12/28/2007

One Leg Kick開咪記#3

哈佬,大家好!要同大家打個招呼先!自覺失蹤咗一排 *負能量咗幾星期呀陰公...有同情心就問候下我啦*
hea吓hea吓發現,原來得我一個未寫「One Leg Kick開咪記」!係時候要浮返上水啦...


話說錄錄「心S.E.E S.E.E.深思思」嘅前一晚,我,Ceci,亞絹,Ernest係M記傾緊我地嘅進度。之後被分配寫少少戀愛中嘅"酸"嘢。諗諗吓嘅時候,Ceci同 Ernest開始講起Ceci果晚做咩唔開心起嚟。人都係八卦架啦,有嘢聽緊係聽吓啦!原來係感情事...噢...(雖知我都係被情所困) 於是愈聽愈心酸,可惜...酸到咩都寫唔出...


到實戰嘅星期六...只可以話出曬事。都唔知係攰,係眼訓,係失魂,定係輸波唔開心 *錄音之前我去咗大球場打決賽!但係輸咗,不過都係咪好威先?哈哈* 係繼續被情所困,定係發神經,定係唔知咩事...份稿嘔唔到、搞到有一個segment錄唔到、聽咗十幾次都唔知個rundown係點、op機慢十拍、開咪時連牌子名都講埋…呢個粉可真炒得大!


果日Apple病咗,我又唔知做咩嘢,好彩有狀態大勇嘅Ceci頂一頂,唔係嘅話,我地呢個組合可能已經被拆夥了,哈!


順帶一提:
近日常常感覺寫稿未能得心應手,句子唔通,諗嘅嘢又表達唔到,再加上大腦便秘,可以一坐十個鐘但零橋零進度,可以點搞呢…?


07新新DJ Cow

12/26/2007

唔係講笑.唔係Hard Sell

這幾天在收拾屋企, 找到一個file, 厚度有3cm....原來是電台的記錄:


由2005年8月3日第一日上DJ訓練班,到現在將近2年了,呢個DJ班並不同其他DJ班,因為唔只講理論,仲要實踐;短短幾堂,堂堂都要你"做功課",如寫10-20秒segment,上堂仲有機會入studio錄音添!!!!

不過DJ訓練班完咗之後,先係正式的訓練開始,只要你願意"留低",學到的一定比DJ班更多。好似寫廣播劇咁,唔單只要內容帶出message,背景音樂,sound effect等對個劇的效果,都有重要的影響。另外,各位聽到一個短劇係4分鐘,但製作(production)上最少都要一個 whole day;至於劇本上,唔係你寫咩都得咖!根據我的經驗,由idea brainstorming到個份稿話ok 可以錄音,最快都要兩星期呀!!!! 而且突破人腳唔多,次次都要借其他同事幫手錄嘢,所以絕對唔講得笑!一個節目都唔知要幾多人力物力呀!!!!!

寫節目rundown方面,就好似煮餸咁,首先要知道呢集煮d咩(節目要帶出的message),跟住就要搵材料(content),但唔係所以材料煮埋一碟就ok(即係話唔係將所有找到的資料放在一起就可以),要"去骨"同埋睇份量(中point同睇邊d重要講多d),都係啦,一個鐘節目,背後資料搜集,分析等可以由2日至一星期,甚至係開始前3,4個鐘先出貨呀!!!!!

如果連一個星期一小時的節目都搞咁多嘢,嗰d每日做2,3個鐘的節目背後的preparation就更長了(不過佢地通常都有PA幕後幫手)。唔好睇少你聽緊的每一個電台節目,雖然你可以唔鐘意聽~

PS:在突破學到的真是太多了,除咗比我認識technical上的東西,例如mixing外,仲有就是擴闊了眼界,每次寫rundown都令我知識上豐富了,eg: 慢食文化,健味豬,女性車廂,comfort zone,甘草演員或者係一d時事常識等,雖然說接近兩年,這反而令我覺得自己所有的料子是不足的,每每都有改善,覺得自己唔好的地方,多謝阿絹,KK,Ernest等人每次都用心教我地比意見我地,特別係阿絹,無了期咁等我d稿同rundown....仲有集集幫我地mixing

Kitty

12/25/2007

最後開咪的新新DJ

其實我差不多忘記了「開咪」的日子,因為我被考試折騰了…不過我的學生手冊沒有忘記,它還是老老實實地告訴我「開咪」的日子不遠了

「開咪」的情況簡直是慘不忍睹…先是因為交通擠塞,害我以為要遲到了!然後自我介紹稿不行,要即時重新寫稿 (連押韻都忘了是怎樣,難怪我的中文成績一直差下去…) 接著太緊張了,一直「炒粉」還要搶咪!天呀!坐在直播室,因為緊張而握緊了拳頭,掌心很痛!可是KK一直在看片子!(難怪要移開我面前的SCREEN) 基本上,我覺得KK好像在家裡一邊上YOUTUBE一邊看雜誌一邊和絹通電話…不得不提的,是KK和絹超級合拍的表現,若是反應慢頭腦轉得慢,根本就沒辦法在兩人中插話。能夠完成沒有DEAD AIR的節目也全靠他倆多年的合作,真的不是假的!

最後祝大家聖誕節快樂~

新新DJ Tiffa

12/24/2007

雞脾開咪

從今次的開咪經驗,讓我體會到新新DJ藹琳早前在此blog的文章中的一句話「KK和阿絹的默契,是用時間建立出來」,坐在兩位的中間,我彷彿聽到,不...是看到他們的對話幻變成一條拋物線,彼此在大氣電波中互相交流,一抛一接,一唱一和,一點一滴,都是時間所建立出來的點契。


時間的拿揑,亦是我從中體驗到的,雖說是一小時的節目,但扣除廣告時段,節目介紹等零零碎碎的東西,餘下的時間真是少之又之,要利用緊迫的時間把四頁的流程表內容說出來,經驗少點兒也不能做到,開咪前我也有很多東西想分享,但最後能說出來的,又有多少呢?


坐在麥克風,戴上耳機的感覺真奇妙,想到自己的說話會被大眾所聽到,真是意想不到,在開咪前早已跟各方好友說我要開咪,久違了的朋友疑惑地問我「你當了DJ?」。哈!我也想呢!或許我這一輩子也不能當上DJ,但有機會體驗一下當DJ的感覺,也不錯呢!下個目標是可以再開咪!目標定得近少許,實行的機會會大點兒呢!但看來我要檢討一下自己的人際關係呢,事關開咪時一位友人陪伴也沒有呢!=.=”


新新DJ雞脾

12/19/2007

開咪記#5

眨下眼,就已經過咗我喺新城開咪嘅日子,仲記得嗰日……

六點鐘就已經去到新城電台,房入面有亞絹、KK、Ernest、亞Cow同Ceci,當然,每次同佢地傾計都覺得好好笑,仲比Ernest話我塊面白到飛起,攞塊鏡一照,連我自己都嚇親,好在唔係面青青,而係搽多咗防曬,因為我覺得嗰度嘅燈光好強*o*(個人意見),所以搽嗰時重手咗,哈哈! 我地仲因為份rundown嘅關係,上咗一次寶貴嘅歷史堂,由中國到台灣、共產黨到民進黨到舒特拉,學多咗嘢,開心!!

之後,佢地仲異口同聲咁問我食飽未=.=!! (雖然到依家都未證實到我錄音有冇energy,係唔係因為未食飽) 不過,佢地講嗰陣,個樣好認真,係咁嘅情況下,Ernest就去咗買嘢食,好好味同好飽!! -->多謝Ernest!!
到咗正式開咪喇,我喺自我介紹嘅時候食螺絲>,<,都係因為自己準備不足嘅後果!! 喺KK同亞絹嘅帶領下,我分享咗自己嘅意見 (因為開咪之前有d擔心自己唔敢講>﹏<) 有機會試吓報導即時嘅環境空氣污染指數,感覺好得意同有d緊張,因為怕咬字未唔正 >v<~!!! 最後,就同佢地食咗一餐「笑到肚痛」嘅晚飯!
我會珍惜開心嘅時光~!

*各位,近日天氣轉涼,記得著多件衫呀!! 月會見!!
07新新DJ Apple

One Leg Kick開咪記#2

第一次嘅「心S.E.E S.E.E.深思思」開咪,可能因為個日唔係好舒服嘅關係,個腦轉得好慢,就試咗一次約十分鐘嘅錄音la! 試過一次之後,更加發覺一個幾分鐘嘅錄音,已經唔講得少,除咗一路講一路諗、要留意住自己同埋隊友,有冇愈講愈遠、仲要知道幾時要向operator示意去segment……真係一個唔留神,就會出事 >o<

唔好話十分鐘,喺嗰一刻,真係好感受到一個一個鐘嘅節目,事前嘅準備功夫同埋開咪時嘅專注力係幾咁重要!!! 真係「打從心底」佩服一班DJ們呀!
p(‧o‧)q~~!!!

不過,就好似Ceci咁講,我有一班好好的隊友(Ceci and Cow),仲有亞絹同Ernest 嘅不斷提點,了解多咗有關開咪時要特別留意嘅地方。但係,喺亞Cow 同Ceci都可以好大膽咁op機嘅時候,自己都唔識之餘,仲要唔係好識講嘢,真係覺得自己好差勁>~o<)d~

新新DJ Apple

12/15/2007

12月8號,我堅係驚呀!

有成6個,係6個新新DJ 嚟陪我開咪喎!! (雖則我心裡明白佢地唔係嚟睇我……) 不過真係緊張呀!


一開始,自我介紹已經炒炒地粉,嘩,d冷汗好似開咗水喉咁係咁出嚟! 一到廣告時間,亞絹同KK就係咁叫我放鬆d,比下膽舉手講嘢。


Well,喺每一節開始之前,我都同自己講:「好,今part一定要講嘢!!!」,但係,每一次都搵唔到位喎,哈哈,勁失敗呀!help! 次次想比d 反應嘅時候,我發現自己喺度點頭囉!!!


每一次都想打自己à小姐,你開咪喎! 搵邊個見到你點頭呀!!!!
每一次諗到要講咩嘅時候,發現人地已經過咗個topic啦!! 都幾遲鈍架,因為唔知幾時開口好,哈哈!


重覆到第3次嘅時候,我望一望個鐘:56分啦喎! 咩事呀!? 夠鐘啦喂,重發梗夢呀? 哈哈,第一次,let it be!我知我下次應該會有進步嘅 (如果仲有下一次嘅話XD)。


不過,第一次知道自己把聲,會比所有扭開收音機嘅人聽到,真係幾開心架!因為以前我係聽嗰個。記得嗰陣每個星期六跑步一定會8點先去,因為要聽新城呢個節目(星期六d節目好悶,可能係見d人出曬街冇人聽收音機掛)。嗰陣成日諗,做節目嗰幾個新新DJ係咩人,覺得佢地好叻,個個都係學生,但已經可以透過電台節目同其他人分享自己嘅諗法,好勁喎!估唔到今日自己都有機會 (雖然明顯表現差一大截 -.-)。都係寫稿先,如果唔係應該冇下次啦,哈哈!下次一定要表現好d!!!

新新DJ Christy

12/12/2007

儂本無情

昨天東奔西走耗了不少體力,為了明天工作時能在最佳狀態,好藉口!反正今晚的練習師兄有事要忙,泡湯了!於是懶洋洋的在家一連看了三套未看的影片,弄個煲仔飯吃吃雪糕享受住家男人的生活 - 只限一天。

原來只要好好的讓自己在外忙忙,人自然會變得戀家,跟遠方的朋友電話中聊得興起,忍不住東拉西扯的。由年齡增長與婚姻的詭詐關係,談到殯儀給我的感覺,說得狠了點人死了,身體就是一件死物,與一張餐桌或椅子無異,做幾天的儀式就是讓在生的人好過一點。

嘴雖硬,但傍晚時睡得朦朧間一陣敲門聲傳來再說道:「兒子今晚不是有約嗎 ? 沒出去那就出來一起吃飯吧 !」

親切的聲音依舊的煩人,可是即使共吃一個飯盒加幾個罐頭,一樣猶甚美味 !

07 新新DJ阿金

12/10/2007

新新DJ隆重登場記

過去三個月, 新一屆的新新DJ逐一開咪, 逐一炒粉, 逐一發呆...有幾多把聲音你是記得呢? 特別拍下佢地的狼狽相, 逐一細意回味!!! 呵呵~

特別鳴謝攝影師&剪接的Ceci! ^V^

12/09/2007

One Leg Kick 開咪記#1

比人叫「ceci」就試得多! 不過錄製港台網上電台節目「心S.E.E S.E.E.深思思」就真係第一次喇!*興奮*

初初接到呢個挑戰,真係又興奮又緊張…

講真我本來想谷吓呢個sem D GPA,所以都好唔好意思咁同亞絹講:「em…d稿我考完試就會係咁交架喇!!」

不過,當我接到亞絹電話問我有無時間同興趣接受「心S.E.E S.E.E.深思思」呢個挑戰時,我又覺得就算點都想迫d時間出嚟接受呢個挑戰! 機會唔係時時有,我希望藉著呢個機會,學習更多同吸收更多經驗!*決心*

問了亞絹任務的內容,同埋所需要付出的時間,我考慮過我的工作量同能力後,決定咗接受呢個挑戰 =]

*當然我會履行我的承諾,係完試後重新投入寫稿稿啦! >w<*

面對新挑戰,固然會緊張! 但係,我並唔係一個人,因為我有我嘅作戰伙伴apple同埋亞cow,我地有著彼此,我地並唔係孤軍作戰!*開心*

接到任務後,我地睇過一次由亞絹,KK同Ernest 示範嘅「心S.E.E S.E.E.深思思」…然後收到d segments後,我地3個其實都無咩時間斟下,因為咁啱呢個星期係我地嘅死亡週,所以我地決定分頭諗,再話返比大家知自己個idea咁啦~

到咗錄音嗰日,喺亞絹,ernest同亞cow未嚟時,我驚覺apple未食嘢! 有睇開我地嘅blog嘅朋友應該知道apple係唔餓得架!!! 所以我唔小心好激動咁嗌咗出嚟,之後就拿拿臨「的」咗佢去買嘢食喇~哈哈

到咗正式錄音,老實說,可能係因為唔係直接播出街,我一d都唔緊張…持著平常心去面對事情,係可以減少炒粉嘅機會…

我同亞絹錄咗一集 *小緊張,不過第一次算係咁啦,我都勉強比自己合格嘅 =]*

我同cow都有op吓機,我又同apple合作吓,cow又同apple 合作吓,大家合作愉快! 深信我地應該可以handle到「心S.E.E S.E.E.深思思」的!加油啊!伙伴們!!

事後cow說我當日狀態大勇… *!哈 可能因為去之前我食咗朱古力同雪糕啦!*

今後,我,apple同cow會好好為「心S.E.E S.E.E.深思思」努力的,希望大家都會多多支持我地啦=]

新新DJ Ceci

12/07/2007

開咪記#4

「我鍾意講嘢,唔鍾意趕嘢;我鍾意行街,唔鍾意痕街。」

不知你有沒有收聽我親自讀白,但這是我真實寫照。
但很多東西不是「鍾意」就可以,熱愛除了用心,還靠行動表達。

KK和阿絹的默契是用時間建立出來,看到他們的合拍,令自己很想可以融入。可能因為緊張,雖然阿絹和KK已經給我許多機會「搭嘴」,還是捉不準位置……聽得出來嗎?

whatever,這是一個二十分好的機會(比十分好更好=P)。讓我知道自己的不足,知道自己需要改進的地方。瞧著看,我會努力學習及進步的!

07新新DJ靄霖

12/05/2007

怨氣都市,唔需要菲氏book,需要hatebook

牡丹樓年年加價, 牡丹樓叔叔仲笑到四萬咁口望住你?
明明轉咗綠燈, 有架粉藍色掃把佬仲響駄衝燈甩尾, 拎你條命仔教飛?
買嘢買到大抽細抽, 見到有lift, 點知lift入面個細路, 笑笑口不停按關門掣, 仲揮手同你講byebye?

等咩呀? 入hatebook鬧爆佢啦!
響呢度仲搵到一班志同道合嘅人同你分享扯火經過:
A : “我最憎班入面個姣精咖喇!”
B : “姣都未算呀, 有d仲cheap到做埋『公共水塘』, d水任抽唔嬲,你話扯唔扯火? ”

或者基於個人立場:
A : “出事喇, 隔離班d 男仔好憎我喎, 因咩事呢? ”
B: “今日同細欣炒大鑊添, 佢會唔會上hatebook唱衰我嫁? ”
C: “聽講呢排阿螢同阿敏翻咗面喎, 睇下搵唔搵到d線索先~”

d 高官都成日叫市民克制冷靜, 唔發洩點冷靜呀? 將心中烈火吐出嚟, 發洩完咪唔會屈到病啦!
《背景音樂: 陳奕迅 – 兩名男子街頭相遇》

07新新 DJ 阿金

放呀放呀

仲記得上堂嗰段時間,唔知邊個話「當你聽到自己份稿有得出街,會好有滿足感」,呢一刻我終於感覺到啦!


從今,我確實明白何謂台上一分鐘,台下十年功的道理了!只是簡簡單單約兩分鐘的稿,我就錄左兩個半鐘...


「喂...阿便呀?阿絹呀!我想約你錄音呀...」


咩...咩...咩話?約...約約...約我錄音???七上八落歡喜若狂笑逐顏開笑不攏口哄堂大笑,笑笑笑笑!!!總而言之,就係非筆墨能夠形容得到的快樂!!!仲未抑制到自己嘅情緒,就要約時間啦!!咩話?! 要下星期出街?擇日不如撞日,就聽日錄啦!橫豎聽日放假...


啱啱掛線,我就係間屋跳呀跳呀跳呀...開心嘅係能夠將自己嘅嘅心聲,喺大氣電波中傳開去,希望有人會有同感啦!


但最無奈嘅係...係我...係我個鼻呀“乞痴”...正值感冒高峰期,感冒菌揀中我!鼻音仲過白姐姐呀!


久違的錄音室呀...唔知點解,心情又無嗰時嚟學嘢咁緊張,或者係因為無比較掛,人又少嘅關係啦!但可恨我個bass(個鼻),總係好“盟”!其中一段要索鼻扮聞嘢~但奈何D鼻涕喺度蘊釀緊,變左索鼻涕聲,唉...


「放D啦...唔夠放呀!」呢句係我喺錄音室聽得最多嘅說話,我連屁都放埋啦!點先叫「放」呢??阿絹講咗句:「呢D嘢要自己領略,不能言傳」,啊...即係咩呀?


然後,我每一段都要錄五,六次,先至做到阿絹嘅要求。


究竟咩係放D呢?到依家我都只係參透到一半,所以到最後阿絹收貨時,我都呆咗一呆,先比到個開心反應佢,乜原來我放左架啦?

新新DJ亞便

12/04/2007

問o野要有point

昨晚,我參加了一個日本退役老兵的見証會。他是原為乙、丙級戰犯的阪倉清,現年85歲。他生於1920年,是日本前陸軍第59師團軍曹。自1940年至1945年日本戰敗為止,一直在中國作出各種殘酷的事,殺人、放火、拷問、搶掠,犯了數之不盡的罪行。戰敗後,阪倉清成為戰犯,被拘留在撫順戰犯管理所,在戰犯管理所首次從被害者角度看清自己的侵略暴行,並深切反省。

1956年,中國總理周恩來決定特赦這班戰犯。 當時全國上下都對此舉十分反感,並質問周恩來為何作此決定,他回答:「20年後,你便知點解」。因為當年他一個決定,反而令一眾連自己都認為該死的日本戰犯反省自己的所作所為,繼而站出來指証當年日軍的暴行。

阪倉清獲釋回國後致力促進中日友好,85歲之年仍四處奔走,說出戰場的經歷和戰犯管理所的日子。他說:「我們反省過去,回國後創立中國歸還者連絡會,致力於中日友好、反對戰爭,盼望永久和平。」

由於機會難逢,所以到了問答時段,觀眾們都很熱烈地發問。或者大會事前沒有想到大家會那麼踴躍,所以沒有預先安排觀眾寫定問題,令到傳翻員要臨時臨急翻譯,一問一譯一答再一譯已花了不少時間,而且有些時間是被以下這種問題浪費掉的:一位女士問(由於太長,記不了,憶述如下):「在我問問題之前,我想先講我寫的兩個讀書報告,內容有三個重點,五個方向,七個疑問,十二個章節...我在書中引述了兩個學者的理論,他們說...」,天啊!她說得又快,內容又多,叫人點譯呀?最後傳翻員都禁不住打斷她:「不如你直接問你的問題吧!」

在這事上,我學到講說話要有POINT!至於什麼是POINT?可以參考詹瑞文:



最後我無機會問問題,可惜可惜!如果我能問問題,我想我會問阪倉先生:
  1. 你結婚了嗎?有沒有子孫兒女?(最著重收尾o個兩年的中國人,如果知道他至今仍孓然一身的話,必然對他寄予同情)

  2. 你現在住在哪裡?(因對話中談及他不是住在日本)

  3. 你有冇強姦過中國婦女?

  4. 當年跟你被拘留在戰犯管理所的日本人,死淨幾多?
別以為這是無聊問題,因為我相信在場人士其實想知這些多過那位女士問的問題。