5/25/2010

咪前一小步,夢想一大步  

依個就係我 5 月 22 日開咪嘅感想!
由 8 點開始報時,報天氣, 8:18 再報時, 8:30 再報時, 8:30 之後做自己果 part 關二歌, 8:48 分再報時,最後再有機會幫阿絹手做最後一 part 嘅節目!雖然由外人嘅眼中睇起上嚟會係只不過多左幾句嘢報時同做多最 後幾分鐘, 但對於我嚟講,就真真正正係完完全全咁去參加一整個節目了

心情比起第一次開咪更加緊張, 因為個心情係由依 " 節 " 係你嘅節目,換變做依 " 個 " 係你嘅節目,成個責任大左好多,而且第一次做無試過嘅野,個腦淨係記 個程序都已經好驚喇! 好抱歉地要講一聲對不起,我係第一次報天氣同埋最後果 part 都炒左粉 XD 但真的感謝阿絹比依個機會我去試, 當然我會希望以後都仲有更多機會喇 XDDD


09 新新 DJ Zero

5/20/2010

實習唔到點算好?

上次揭曉了最常查詢問題的第一名,今次就話俾大家知第三名係咩啦!
登!登!登!櫈!!!!

『我想問,我九月要返學/返工/去外國讀書,去唔到實習,咁我可唔可以報名?』

有了解過《突破DJ訓練課程2010》的朋友仔,都應該知道整個一年制嘅課程,係分為理論、實踐,兩部份!
八月有六節朝十晚五嘅理論課,咁密集式嘅教授,到底吸收到幾多呢?

所以,相比起理論課,九月開始歷時11個月嘅實習過程,先係整個DJ 班嘅精髓所在!錯失呢個實習,是絕對絕對絕對,非常非常非常可惜的!

不過,不用擔心!只要你9月至明年8月,你本人都身處香港。都很難出席不了DJ 班實習的了。因為DJ班實習主要包括:
1. 準時出席每月一次的義工月會
2. 自行安排時間在家中完成導師的開咪功課
3. 出席電台節目周六晚的《新新青年互助委員會 》(會事先被編排好時間)

基本上,DJ 班的實習,還很著重個人時間的安排。若你能夠妥善管理時間,不單可以爭取更多開咪機會,賺取比其他人更多的實戰經驗。最後,出席滿八成,更可以退回一半的報名費!(註1)
學到野,仲可以回水,真係抵到爛!

張小姐
放完大假,強戰回歸
請忘記鄧先生的電話,直撥給:2632 0372


每週一問:
問:你都未答,我九月要去外國讀書,咁可唔可以報?
張小姐答:如果你唔介意每個月搭飛機返香港出席電台義工會、去電台開咪,或者都可以試下嘅。不過,我認為呢筆交通費已經可以係外國讀到幾個degree!

註一:想要"回水"的話, 除了出席率要滿八成之外(第一階段[8月] + 一整年的義工月會), 還要完成三份創作作品啊!

5/08/2010

未成年做DJ??

數下數下,原來張小姐大大話話已經接左幾十個關於DJ 班嘅電話查詢

唔知大家係咪都有睇我個係呢度嘅blog,所以,已經無人迫我照稿讀喇!真的很感動!(另外,我亦嚴重懷疑,有人打俾我果陣,係度忍笑!)

雖然無人迫我照稿讀,但係幾十個電話裡面,問來問去嘅,原來都係差不多嘅問題。
不如我就係度分享下D 常見問題,睇下仲有無人會打黎問我先!

電話查詢問題之冠,登登登櫈--
『我14歲半,未夠15歲,可唔可以報名架?』
『我過左22歲,唔知可唔可以參加呢?』

假如突破DJ訓練課程嘅報名資格唔係15-22,將年齡差距拉大一D。試想像一下,當你一去到班房,就見到有一個就升中二 13歲嘅同學仔,仲有一個專登請左六日大假黎上DJ 班嘅25歲上班族。 你到底係去左中學?大學?定係工X會興趣班?

其實,限制一個報名年齡差距,除左係希望課程內容對15歲不會太深、22歲不會太膚淺之外,都希望同學仔唔會因為年紀相差太大,而有代溝,實在係用心良苦呀!你都想自己嘅DJ 班同學仔年紀差唔多,課程內容可以容易吸收又唔會太簡單!


但係,假如你真係好想參加突破DJ訓練課程2010,而年紀又唔係相差太遠(加減1歲左右),你都可以試下報名。再經過interview,再由評判決定會否取錄!不過要註意:15-22歲的參加者將會被優先取錄的!

所以,未成年、超齡參加者,你地要比其他人更用心去預備自己呀!

(***註:以上言論,純屬張小姐個人言論,不代表『突破DJ訓練課程2010』立場!)

張小姐
五月放大假
100條線,我全部都唔聽!

請各位轉向鄧先生查詢
查詢熱線:26320711

每週一問:
問:你好,我想查詢『叮訓練課程』
張小姐:你到底係唔識中文定唔識英文?! 如果連『DJ』呢兩個英文字母都可以睇做『叮』,我嚴重懷疑你係咪想做DJ。收線!

5/05/2010

火柴人「無限燃燒」音樂創作比賽 2010  

火柴人「無限燃燒」音樂創作比賽分別已在2003年及2007年舉行,至今踏入第三屆。

我們相信青年人在成長過程中,面對不同困難和挑戰。那麼青少年面對生命中種種的不可能,又會採取什麼態度?透過火柴人的生命《與其咒詛黑暗‧不如燃燒自己!》:的信念,來鼓勵青年人面對成長中的困難。因為我們相信:「與其自怨自艾,不如把眼光投射在一些更美好、更光明、更充實的地方上,盡為社會為別人獻上更多」。 就如蠟燭不被燃燒便不能發出亮光,今天所經歷的苦難只是「化妝的祝福」。

「火柴人無限燃燒」 音樂創作比賽,正是延續火柴人「燃燒自己為使別人得到燭光」的理念,讓青年人透過音樂創作,鼓勵自己及他人積極面對逆境,視之為學習的過程,並願意為社會、為他人無私奉獻。

詳情:http://www.matchman.com.hk
查詢電話: 2632-0369 (市場部 吳小姐)
電郵 : matchman2010@gmail.com

5/03/2010

第一個Early Bird 出現喇!

知道這是什麼嗎?!?!?



對~ 這就是「突破DJ訓練課程2010」第一位報名參加的朋友!
她這麼早就報名,我實在非常感動!
而她的來信,也令我想到兩件事:

第一件事:
話說過去曾有收過幾個人的查詢,都不約而同問我,點樣將個2分鐘自我介紹錄音寄過黎。
她實在是一個很好的示範:


看到嗎?就是燒做一隻CD,就可以寄過黎喇!當然,過去也收過USB手指,也收過memory card。
要留意的是:不論你用什麼儲存你的2 分鐘自我介紹錄音,我地都唔會俾返你的!

一個小小的包裹,簡簡單單的,就包括了報名「突破DJ訓練課程2010」的三件重要大事:
1. 報名表
2. 支票 (14/6 前報名,可以平$100,她已自行在支票上寫成玖佰圓正喇!記住,抬頭是寫「突破有限公司」的)
3. 2分鐘自我介紹錄音 (即圖片所見的CD 了)

各位準新新DJ 候選人,收到未?!

第二件事:
上一次有提過,有好多人在網站未出街,已經急不及待打黎問我詳情,甚至拎報名表。張小姐我,亦前後send 左俾七個人。
但係,第一個early bird,竟然不是這七個人任何一個。她是,從網站上下載報名表填的。真的很乖=]
到底,這七個比任何人都早收報名表的朋友仔,去左邊?!

張小姐
查詢熱線:2632 0372
100條線,都仲係得我一個人接=3=



每週一問:
問:假如我打黎問DJ 班詳情,我禮貌D,或者討好張小姐,會唔會喺面試加分,或者容易D 入DJ 班架?
張小姐答:基本上,我不是評判,你對我有禮貌,是不會加分的。不過,假如你對我的態度太差,我是很小器的,我唔知我會做D 咩出黎。(奸笑)