6/30/2009

突破DJ訓練課程2009 - DJ是怎樣煉成的#8





日期:
訓練階段:09年8月4,6,11,13,18,20日(逢二、四,上午10時-下午5時)
實習階段:09年9月至10年8月(參與製作「新新青年互助委員會」及出席義工月會)
地點:沙田亞公角山路33號突破青年村
費用:$1,000
* 兩階段出席率達8成或以上,並完成創作3份作品,可獲退回$500
對象:15-22歲
名額:15-20人 (不獲取錄者之報名費將全數退回)
導師:新城知訊台節目「新新青年互助委員會」節目監製
報名方法:參加者填妥報名表格,連同2分鐘自我介紹錄音檔案(MP3或WAV格式錄製)及費用(支票抬頭「突破有限公司」),寄回沙田亞公角山路33號突破青年村青年媒體部,封面註明「DJ訓練課程 2009」。所有參加者需於7月下旬接受面試。
*請勿郵寄現金
截止日期:09年7月17日 (五)
查詢:2632 0372 張小姐

 

「突破DJ訓練課程2009」有得報名喇!
http://www.uzone21.com/radio/dj

6/29/2009

09實習生小記#13

前兩天,與一個很久沒有碰面的朋友出來吃飯。
一整個晚上,朋友都在埋怨,說我老是不聯絡她,問我是不是不重視她。
一開始,還真有點內疚,平常說忙也沒有多忙,就是懶惰不想外出;可是,她一而再、再而三的抱怨之後,也不免覺得煩厭,隨口就說了一句:「朋友是相向的,我不來約妳,那妳也不懂來約我麼?」之後朋友就默默地吃飯,再也沒有抱怨了。

結帳時,我把錢包掏出來,順手也把鑰匙扯出來了,身旁的朋友忽然尖叫了一聲,嚇了我一大跳。我疑惑地看向她,她有點激動的對我說:「原來妳還有在用!」好半晌,我才反應過來。喔!原來是指她送我的鑰匙扣啊……(眼睛有尖銳,這樣也看的出來,明明我的鑰匙也才拉出來一點點而已)

幾年前我的生日,她送了我一個自己織的鑰匙扣。對她而言,這當然是個特別的禮物,因為是她自己親手造給我的。可是對我而言,鑰匙扣...呃...說實話,年中真的不知收到多少個了。因此,當時收到這份禮物的時候,也沒多想什麼,在她期盼的眼光下,忍痛換下了自己心愛的little twins star鑰匙扣,換上她送的那個。之後也沒說有多喜歡這個鑰匙扣,可是也懶得再換,於是就一直用著了。

就我而言,這只是「順手」而已。一用就用了好幾年,而且都只在開門關門時才會把鑰匙掏出來,因此對鑰匙扣這東東也沒有多在意;而且用了幾年,早就忘了這個鑰匙扣的來源地。

可是,就是這個無心之舉,卻讓這個送禮的人感動得眼泛淚光。

也許,送禮的意義,就正正在於收禮的人能真正的使用到這份禮物,而並非只是讓別人記著誰送過誰誰誰什麼吧?!雖是無意,但看到自己送的禮物能伴陪在朋友身邊幾年,也真的會覺得自己的心意沒有白廢吧。

看著朋友眼中感動的淚光,我想,我學會了去珍惜每一份小小的禮物。

我依然覺得,朋友是相向的,可是又何必在乎是誰主動約誰呢?朋友愛抱怨,就由她抱怨幾句好了。小小的讓耳朵捱一下苦,可是卻換來一個真正重視自己的朋友,相當划算,不是嗎?哈哈哈........


實習生
Karen =)

6/27/2009

09實習生小記#12

今年intern之中,最艱巨又最有趣的環節都可以話係mixing了。

mixing其實唔難;但要mix得好,就很難。
每個人聲線的音量大小、與背景音樂的配合、特別音效的距離鬆緊,
全部都很難拿捏,尤其係對一d好少聽收音機的人來講。
全憑感覺,沒有定律。

mix了三次「DJ是怎樣煉成的」,每次都有少少咁多的進步...掛?,
不過到最尾都仲係要修完又修,改完再改。

每次MIX完都只係鬆了一口大氣,而冇咩成功感,因為覺得其實可以MIX得再好D。
有好多瑕疵其實係應該可以避免的,但每次都要阿絹提醒先會察覺。
所以MIXING的時候,真係要打足十二分精神先得。

大膽嚐試,小心調較。

「DJ是怎樣煉成的」就已經結束了,接著下來就係PROMOTE了……

6/24/2009

09實習生小記#11

唔經唔覺就到咗6月24日了,我喺突破嘅日子咁就將近一個月了。
喺呢度嘅日子好開心,不過亦都好令人擔憂。
擔心會隨時笑死,或者肥死。
最痛苦嘅時段係食飯時間,因為會有人喺你食食吓飯或者飲飲吓湯嘅時候,講埋d爆笑到令人肚痛嘅說話,就算唔哽死,應該都會儀態全無地噴飯噴湯,狼狽到爆。
另一個痛苦嘅時段,係呢度有好多誘惑 --- 時不時都會有零食提供,明明知道應該要戒口唔應該要再食,但係實在太吸引,最終都係忍唔到口,而下場就係:肥死!於是,我開始了反抗大作戰:就係帶更多零食返嚟反引誘佢哋,哈哈哈哈……


實習生
Karen =)

6/22/2009

09實習生小記#10

講野重覆又重覆、無條理,東一舊西一舊,講到唔清唔楚、甩甩卡卡又點會有人鍾意聽你講嘢呢?想增加自己講嘢嘅流暢度,其實唔難。

例如喺錄demo嗰陣,可以事先諗定自己要講d咩,寫定一份稿再讀。當然,完完全全跟住份稿讀,可能會令到d說話變得唔自然,咁可以試吓大概列幾個point,組織好自己整段錄音嘅內容,有頭有尾、有文有路。

其實,聽一個人嘅demo可以聽出你嘅誠意。讀錯講錯,點解唔從頭錄多一次呢?多花幾分鐘時候,就當係練習吓講嘢啫!只係為求一take過,但表現又唔好嘅demo,係唔會加分的喔。


實習生
Karen =)

6/19/2009

09實習生小記#9

今曰又同大家講吓d關於錄demo嘅小貼士。
今日要講嘅係音樂。唔知點解…聽咗咁多demo,有background music嘅人其實唔多,但係僅有嘅幾個人之中,竟然仍然有人撞歌 --- 《再見,我的初戀》(容祖兒)。
呢首歌又唔係特別新,又唔係同DJ有咩特別關係,但係竟然同時有幾個DEMO都係用呢首歌,就真係有D耐人尋味了…唔通係因為特別好聽?但係好聽嘅歌仲有好多丫……又唔通,大家都啱啱失戀?所以要播番首歌緬懷吓?
大家揀音樂嘅時候,會用咩準則去揀呢?其實,錄自我介紹嘅demo,揀一首關於自己嘅歌先會令人對你印象更深刻。點樣先算關事嘅歌,就要交比你去決定,亦都可以喺demo入面講吓點解呢首歌可以代表你…自我介紹其實邊講到兩分鐘咁長,一味講d無聊野拖時間你覺得可以加到分咩?所以,倒不如自己花d心思諗下點樣可以更形象化咁突出自己,先可以令我哋記得你。

有 d人可能會認為,我而家喺呢度講埋d貼士,對d交咗demo嘅同學仔好唔公平。不過唔知大家有冇聽過一句說話呢 --- 「早買早享受,遲買多折扣」--- 今次喺十二號之前交咗demo嘅同學仔會有$100優惠,十二號之後交demo的同學仔就算係賺咗d貼士。冇話邊個抵、邊個蝕!

各位交咗demo嘅同學仔亦都唔使心急,interview名單會喺七月底公布,我哋一有結果就會即刻通知大家。大家如果想知多d DJ班嘅事情,歡迎打電話嚟或者喺呢個blog到留言,亦都歡迎大家繼續留意呢個blog,我會成日update的~~~

多謝收看!

實習生
Karen =)

6/18/2009

突破DJ訓練課程2009 - DJ 是怎樣煉成的? (七)




日期:
訓練階段:09年8月4,6,11,13,18,20日(逢二、四,上午10時-下午5時)
實習階段:09年9月至10年8月(參與製作「新新青年互助委員會」及出席義工月會)
地點:沙田亞公角山路33號突破青年村
費用:$1,000
* 兩階段出席率達8成或以上,並完成創作3份作品,可獲退回$500
對象:15-22歲
名額:15-20人 (不獲取錄者之報名費將全數退回)
導師:新城知訊台節目「新新青年互助委員會」節目監製
報名方法:參加者填妥報名表格,連同2分鐘自我介紹錄音檔案(MP3或WAV格式錄製)及費用(支票抬頭「突破有限公司」),寄回沙田亞公角山路33號突破青年村青年媒體部,封面註明「DJ訓練課程 2009」。所有參加者需於7月下旬接受面試。
*請勿郵寄現金
截止日期:09年7月17日 (五)
查詢:2632 0372 張小姐



「突破DJ訓練課程2009」有得報名喇!

http://www.uzone21.com/radio/dj

6/17/2009

09實習生小記#8

呢幾日陸陸續續都收到大家寄來的報名表,亦都已經分批聽咗部分demo,喺呢度有一個問題想問吓大家,就係:你覺得我哋點解要大家寄demo過嚟呢?

2分鐘嘅自我介紹,你又會講d咩呢?講吓自己個名、背景、興趣等等等等?我哋收到你嘅demo,當然唔係淨係想知道你叫咩名鍾意D咩咁簡單,我哋要知嘅係你適唔適合讀DJ班,同埋你有冇HEART去讀。

點樣先算係有HEART呢?首先你要諗嘅係,我哋收到嘅DEMO隨時有百幾二百個,你點樣令自己嘅DEMO變得特別,令我哋呢D聽DEMO嘅"評審"可以對你另眼相看呢?有D人可能會覺得加咗音樂就叫做PRODUCTION,不過其實加音樂只係好基本(當然其實仲有好多人係冇諗過音樂呢回事),你要加一首關事嘅音樂,同埋要掌握D節奏,又或者可以別出心裁搞搞新意思,我哋先可以喺咁多個差唔多嘅DEMO入面,覺得你有D諗頭。如何令自己變得突出,應該係你錄個DEMO時第一個要注意嘅地方。

另外,好多人喺DEMO入面講自己對做DJ好有興趣,所以覺得參加咗DJ班之後可以學到D咩、做到D咩………當然我哋期望你會喺DJ班可以學到好多有用嘅知識,但你想唔想學嘢並唔係我哋會唔會收你嘅條件。

奉勸大家一句:「不要問DJ班能為你做什麼,要問你能為DJ班做什麼。」


實習生

Karen =)

6/16/2009

突破DJ訓練課程2009 - DJ 是怎樣煉成的? (六)




日期:
訓練階段:09年8月4,6,11,13,18,20日(逢二、四,上午10時-下午5時)
實習階段:09年9月至10年8月(參與製作「新新青年互助委員會」及出席義工月會)
地點:沙田亞公角山路33號突破青年村
費用:$1,000 (*6月12日前報名,優惠價$900)
* 兩階段出席率達8成或以上,並完成創作3份作品,可獲退回$500
對象:15-22歲
名額:15-20人 (不獲取錄者之報名費將全數退回)
導師:新城知訊台節目「新新青年互助委員會」節目監製
報名方法:參加者填妥報名表格,連同2分鐘自我介紹錄音檔案(MP3或WAV格式錄製)及費用(支票抬頭「突破有限公司」),寄回沙田亞公角山路33號突破青年村青年媒體部,封面註明「DJ訓練課程 2009」。所有參加者需於7月下旬接受面試。
*請勿郵寄現金
截止日期:09年7月17日 (五)
查詢:2632 0372 張小姐



「突破DJ訓練課程2009」有得報名喇!

http://www.uzone21.com/radio/dj

6/15/2009

09實習生小記#7

夏天到來了,雨季也開始了。
連續幾天忽陰忽晴,有時走在街上也要忽然狼狽地撐起傘,手足無措。
這幾天下雨的日子中,我總是穿著白鞋子、背著白袋子,
每次出街就會擔心鞋子和袋子會被弄髒,
可是每天出門之前卻總是忘記要換別的鞋子,又或者太匆忙了來不及換袋子。
我以前總喜歡在下雨天穿黑鞋子,因為弄髒了也不太覺眼,
穿黑鞋子時,總是會不小心踩到水氹,又或者在繁忙的街道中,被匆匆而過的路人在鞋面上烙下幾個腳印;但現在穿白鞋子,卻學會了小心,「步步為營」--- ---落腳前總要看清楚哪裡有水氹、走路時總會小心注意避開那一雙雙「破風而來」的無影腳。
也許,有時候讓問題變得明顯,我們才會懂得去保護自己。如果一輩子都只穿著髒了也看不出來的黑鞋子,那就只會把一腳的細菌都沾在鞋子上,以為看不到就等如沒有。
況且,白鞋子髒了,難道就不能洗麼?也許要花點時間、花點心血,不過只要肯去洗,最終髒了的鞋子還是能回復原貌的。
夏天穿著白鞋子,不是比較精神氣爽麼?哈哈哈……^o^


推薦一首好聽的歌給大家,是台灣組合元衛覺醒的「夏天的風」,真的很好聽喔~~~



夏天的風
曲:衛斯理 詞:衛斯理

夏天的風吹入我心中
你站在海邊望著天空
你說世界是多麼遼闊
渺小的我們擁有什麼

當時的我們還很懵懂
你就像溫室裡的花朵
保護著你不讓你凋落
捧在我手心不曾放手

時間滴答地走
年華似水地流
年少輕狂的愛能多久
你放開我的手
綻放出燦爛的花朵

每到夏天我吹著溫暖的風
想起當時我們愛得很灑脫
美麗的蒲公英散落空中
隨著風搖曳得很自由

每到夏天我吹著溫暖的風
我們的故事簡單卻很生動
花瓣掉落在我的手中
握著我們曾經的感動

每到夏天我就喜歡吹著風
我們的故事簡單卻很生動


實習生
Karen =)

6/12/2009

09實習生小記#6

大家都應該知道,如果報咗名參加DJ班之後,除咗要寄一個2分鐘嘅DEMO過嚟之外,仲要喺七月底進行一個INTERVIEW。

不過,其實INTERVIEW唔係七月先開始,而係從大家寄信嚟果一刻就已經開始緊嫁啦。

例如大家打電話嚟查詢,飛左去留言信箱嘅時候,我哋亦都可以睇得出大家講嘢清唔清楚、有無條理。我哋唔認識大家,一日亦會接到好多個電話,不過從留言就可以睇出一個人嘅說話技巧。

有人會講到唔清唔楚、講到超級快,其實…我哋唔係奉旨知道你叫咩名、電話幾號嫁嘛,所以你求其講吓,我哋聽唔清楚,就覆唔到你。我哋其實好歡迎大家打嚟問嘢,亦都好樂意答覆大家,不過如果你無誠意問,我哋亦都無辦法答到你。


另外,亦都希望同學仔可以盡量交支票,而唔好交現金過嚟。因為一旦interview唔成功的話,我哋會將支票寄番比你的,如果係現金嘅話,處理上就會有d麻煩~可能要你哋自己上嚟拎番添。所以希望同學仔可以盡量以支票的方式交錢啦。


實習生
Karen=)

6/10/2009

09實習生小記#5

近排陸陸續續都收到唔少報咗名讀DJ班的同學仔寄嚟嘅DEMO,同時又有好多想報DJ班嘅同學仔打嚟查詢DJ班嘅情況,今日就想同大家分享吓。



想報名DJ班嘅你,錄完DEMO之後會放喺咩野到寄過嚟呢?會係MEMORY CARD、CD-R定係FLOPPY呢?
MEMORY CARD當然就係最先進嫁啦,裝得多D、質素又好D,不過各位寄過嚟之前要先掃吓毒,唔好變成「帶菌者」啦!
至於CD-R,應該就係最普遍嘅方式,而且對大家嚟講應該都係最方便同最簡單嘅方式。
而FLOPPY呢,wow,其實而家D電腦都好少附有磁碟機A了,當然我哋都會有辦法聽到,不過而家科技進步,燒隻CD其實咪仲方便!FLOPPY嘅壞處同時又包括咗佢易壞又唔穩定嘅「體質」。



所以大家如果真係冇辦法,要寄FLOPPY過嚟的話,最起碼都要搵個盒入住佢,否則喺寄到過嚟嘅途中唔小心被壓一壓、跌一跌,我哋收到嘅時候都只能夠對住隻READ唔到嘅FLOPPY望而興嘆啦~~~
大家錄個DEMO錄得咁有心機,當然都想我哋可以清楚咁聽到你哋精彩嘅表現嘅,係咪?所以,用個好D嘅方式,為自己嘅DEMO做足「安全措施」,對自己好D~~~

另外,如果同學仔想打電話嚟查詢,但咁啱我哋又冇人聽,飛咗去留言信箱嘅話,同學仔記住留低口訊,講低自己嘅姓名同電話。不過記住要講慢D、講清楚D,尤其係電話號碼,如果唔係我哋就好難可以CALL BACK番你嫁囉~

各位未報名嘅同學仔~~快D嚟報名啦~~記住6月12日前報名嘅話會有DISCOUNT喔~~

實習生
Karen=)

6/08/2009

09實習生小記#4

唔經唔覺,又到咗星期一了。

今日係實習生迎新日,所以認識咗其他幾位都係嚟突破做實習嘅朋友仔。^0^

話說上星期五,終於都試咗第一次自己一個人mixing。

mixing其實都唔係好複雜,不過有d嘢只可意會不可言傳,

即係冇得教,只能feel,

所以我諗可以都需要用多d時間去累積多d經驗先能夠慢慢進步。@.@

不過對於自己第一次mixing,

我其實已經覺得好滿意~總算不負阿絹所望(希望冇啦~hahaha),

都算係幾有成功感了。:p

實習生

Karen =)

6/05/2009

09實習生小記#3

今天是實習的第五日,心裡只有一個想法:竟然已經係第五日了。*.*

喺呢度嘅日子好似過得好快,d同事都好活潑好nice,每日lunch time大家一齊食嘅感覺好warm好開心。^0^

呢兩日嘅工作包括咗寫稿、錄音同埋mixing。

第一次寫稿,當然係寫到樣衰衰,完全唔合格啦~~真係唔寫稿都唔知自己咁詞窮,講嚟講去都仲係嗰三幅被,以後真係要睇多d書,豐富吓d詞彙啦~>.<~

第二次進入錄音室,戴住個headphone嘅時候,壓力同緊張真係會突然之間出現。於是,只係錄10條問題,都可以一直炒粉。原因就係本人唔識「運氣」啦~~~原來對DJ而言,講野要夠中氣真係好重要,不過「丹田」嘅位置我仍在努力尋找中呢~希望下次可以搵到佢啦~hahaha.... :p

最後就係學mixing,已經唔係第一日學了,不過對mac機嘅操作真係好陌生,好彩我已經初步熟悉咗少少。今日就係我要孤單作戰嘅時候了~希望唔使打擾阿絹求救啦......@0@

實習生
Karen =)

6/03/2009

09實習生小記#2

今日已經係第三日實習了,

過去兩天都過得好充實。

第一日返工嘅時候,朝早都過得幾悠閒,下午阿絹帶左我去錄音同學mixing。

聽到自己錄音出黎把聲都幾唔慣,因為好似同平時好唔同咁~hahaha,不過好好玩Laughing

而學mixing嘅時候,因為以前冇用過mac機,所以阿絹教嘅時候我都有d聽到一頭霧水嘅感覺,

不過好開心,可以學到好多野。

第一次接觸電台嘅工作,覺得淨係用聲音嘅方法去表達一切都有一定嘅難度,

不過如果可以成功咁做到,就一定會有好大嘅滿足感。Smile

生活o係而家嘅年代,

想獲得資訊有太多途徑,例如上網、睇電視、睇報紙等等,全部都方便又快捷;

但係偶爾聽下純粹嘅聲音,

可能可以尋找到一d o係生活上被我地大意忽略左嘅事物。

好聽嘅聲音,可以令人感到精神愉快呢!^0^


實習生
Karen =)

6/01/2009

09實習生小記#1

哈囉~大家好!!!
我叫KAREN,是樹仁大學今年派來突破U-MEDIA的暑期實習生!

前兩天才剛考完試,三年級的課業壓力實在不輕。*.*

終於,期待已久的暑假終於到來了,滿滿三個月的實習期將會是我今年暑期的重頭節目,希望可以過得充滿又愉快!也希望大家要好好珍惜暑假喔!^0^

接下來的三個月,我會繼續向大家報道我的實習心情和情況,請各位多多指教囉!

實習生
Karen =)