2/28/2013

寫稿一take pass?!



第一次做 「孖咇.雙睇」 ,對我嚟講,八字真言:「 開咪唔難,寫稿先難。」

我勢估唔到短 短 大概十五分鐘嘅內容,我竟然要一改再改,尤其是對我呢個中文打字唔叻 嘅 人嚟講,簡直係一個噩夢。其實我不嬲寫稿都抱住一個心態,就係改少當贏。大家唔好誤會,唔係 改得少當 贏,係改剩少少當 贏。所以真係 辛苦曬咁多位執過我份稿 嘅 人,但大家放心啦,我會改呢個心態架啦,你地每一個提點我都會銘記心中。終有一日,我會第一 take 就寫到一份見得人 嘅 稿。



2012年新新DJ 張家平

2/25/2013

寫稿內容o係邊度o黎?


第一次做「愛恨香港100%」環節,跟我預期一樣,比另一個環節「孖咇.雙睇」難準備得多。首先是要選合適的題目。開頭我想不到一個有趣 的內容,後來導師亞絹說可以在農曆新年著手,於是我便寫有關農曆新年的東西,只要腦海裏出現過的,我也寫下來,於是「利是」兩個字就出現了。

接著就要想推進的問題,亦是「愛恨香港100%」最難做好的地方。我從利是本身著手,想想利是中的錢和利是封,與自己有什麼關係,於是就想到浪費 利是封與環保的衝突。可惜推進的層次仍未足夠,我還要想其他傳統節日與環保的衝突。剛好我有個朋友在台灣回港,她跟我說台灣人的環保意識十分強,廢物分類 尤其仔細,我便去查有關資料,把台灣的環保意念與香港比較。有時寫作的靈感不只是靠「想」,與朋友交談的內容隨時也成為你寫作的素材。

今次開咪我犯了一個錯,就是skip了師姐的一個故事。其實師姐總共有2個故事要分享,但開咪時間有限,我誤以為不說她的2個故事,結果就我突然跳去說另一部分。或者開咪時應有的默契,我仍未掌握通透吧。




2012年新新DJ Jessica

2/23/2013

喉嚨痛

我以前不懂中文輸入法,所以跟朋友通短訊時,會寫英文,但由於英文水平太差,就曾經鬧笑話!

有一次我喉嚨痛,send短訊告訴朋友:「hau lung tong」

豈料對方回覆問:「你幹嗎講粗口?!」

原來對方誤會我講「好x痛」(!!!)

後來我查字典,認識喉嚨痛的英文:sore throat。真是一世難忘!XDDDDD



2/22/2013

「淡定」、「執生能力」是這樣煉成的!!



雖然開咗咁耐咪,但做節目依然會時常「炒粉」(電台術語:衰咗嘅意思)。喺我印象中,我試過好多唔同嘅「炒粉」情況,例如,講講吓嘢會load唔切,搞到dead air;讀錯曬D資料、數據;冇睇到時間,overrun咗勁多都唔知等等。好多時,呢d自己整出嚟嘅錯誤,唔需要太緊張,起碼仲有Partner去幫我「補獲」(編按:開咪時不能講這個字啊!),笑住咁帶過;或者自己好「淡定」咁紏正返,聽眾多數都唔會點發覺。

但當機器「炒粉」,就係考驗你「執生能力」嘅一瞬間,好似上星期segment出街時,CD突然跳線,嗰刻我仲夢緊遊,以為係自己嘅聽筒出咗事,點知抬起頭,operator已經叫「開咪」,如果唔即刻俾反應,就會dead air ,喺呢幾秒間,要扮冇事之餘,又要諗一個令到節目可以順利move on嘅說話,真係有難度。最後,扮到冇事咁,當個故事好似係特登未完,問:「吓?咁個故事最後結局係點?」,咁就過咗關。當日,你地又聽唔聽得出係CD故障?

所以,唔駛驚「炒粉」,「炒」得多,就會學到點樣「兜」得返,「淡定」、「執生能力」嘅鍊成,就係由「炒粉」開始!



新新DJ Stephanie

2/20/2013

So what?

困難也好,缺憾也好,只要你根本不視它為障礙,一句“So what?”就可以擊退它。在面對失敗時,也需要有勇氣講一句“So what?”。

每年的10月13日是芬蘭的「嘗試失敗日」。在9-10月期間,主辦單位會邀請名人或成功人士,在網上以影音分享失敗的經驗。其中一個的參與組織是製作Angry Bird的公司,在這遊戲紅爆全球之前,他們共製作了超過50個遊戲,而且幾乎以破產告終。公司負責人說:「總要不斷嘗試,有時你會做對,有時卻不,而我們公司的態度是願意學習。」

此外,主辦單位又會邀請所有芬蘭人參與,在網上分享自己失敗的故事,和自己對於失敗與成功的宣言。幾個芬蘭城市都分別會舉辦活動與講座,讓敢於分享和面對自己失敗的理念,更廣為傳播。在10月13日,大家就來一起,勇敢嘗試冒險,嘗試失敗。

在成功出現之前,可能會遇到數之不盡的失敗,但只要肯屢戰屢敗、屢敗屢戰,有勇氣對失敗說:“So what?”,成功就會屬於你。



錯就錯,不要怕失敗,我在學習英文時,深深體會這道理。學英文的竅門是不要怕犯錯,敢講敢試敢錯,英文才有可能進步。 去年我去歐洲旅行,就是抱著這種心態。

有一次,我在德國去超市買食物,想買德國的傳統腸仔,那款腸仔要褪去腸衣才能吃,但由於全部腸仔的包裝都是寫德文,我不能識別,所以便問身旁的德國女生。不過我不懂得「腸衣」的英文怎麼說,於是用“cover”,“surface”之類字眼,德國女生聽罷便回答:「當然要除去外套,因為腸仔有膠袋包住嘛!」原來她誤會了我的意思,令我哭笑不得,於是我加上body language再問多一次,她終於明白了。 

雖然被人誤解,但我不覺得瘀,因為未犯過錯,怎會深刻地記著「腸衣」的英文原來是“casing”?正如退休資深法官楊鐵樑說:「面皮薄學不到英文,錯就由得它錯吧,下次改過便好了。」

2/18/2013

開咪賽後檢討



第一次真正開咪,我還記得是做 「 愛恨香港 100% 」 的環節,那天是 12 月 8 日。 為何我記得那麼清楚 ? 因為那天是我的 SHOW DAY ,是我的演繹日 ! 早上我要回校匯報報告,下午就去了表演唱歌,晚上就要到新城開咪。三樣東西看似沒有關係,但事實卻非想像般順利。

因為要做前 兩 樣東西,就已令我身心疲累。學校匯報是 SET 定的,「無得推 」 ,但和表演結合之後,直落,卻不知自己不能應付,因此,導致晚上到新城開咪提不起精神來,表現欠佳。 < 此其一 >

另外 ,寫 DJ 稿也會遇上難題,就是沒有時間和配合不到 !

先說沒有時間。尤其正值考試和學期末,很多校方的東西都要做,有時根本沒有時間處理稿,本應準時交稿,但如果揀咗考試期間 的 檔期,少不免要遲交,結果我真的遲了交第二稿,就會令導師無時間執,嚴重的會像我一般-連開咪的 Credit 都無埋。 < 兩頭唔到岸 > (編按: 開咪 Credit 即是決定能不能「回水」的指標)

再者,就是配合問題。遇到以上的問題,我們應該先請教協助我們的師兄師姐,一起訂立好題目,但卻由於我沒有這樣做,自己做咗先,導致及後根本大家都難以入題,甚至在做節目時,出現分工配不均的情況。

因此我及後作出了一個檢討總結,就是 …

1 。沒有充足的時間或能力,寧願不 “Mark” 開咪 檔期,也不要硬著頭皮去試,因為有些東西是預計不到的。試了若不成功,後果就是 < 兩頭唔到岸 > 。

2 。要與協助自己的師兄 / 姐 、 導師加強溝通。這樣不但可以令他們了解現況,還能提供協作。因為份稿不是你單一人做的,應該要互相合作,如果沒有和他們溝通好,只會令自己無所適從,他們亦不知自己的諗法,最後才發現有出入,便太遲了,節目就不能圓滿。





2012 年新新 DJ 森神

2/14/2013

究竟我想講D咩俾聽眾聽呢?


開咪真係唔係想像之中咁容易,由決定節目嘅題目,到真正嘅開咪,當中真係困難重重。由度題目開始就「碰門釘」,想講嘅題目,又被人講咗,又要諗D切合聽眾口味嘅題目,非常傷頭腦!跟住要揾資料同加埋個人經驗,往往搵埋一大堆資料,只有1、2單有用,而且仲要擺位擺得啱,喺適當嘅時候,淸楚咁將佢講出嚟。不過,我認為自己犯咗好多人都會犯嘅錯,就是事事希望盡善盡美,害怕失敗,次次臨交稿之前幾個星期,就已經開始寫稿,每次都想諗D一鳴驚人嘅題目,但最後都被人「彈稿」,心裡面都會沮喪,而我開始學識咗放開,接受批評!

不得不講嘅係,原來錄音室真係好舒服,温度啱啱好,空氣又流通,即使我係一個緊張大師,入到去,成個人都會放鬆咗,喺入面聽歌真係一流!不過都係講番開咪嘅時候啦!當時我真係好緊張,多得主持人比反應我,令到我愈講愈起勁,無咗緊張嘅感覺。事關我一緊張,咬字唔清嘅情怳就會愈嚟愈嚴重。不過開咪嘅時候,我成日會記住:究竟我想講D咩俾聽眾聽呢?呢個先係最重要。




2012年新新DJ C+

2/12/2013

好小事唧!

準時、尊重朋友、不以貎取人,都是很微小的事,但偏偏很難做到。未必是因為事情難做,而是覺得「好小事唧」,就算不做也沒有什麼大不了。

就是因為覺得不是大事,所以我們會不知不覺間犯了一些小罪小錯。

某天,我如常地趕返工,如常地闖紅燈過馬路。這是不應該的行為,我知道。但我平日見其他人都不守交通規則,見紅燈都照過馬路,我就有樣學樣地見無車就過。點知「上得山多終遇虎」,那一天我遇上警察,捉到我胡亂過馬路。遲到之餘,仲要被人罰錢,當然心有不甘。不過我之後細想,遵守交通規則是自小就學過的道理,即使當時無車駛過,無人見到,亂過馬路都「好小事唧」,但不代表我可以任意犯規,所以自此以後,我過馬路時,都會乖乖的等綠燈才過。



人愈大,就發現自己原來不知不覺間「變壞」了。所謂的「變壞」,其實不是作奸犯科,而是容許自己犯一些小罪小錯,正正因為不是大奸大惡的錯,就覺得做咗都不是壞事。

這令我想起以前讀過劉備臨終前跟兒子講:「莫以惡小而為之,莫以善小而不為。」,意思是不要因為壞事小就去犯,亦不要因為善事小而不去做。 我們總因為善事太小而不做,例如:買旗,幫亞婆過馬路,請有經濟困難的朋友食飯,因為幫了人,又不會有金紫荊勳章,又不會有人大鑼大鼓表揚自己,為何要做?其實這個問題沒有答案,只是覺得有些事情應該做,就去做而已。

有一次跟一位DJ班義工去訪問「平等分享行動」發起人Benson,問他為何會開始派飯給無家者。



他說有一天見到一位倦透了的婆婆睡在街頭的紙皮盒上,覺得號稱繁華大都會的香港會容許這些事情發生。於是他不斷用鏡頭記錄這些人,愈拍愈發現這類故事在城市中有很多。他不但把相輯錄成相簿「看見。不看見」,更每月到深水埗派飯。這些行動不但沒有為他帶來實際收益,甚至很干擾他本身的工作,但因為他相信為無家者送上食物和衣服是應該做的事,他就去做。

如果你心中都覺得有些事情想做,不管多微小,就去做吧!

2/10/2013

Be brave, be different

你幾時開始諗你的夢想?可能好多人同我一樣,就係畢業先嚟諗。

我大學主修中文,到我剩返半年就畢業嗰時,我先至發現從來無諗過自己想做乜!嗰時先開始諗,想入電台或者做傳媒,但我一路都無讀相關的科目,亦沒有做有關傳媒的實習工作,原來我一直只係顧住讀好書,應付一個又一個測驗和考試,卻沒有舖路去接近我的夢想。我感到後悔莫及,但想急起直追都趕不上。畢業之後,因為我沒有跟傳媒有關的經驗或學歴,就算有得interview,都無人肯請。

可是始終要生活,所以我選擇了做一份文職工作。天天朝九晚七,訂水訂文具寫proposal,生活刻板而沉悶,但同時因為有穩定的收入,令我覺得安全而實在。生活令我明白現實是殘酷的,所以當時我當自己飲咗孟婆茶,"goo"一聲將夢想忘記,亦都有諗過遲d儲到錢嗰陣,再去實現夢想。但諗深一層,到我真係有車有樓有仔有女嗰時,我仲可以話追夢就追夢咁任性嗎?

我相信我的故事好多人都經歴過,可能大家都曾經有過夢想,但係有很多原因令我們唔記得咗。當然,如果屋企等你份糧開飯,而你仲要不顧一切咁去追夢,可能太不設實際。不過,如果你有條件去追夢的話,你為何不鼓起勇氣去做呢?

 
  
那是誰 用掉了 我的牙膏 我的鞋和外套 是誰穿走了
那是誰 在我家 大方洗澡 鏡子前他和我 一樣的外表

誰搬進 我的大腦 誰綁住 我的手腳
是DNA 唱我反調 還是我 的命運 不敢自編自導



為何沒有去實現夢想?不是DNA出錯,亦未必單單因為現實環境不容許,而是根本不知道自己的夢想是什麼,因為由細到大,無人會話你知要有夢想,教育制度亦不鼓吹你思考自己的前路,只會著重眼前的考試和分數,更何況你的人生早已被規劃,就是跟著社會的「正途」走,最後變成一式一樣的人,擁有一式一樣的人生。你甘心一世就係咁嗎? 

人生唔一定係咁咖啦,只要給自己多一點勇氣,你的世界就會變得不一樣。 

最近睇報紙見到一位男生,叫陳志輝,他因為心口有個「勇」字,就實現了好多人諗過但唔敢實現的夢想。 

他是一個孤兒,16歲就租板間房住,早上做水電技工,晚上送pizza。當時晚晚都一個人食飯,住喺附近的人都垂頭扒飯,木無表情,彷彿見到廿年後的自己。於是做咗十年嘢,全家身家只有$6,000,英語只懂說yes和no的他決定豁出去。七年來,他以瞓公園、打工賺旅費方式,浪遊超過20個國家。其中有一次當他喺旅途中用曬d錢,要訓火車站,又無工做嘅時候,有一間唐人餐館的老闆娘收留咗佢,打咗三個月工,包三餐仲有雜物房住。 

點解咁辛苦仲要走出去?他的回答令我很難忘:「人生並唔係只有一條路。我唔識英文,又冇錢,連我咁嘅人都做到,其他人點解唔得?」 

人生不是只有人人都行嘅嗰條路,你可以走屬於你的路,只要你敢。 

2/08/2013

點樣用英文講呢d新春祝賀說話?

 

出入平安:Wishing you safety wherever you go
恭喜發財:Wishing you prosperity
身體健康:Be healthy all year

2/06/2013

英文。揮春

還有幾天便到蛇年,除了記住今個星期六晚八點,去新城知訊台聽「新新青年互助委員會」的蛇年特備節目之外,可能會買返d揮春應o下節(ok,我都知好老土...)

你又知唔知點樣用英文講以下呢d新春祝賀說話?
















諗唔諗到?比d時間你諗吓...


5...


4...


3...


2...


1!!!!


公。佈。答。案!


出入平安:Wishing you safety wherever you go
恭喜發財:Wishing you prosperity
身體健康:Be healthy all year

絹 XDDDDD



2/04/2013

你份稿到底關聽眾咩事?



喺今次打稿的時候,我以為「孖咇雙睇」的環節只係把自己的故事及感想分享給聽眾,但係我就忘記了最重要的一點,就係「你想帶出什麼東西給聽眾」,所以在頭一次的稿中,我只係打出我的故事和感想,完全唔關乎聽眾和忽略想帶給他們的訊息,所以之後我便要重新再打一次,咁樣先可以令聽眾明白我想帶出來的訊息同意思。

因此,我認為寫稿時候應該要諗清楚你想分享什麼故事同感受,就好似導師成日講:「到底關聽眾咩事??」,要諗清底牌先好打稿。而喺開咪的時候,我發覺「孖咇雙睇」環節,同我上次第一次做節目的「愛恨香港100%」係有好大的唔同,「愛恨香港100%」好多時候都係由導師同師兄師姐問我問題。然後我就回答,而「孖咇雙睇」就不再是你問我答,而係要有好多對答交流,就好似兩個朋友傾計咁。除咗師兄師姐問我問題之外,我都會問番師兄師姐問題,咁樣先會令節目變得流暢,而呢個就係我喺今次做孖咇環節的感想啦。

2012年新新DJ 牛雜