4/27/2010

亞花, 牛雜, 變態佬, 我正搵你呀!

阿花, 變態佬, 牛雜..我就係屎忽恆呀...
真係好希望你地有聽上個禮拜的"新新青年互助委員會", 有上o黎呢個網站...
我facebook同msn 都係 wanandkitman@hotmail.com
你地add返我啦! 無見你地十幾年 , 我真係唔捨得你地呀...我地, 仲能唔能夠再做返老死?

click呢度 聽返我上個禮拜o係節目講過d咩啦!

4/21/2010

細微的感動


這是我上兩個星期在"關二歌"環節中, 提及前同事所送的生日禮物, 這張CD令我感動的原因, 不但是他送上我喜歡的CD, 更因為他記得的最細微的需要

即刻聽返我講過的內容啦



DJ Kuen

DJ班電話查詢秘笈  

突破DJ訓練課程2010官方網站 己經出街喇!!

不過,話說在未出街之前,已經好多人打黎問詳情喇~
問完詳情,心急人下一個問題就好想即刻有報名表,遺憾,報名表係要去官網download架
但係,果陣網站未出街喎~邊度有得download呢?

自問我還是一個善良的張小姐,當然會日行一善,叫E貓幫我把報名表送給他們,還會隨貓附送一個課程簡介~ (簡直是日行兩善)

不過,有一次,差D令善良的張小姐也露出本來真面目。睇睇案件重演先:

張小姐:(扮溫柔)你好,突破
A:(語氣冷淡)我想問下DJ班嘅詳情
張小姐:(問咩呀?)請問你想問DJ班邊D嘅資料呢?
A: (不厭其煩)即係個DJ班係點?

這刻,實在有種奉旨的感覺。不過,我仍然很專業地把整份資料讀一次俾佢聽
最後,當佢知道官網未出街,無得download報名表之後,顯得有點失望。我唯有再日行一善叫E貓送張form畀佢。

A:(表現興奮)真係架,唔該你呀!

這個故事說明什麼?

1.打電話畀張小姐,請先問問自己,到底想問D咩。問題中point,我答都答得精準。聽我讀稿,不如上網睇啦。
2.電話查詢,切忌態度老馮。因為你永遠都唔會知,呢一個電話查詢,係咪你第一個interview。因為,張小姐其實好小氣的。(DJ KUEN~頭先有個人打黎問DJ班,佢嘅態度好似要我奉旨答佢咁!)

再提一次,突破DJ訓練課程2010現已接受報名,官方網站:http://www.blogger.com/radio/dj/
睇請楚資料,知道自己想問咩先好打黎,否則我真係會照稿讀。

日行幾善 張小姐
查詢熱線:2632 0372
100條線,得一個人打黎


每 日一問

Q:點解依家先講可以打黎問拎報名表?!
張小姐答:一早講左,咪全世界都打黎?!我先無咁蠢!!!!
報名表下載:http://www.blogger.com/radio/dj/links/applicationForm_.pdf

(E貓派表己經中止!)

4/14/2010

突破賣旗日需要你!請幫手賣旗~  



我們需要
4000義工 , 好需要你的參與!


可以網上報名, 或致電2632 0000報名!!

如你不能親身賣旗, 可以透過以上網站online捐款或以PPS捐款

4/08/2010

阿媽都報DJ 班?!

《突破DJ 訓練課程2010》嘅網站未出街,已經有好多醒目仔醒目女打嚟問詳情喇!

不過,我覺得最醒目嘅,都係媽媽!

因為,不論係舊年,定係今年,都有好多媽媽打嚟查詢DJ 班嘅詳情。
最近的五個查詢裡面,就有三個係媽媽打嚟喇~勁呀!

唔通媽媽們都被DJ班吸引,都想報名???明明DJ 班嘅對象係15-22歲喎!

然後,佢哋會話我聽:『我係幫我個仔/女問架!』

對於媽媽們的電話,我真係好奇:
到底係媽媽想自己嘅仔仔囡囡報DJ 班,幫佢地問左先;定係仔仔囡囡太過害羞,所以請媽媽幫自己打電話問呢?

若果係自己想報DJ 班,就唔好勞煩母親大人幫手問喇!話晒都已經係15、22歲,讀緊中三,甚至就大學畢業,如果連一個簡單嘅電話查詢,都要出動媽媽,報名嗰陣嘅2 分鐘自我介紹,可能要請埋媽媽嚟客串先得喇!

最後….

到底,呢張係咩嚟? (按圖可放大)

張小姐
《突破DJ 訓練課程2010》電話查詢:2632 0372
100條線,得我1個人接!

4/07/2010

在直播室要看什麼?  

這是在直播室內的大鐘, 做節目時一定要時刻睇住佢! 因為講到咁上下就要去廣告, 報時同報天氣, 如果不望實佢, 隨時過鐘都唔知!

(by the way, 其實每次節目不是準時8pm開始, 因為有新聞要報, 仲有好多o野要播, 你有留意係乜o野嗎?)



猜猜這個發光的三角體是什麼?

它是代表開咪的燈! 它一亮著, 便代表你所說的每句說話, 全港市民都會聽到!! 所以, 在直播室內必定要「睇燈做人」, 以防咪後的說話不小心漏了出街, 更要防未開咪便講o野!

(到底我們在咪後會說什麼? 不。告。訴。你!)


就是它! 這支mic令你所說的一字一句, 都會讓全港市民聽到!! 做節目時, 我們要留意自己與mic的距離, 以免自己的聲音「唔入mic」, 同時也要留意partner的聲音「入唔入mic」, 準備隨時「提水」--叫對方close mic一d!


其實在直播室看得最多的, 是一起節做目的partner! 因為我們要靠眼神和手勢來示意幾時做什麼什麼, 所以怎能不多看partner的臉哩! (如果多d靚仔partner便好了...)

DJ Kuen

4/01/2010

開咪現場


上星期六開咪的飛機, 他在節目中介紹自己時, 竟然不出聲只做手勢!!! 開咪做默劇?! 想聽返當時的情況, 即click 這裡 去聽聽吧!



做節目時, 我們個個手上都有一份rundown, 睇住有咩要講!




這是operator Freddy! 他經常(在咪後)取笑我! 最近開始在咪前都對我不客氣, 太!可!惡!了!

DJ Kuen