8/31/2007

DJ班餘生記 5

你好靚喎~!

呢句說話應該係用黎讚美人,但喺語氣唔同左,就完全係兩碼子嘅事!

所以,單靠字面本身,根本難以理解,因此演譯者嘅語氣係好 “重要”。

喺 DJ班,要學識用不同語氣,我地班最強嘅語氣,就係扮串嘴,可以用一句讚美說話黎串你。例如: 你 “真係”(重點演譯位) 好醒喎~

阿娟喪講 : 電台唔同其他媒體,我地剩係靠把聲,如果冇語氣,聽眾都唔知你 搞咩,同學們要交戲呀!!!!!

所以,一句說話都要ng 九百幾萬次,真係講到口都乾呀………………….

Tommy

8/30/2007

DJ班餘生記 4

6堂嘅DJ班咁就上完咗喇~

每日7個鐘, 扣減埋食飯 +玩game+發夢+遲到嘅 時間, 都應該有5個鐘係聽書嘅…… 哈哈
而o係呢5個鐘入面 , 有笑聲, 嗌救命聲, R 頭聲, dum地聲, 仲有撞咪聲~XD

我諗我應該係R頭聲同嗌救命聲最多…因為我d 稿成日都寫得唔多掂, 要臨時臨急再諗過……偏偏係呢個咁急嘅 時候, 我個腦通常都係唔見左架!!! 所以就會係咁嗌救命同R頭… =.=

雖然我講到好似好慘咁, 但講真, 學到嘅 野都唔少 (以6堂 × 7 個鐘 = 42個鐘o黎講 ) 起碼知多左有關電台嘅野~不過我更期待嘅係之後 meeting, 同埋同佢地做節目所學到嘅野! 我諗我會好enjoy未來呢一年同呢堆人相處嘅 時間~ ^^ (好似賣緊廣告咁….=.=)

Derek

我在山上的第四個夏天

八月二十七日。 忽然發現這是我在這山城上渡過的第四個夏天,第一年交了學費,隔天隔天來還說得上,但畢業了為甚麼還繼續來?說實話,我真的不知道。也許,是那種一代傳一代,承傳文化的心與熱誠,這是當年單純熱心的師姐,不知不覺播下的種,默默發芽影響了今天的我。

有天和導師們說起歷屆往事,講起師兄姐們,講起師弟妹們,畢業後分飛,留下來的又有多少?說起熟悉的義工們,發現通通來自最初的幾屆,是新不如舊,一代不如一代?到底,學員們,年青人們都發生了甚麼事?是課程後和電台因了解而分開,還是怎樣?

是心吧,沒有心,說甚麼都假。如昨天HOCC在舞台上一再多謝一班又一班為她出錢出力的拍擋,舞台碟片影像一切一切,不能單靠技巧,靠技術就做得了,是用心做,才做得到,做得好。也正如守時,由當年的總理 --每天遲到罰錢,如xx籌款上的x總理一樣,不斷捐錢,到今天堅持開咪上課都準時,沒有藉口,這是心,是對所重視的事情的一種付出,對自己的承諾與挑戰。
DJ班來到第七屆的時候,在所謂課程完結的時候,在回到校園的時候,在開始迎接更多挑戰的時候,不如先問一下自己,到底自己有多有心,願意付出幾多?一年後的夏天,我還會見到你們當中的哪位?

決心要跑卻中途放棄的人,實在無法與那些堅持一步步爬去終點的人相比,因為他們已經沒有資格論輸贏與血汗。

8/27/2007

DJ班餘生記 3

一個兩分鐘嘅「自我介紹」demo,係我地新新DJ 加入突破DJ訓練課程嘅開始,亦係整個課程嘅其中一個重要目標,「發現自己」。

我好記得亞絹周不時都會重覆咁講,「你要搵到自己係邊個!」ERNEST又會問,「點解係要你做呢個節目,而唔係其他人呢?」無錯,如果連自己都唔清楚自己嘅獨特之處,好難會搵到自己嘅角色、位置,亦都唔敢奢望人地會記得自己。

呢六日嘅課堂,我每一日都好享受。享受嘅唔單止係我地可以成日嘻嘻哈哈,更重要嘅係有一班好好嘅導師:亞絹、ERNEST、 KK、仲有阿影好比心機教我地。雖然成日都要寫稿,但係就係呢個「由無到有」嘅過程,令我成日都會提醒自己唔好將自己放响個框框入面,要放膽去做!
我唔會忘記你地一班咁好嘅導師、新新DJ朋友們,更加唔可以忘記op 機個時嘅炒粉、要比橋不過我無橋,仲有你地成日笑我嘅捲脷!ERNEST响我面前字字捲脷、KK嘅附和嘲笑,我都會記响心入面,係你地令我「發現自己」!哈哈!

响嚟緊嘅一年,希望我地有更多火花,一齊做好《新新青年互助委員會》!

07年新新DJ Winnie

DJ班餘生記 2

老實說,我比較喜歡配音的工作(被打)參加這個課程是因為暑假空閒時間被估計錯誤了 (被打x2)不過啦,電台工作是我第二喜歡的,因為我喜歡關於聲音的工作 。

知道這課程是在五月,寄出表格竟然是七月!在七月四日晚上把心一橫,躲在被子裡錄下自我介紹,七月五日早上發現家裡沒有大信封,就用白紙把CD包好,連同在六月就寫好的支票,在上學的途中寄出,還記得把這份「包裹」投入郵箱後我呆站了30秒,因為我後悔了……= ="然後在第二天我就忘了這件事…

記得那天是七月十一日,因為那天是我最後一天上學。中午放學後陪伴同學到理髮店染髮,在百無聊賴的時候,電話聲響起,聽電話後,是把女聲,然後告訴我要到新城面試~很興奮呢~~~~ 最小到大我有個缺憾,就是不懂計算時間。和人約會多數是早到,五分鐘至一小時不等。這次面試也不例外,早到了四十五分鐘!Um…面試的時候是很緊張…而且不斷咒罵自己:早就猜到他會這樣問!不過我沒準備!然後…不愉快的事要盡早忘記,所以我沒再想訓練班的事 不過奇蹟總在你沒心理準備的時候來到你面前。

那天我要補課回家,在回家的途中又有人打電話來啦!又是那把女聲,竟然是叫我準時上訓練班!當時的途人應該把興奮的我想像為傻子吧 !

然後是一連六日的訓練課程,哈哈,錯誤地計算時間的習慣沒改,在第一堂更早了75分鐘!這六天的課程我都在歡樂的時間渡過…因為身邊的人做的事和說的話真的很好笑!課程的內容啦…………還好,我還記得四分三,記憶最深的是這個圖:○→○

訓練班裡共有十二個女生,六個男生…不過我說是十二點五個女生、五點五個男生應該沒有人反對… XD~

這班同學都很好玩,聽他們的對話我會樂上半天…因為很好笑 XD我在這班裡比平常少說很多話,因為我都在聽和笑…希望在以後的那些聚會還可以看到你們! 這六日裡的課程應該要非常感謝導師阿絹、KK、 Ernest…因為我明白我們真的很吵很嘴多…你們辛苦啦!還有,日後我們的稿…辛苦你們了…我會盡量作些不用你們大幅修改的稿>.<

07新新DJ Tiffa

8/26/2007

DJ班餘生記

一個交DEMO嘅舉動,一個面試,一個打嚟話收咗我嘅電話,就係我成為新新DJ一員嘅三步曲。

6堂嘅課堂,轉眼間就過去了,呢個DJ班帶比我嘅嘢有好多…… 第一日,同幾位同學仔喺踏入突破大堂嘅一刻,對一對大堂個鐘,我地遲咗一分鐘! 第一日學到嘅是「一分鐘都不能遲!」自此,接下來嘅課堂,我都深怕再遲到而早足成個鐘就到! 不過,參觀新城那天還是不小心當了「遲」善家 >~< 其實6堂嘅課堂,我有兩堂因病缺席了,沒錯,縱然事前準備多充足,不管原因為何,出席不了就是出席不了,明白到身體健康嘅重要,也明白到No second chance嘅道理,我會好好緊記在心!!

講到最興奮嘅,當然係第一次operate機,眼在看,心在記,手在微微嘅震著,完成嘅一剎那,心中有說不出嘅快樂! 我十分享受這樣的感覺! 老套d講句,最開心嘅嘢係認識到一班志同道合嘅朋友仔,雖然大家唔係識咗好耐,但都能給予彼此關懷同鼓勵,真係十萬個感動 ! 可愛超nice的亞kit 、超級爽朗的joffe、成熟的亞mag、 sammized的winnie、女主播apple、好有朝氣的亞飛、好有重點的 tiffa、好有見解的亞晴、和藹的藹霖、成日笑自己講唔正自己個名的christy、「好姐妹」亞 karl、成日帶住頂帽的亞金、靚聲王tommy、爆炸頭亞cow 、「純情」小子亞煜、總覺得他有點呆呆的Derek、好多嘢講的雞脾,大家要好好加油呀!!!!!!!當然,希望大家唔好唔記得我呢個把聲特別「細個」的 Ceci啦! 最後,要好好多謝三位導師的循循善誘,同埋兩位班長的大力幫忙,多謝哂!!!!

07年新新DJ Ceci

8/24/2007

我恨你!

圖中呢個係箍牙後要配帶嘅固定器. 就係呢樣嘢, 搞到我依家嘅生活簡直生不如死!! 呀~~!!! 嗚~~

以前箍牙嘅鐵箍, 帶咗雖然有D唔自然, 但係對於講嘢同發音仍然影響不大. 但係依家呢個箍就啱啱相反! 我帶咗佢之後, 即刻成為痴脷筋一族! 佢將我講唔正同講得正嘅音, 都以痴脷筋嘅方式表現出嚟! 好似"專"變咗"端", "就"變"豆"咁...

我而家真係好自卑, 直情唔敢開口同人講嘢! 不過最慘嘅就係, 我工作需要聽電話, 我好驚人地笑我痴脷筋, 所以我次次都除咗個牙箍先講. 但醫生話一定要我帶住, 如果唔係D牙有機會走位, 浪費之前嘅功夫! 之但係, 咁我講嘢點算喎? 仲要帶一排咖嘛! 唉! 討厭!!

Bi

八號波的威力!


香港真係一個安穩嘅地方! 唔似日本有地震, 又唔似泰國咁~有海嘯, 就連打風都唔會成日掛八號風球!! 所以...圖中嘅八號風球logo, 喺我印象中亦有一段時間冇喺香港出現過!! 喺打風嘅季節, 大家都會好留意風暴消息, 特別係一班恨打風可以乘機放假嘅打工仔! 所以~八月十號星期五呢日, 對好多打工仔嚟講, 係一個Happy Friday!
仲好記得前幾日開始掛一號風球時, 我公司嘅同事已經好興奮, 仲周不時開住天文台嘅網頁嚟睇下個風嘅最新動向! 之後改掛三號風球時, 佢地已經由興奮轉為亢奮!! 就連經理都一路開住天文台個網, 一路開住收音機嚟update最新消息, 仲一路聽一路口up up咁講: "掛八號...掛八號...個風快d吹嚟香港!!" 哈!! 其中一個同事仲笑住話: "經理! 你而家真係好似中咗六合彩3個字, 等中埋其餘果d拎頭獎咁款!!" 哈哈~
到咗中午一點幾嘅時候, 啱啱食完lunch, 有同事好開心咁話: "天文台個網啱啱公佈咗2:30會掛8號風球呀!" 之後仲即刻執定哂嘢等走tim! 起初我地都唔係好信咖! 因為始終未有聽到真實嘅消息! 點知2點幾果陣, 收音機真係宣佈改掛八號風球!! 我地成班不約而同咁歡呼~哈哈! 而家真係好似中咗六合彩頭獎咁呀! 仲即刻以9秒9嘅速度走人....
到咗今日十七號, 又有一個颱風叫聖帕. 聽講今次呢個風嘅威力好勁, 仲會吹向台灣, 係福建登陸!! 打到呢度, 我喺度到諗: 其實香港同台灣都唔係隔好遠ja, 呢個風威力咁強, 唔知...圖中呢個八號風球logo會唔會再一次出現呢? 哈哈!!

Bi

世界很美.只因有你 2


一不離二,食開有條路!

上次參觀電台大捐款後,今次輪到食平日上堂遲到的大慈(遲)善家基金,足以讓全體DJ班同學仔食下午茶!多晒!

8/20/2007

世界很美.只因有你

世界上善心人很多,18/8我識到好幾個!

當日,我帶一班DJ班的同學仔參觀新城電台.事先講明每遲到一分鐘會罰款一蚊,我心想睇在荷包份上,總不會遲到得太過份吧!點知原來同學仔是大慈(遲)善家,所捐的善款由一蚊到一百蚊不等,最後籌得的善款總數有二百多元!

活動結束後,一夥兒去吃晚飯,筵開兩席,每席有百多元的善款包底,每人都不過要多付十多塊錢,便可以大吃大喝一餐!太美好了!

真係要學林海峰講句:多晒!

不過認真講一句:做電台,要對時間睇得好緊.要是遲到了,試問搵邊個臨時臨急替你開咪呢?

8/17/2007

愛上香港的理由

最近,我到日本福井縣旅行,體驗日本文化~雖然日本的天氣比香港好,空間比香港多,但我仍是較喜歡香港!因為在香港不用做以下的事情...

日本的物價比香港貴,尤其是肉類!呢舊528日元的豬肉相當於港幣$30-$40!!! 在香港十幾廿蚊都買到喇! (雖然呢排豬肉貴o左...)

最令我難以接受的是,在日本要我比錢買一些本來唔駛錢,或好平的食物,例如蔥!120日元約值港幣$10




日本人很愛潔,注重環保,所以垃圾要分類:可燃與不可燃,然後再細分,可以用鉅細無遺來形容!一旦分錯,便要好噁心地執垃圾,再分類...在廚房,每天地上都充塞著好多個垃圾袋!在我回港初期,有一天我準備掉垃圾時,望著手中的垃圾,都不期然地想一想:這是可燃還是不可燃?

日本人愛整齊,著/除鞋都有學問:離開時,要反方向地除拖鞋,好讓下一位用家能順利地著,萬萬不能把拖鞋飛到東一隻西一隻!