人地話，人不瘋狂枉少年。
前年，一班第十屆新新DJ就喺呢個直播室為咗開咪而瘋狂。自己就瘋狂地「炒粉」，瘋狂地食螺絲，瘋狂地變機關槍，一輪嘴講曬自己要講嘅嘢而冇理到拍檔。最終，我更成為突破DJ班四大傳奇人物之一（？），即係可以做錯嘅嘢都錯曬，一定要啱嘅嘢又未啱過。
不過唔緊要，人不瘋狂枉少年呀嘛……錯咪錯囉！比導師鬧咪比導師鬧囉！最少我輸得起！無奈，DSE殺到埋身嗰時，自己嘅瘋狂只可以用係pastpaper度。做錯只會令自己更驚，更大壓力，更不知所措。
不過，宜家我總算要番嚟啦。而我唔單止要重拾呢份激情，仲要比以前更加投入、更加享受每次做節目嘅機會。所以，我今次重返突破DJ班，再次踏入呢間熟悉嘅直播室，目的係要再次成為傳奇人物，但今次係要做一個比大家認同嘅傳奇人物，而唔係炒粉炒出個傳奇來嘅人！
2010年四大傳奇新新DJ Tim
沒有留言:
發佈留言