7/21/2013

改變了,就不再是自己

跟朋友相處也好,搞藝術也好,要是為了受歡迎而過份改變自己去迎合別人,就會失去原來的風格-那些最吸引人的特質。

7/18/2013

Prastise makes perfect

我覺得喺突破度做實習,最難一定係混音。其實混音最主要都係兩個部份,一個係人聲,另一個係首歌,如果你將兩個配搭好,其實就已經做完。但係淨係呢兩個部份,我已經做到想死。



7/15/2013

姿色改變命運?

講真,做人幾可有時間去認識另一個人?睇外表、睇成績就是最快決定如何做選擇的方法。所以,賣相「四正」,的確有著數,而且可以好關鍵。



7/12/2013

復出傳奇


人地話,人不瘋狂枉少年。

前年,一班第十屆新新DJ就喺呢個直播室為咗開咪而瘋狂。自己就瘋狂地「炒粉」,瘋狂地食螺絲,瘋狂地變機關槍,一輪嘴講曬自己要講嘅嘢而冇理到拍檔。最終,我更成為突破DJ班四大傳奇人物之一(?),即係可以做錯嘅嘢都錯曬,一定要啱嘅嘢又未啱過。

不過唔緊要,人不瘋狂枉少年呀嘛……錯咪錯囉!比導師鬧咪比導師鬧囉!最少我輸得起!無奈,DSE殺到埋身嗰時,自己嘅瘋狂只可以用係pastpaper度。做錯只會令自己更驚,更大壓力,更不知所措。

不過,宜家我總算要番嚟啦。而我唔單止要重拾呢份激情,仲要比以前更加投入、更加享受每次做節目嘅機會。所以,我今次重返突破DJ班,再次踏入呢間熟悉嘅直播室,目的係要再次成為傳奇人物,但今次係要做一個比大家認同嘅傳奇人物,而唔係炒粉炒出個傳奇來嘅人!



2010年四大傳奇新新DJ Tim