦,爽! 嗯,希望以後還能勤加寫稿吧! 大家也要加油啊!

在此,亦要多謝阿絹提供的意見,和替我改稿 =]


07新新DJ Joffe

雞脾在07年的最後一次開咪記 (雖然過了年才出現,失禮失禮)

想不到,在上次那開咪感想的文章中,寫下下個目標是再開咪,事隔不足一個月便實現了,看來在此blog許願挺靈驗呢!


回想上次開義工會說29/12的節目中會有一開咪機會,心想同學間那麼多精英,怎也不論到我呢!因此,我只抱著嘗試的心態來寫這份稿。隔了數天,仍聽不到亞絹的通知,心想必定是落空了,豈料在23號那天收到她的通知,真幸運,我被挑選了!


及後我馬上照著亞絹的意思,去重整一下自己的稿,更主動到圖書館借閱有關中醫論感冒的書籍,希望把這份稿寫得好!


反反覆覆,總算在開咪前數小時把稿寫好,但聽過另外兩位有機會開咪的新新DJ Joffe和煜的稿後,才頓覺自己的稿是多麼膚淺呢!但都沒有時間再改了!唯有下次再加把勁吧!!!


今次開咪真熱鬧,有六人之多,熱鬧氣氛亦充滿著整個錄音室,但相對地,我們說話的機會亦會分薄,所以要更留神,有機會便說話!無奈的是,我準備了大概三大篇的資料準備分享,最後卻只能分享一小段,算了吧!反正自己從資料中學懂從中醫和西醫角度看感冒的資料,算是賺了!!!


從這次開咪經驗中,又再一次讓我體驗時間拿捏的確很重要,用有限時間的去分享多類的資料,的確不容易!但自覺地今次的表現不太差,在此多許個願望:2008我要進步!!!寫更多的稿!再開咪!!!


新新DJ雞脾

1/02/2008

07年最後一次開咪

2007年12月29日是今年最後一次開咪,我找來幾位新新DJ一齊做節目,在直播室熱熱鬧鬧地開除夕倒數party(雖然早了一點…)。其中有幾位新新DJ帶來一種代表他的2007年的食物,並即場live tag(意即直播出街,講錯了都無法補救 )。

事前每一位新新DJ都努力地準備,在慶祝聖誕節的同時亦不忘寫稿(無錯!在開咪前一星期,我們已密鑼緊鼓地預備了!) 雖然他們都已開過一次咪,但要寫一份一分鐘有內容有意思的稿,去介紹所帶來的食物與自己的07年的關係,卻令他們想到頭都大了!但事實上,頭最大的人卻是我!因為我不單止自己要寫一份稿,還要改他們的稿;而有些新新DJ的構思搖擺不定,直到開咪前一晚才落實要介紹哪一種食物!令我臨急臨忙地找資料做節目rundown…幸好都能順利完成!

平日做節目已有一定格局,而今次的節目形式有點不同,不禁令我又緊張又期待!緊張的是,6個人同時迫在直播室裡,而且又不是平日夾開做節目的拍檔,真的少一點一眼關七都不行!但期待的是,嘗試打破一貫的節目框架,希望給聽眾一種新感覺!

吵吵鬧鬧地開了07年最後一次咪,請你在08年繼續多多支持我們!