8/24/2010

10' 實習生小記 - 第27回

一星期沒有寫blog了,因為過去一個星期,真是很充實,幾乎都沒有停下來。

過去的星期二, 四是DJ班課,
星期六是參觀電台日,
星期日是DJ班十年週年活動,
昨天是部門的康樂日。
今天總算可以休息一下,把這星期的相片整理整理。



看著DJ班的照片,不禁回想起那六天上課的片段。
從第一堂,對著20張陌生的臉孔,硬記大家的名字,
與大家接觸的層面也只有跟進大家的班務。
到第六堂的完結,我已能把大家的名字叫出來,
什至單憑大家的聲音,也可把大家分得一清二楚,
而且還能跟大家說笑談天,哈哈!

現在,DJ班的課堂完結了,我也總算是功成身退了...

說真的,我沒有因最後一課的結束,而感到真正的鬆了一口氣,
反而,心裡暗藏著點點莫名的失落。
雖然,跟大家相處的時間只有那短短幾天,
但卻好像習慣了見到你們大伙兒,一窩蜂的
四處走,大聲笑,認真學,齊炒粉,哈哈!

課堂雖完結,卻是大家真正的開始啊!
9月開始大家就要開咪了!

請付出200倍努力,為你們的夢想奮鬥!! 

真的,認識你們令我感到生命是充滿朝氣和活力的。

也許,這就是青春。


Angel =]

8/18/2010

10' 實習生小記 - 第26回

剛剛嗰兩堂上完Music show同promo 課,同學仔話music show 好好玩,
promo 比較難。的而且確,我都覺得寫promo係好難!!因為我同大家一樣,都寫過promo,同大家一樣,結果都係衰咗,唉!
不過你哋比我好><,合眾人嘅力量,最後都錄到兩份唔錯嘅promo丫!

Cindy、Wh itney、毛毛、K Y及Edwin齊齊錄promo !



翟翟真係好可愛呀! 哈哈! 估下佢做緊咩?
原來佢學緊發音呀! 要拉住塊面,讀出鍾意的「鍾」字。

不家都一齊試試! 哈哈!



多謝哂師兄,現任香港人網節目 助理阿Cow(第一排 右三)嚟同我哋分享寫promo嘅心得,同喺網台嘅工作點滴哦!!


不經不覺,明天便是DJ班理論課的最後一堂了,
嗱! 好頭好尾,聽日唔好遲到呀!

明天見!!


Angel =]

8/15/2010

10' 實習生小記 - 第25回

話咁快就到8月中,DJ班開始了,時間都過得特別的快。

這陣子,認識了20位年青人(其實自已同佢哋都一樣大之嘛!XD),

發現了以下幾個得意的現象:

一)他們很準時,即使要付上昂貴的士錢,也得趕在十時前回來。
(益的士司機,也不益自己人貢獻一下我們的基金crying)
每逄星期二, 四,9時多便會見到他們在lobby,低著頭,讀著稿。
有時,我也在想,課堂十時正才開始,他們這麼早就來到,不是要很早起床嗎?

二)他們為功課準備充足,從不空手而來,甚至有些同學有幾手準備,
真是佩服不已!是的,做自己喜歡的事,不是為交功課而交功課,又怎會覺得辛苦呢?

三)每到lunch time,他們總愛黏在一起,12人枱20人坐。
其實坐在鄰桌的我們空位多的是,但他們不管如何也得擠在一起,好像連體嬰似的。
他們都分工合作,互相照顧,仿佛一個大家庭,溫馨極了!
對比之下,我們桌只有四五人,人丁單薄,顯得有點冷清呢!哈哈!

四)課堂完結,一般學生理當即時消失得無影無蹤,
但他們總是「死纏難打」,要不是纏著導師不斷提問,
就是與同學談論功課或約會吃飯。
每次我們都得出動「小露寶」驅散人群,他們才肯離開課室。

雖然他們認識只有幾星期,卻已極速的混熟了。
看著這20位年青人,不禁令我有點羨慕。
羨慕他們時常黏在一起,有飯齊齊吃,爛gag齊齊笑!
一無顧累的,單純的一起為追尋夢想努力!


這20位年青人,請珍惜這份友誼呢!


Angel =]

8/11/2010

10' 實習生小記 - 第24回

琴日請嚟新城電台節目《足球王》主持車車同大家分享做talk show嘅心得。
當中,車車亦講咗好做節目嘅蝦碌趣事,
令成個課室都係笑聲, 笑聲同笑聲!!哈哈哈!



佢亦透露咗好多有關電台鮮為人知嘅一面,
唔知會唔會令大家對電台有另一番感覺呢?


大家第一次以小組形式做talk show,
人多自然容易亂,但大家合作起上嚟,
又好似幾合拍喎!


(左起)阿羊、C indy、阿貝及Th omas為talk show錄音。


聽日就上music show啦!!相信你哋都預備好哂喇掛?!
記得要帶你隻音樂嚟呀!
努力練稿喇~~加油!

P.S. 都係嗰句,記得準時10點到!

聽日見喇!

Angel =]

8/09/2010

10' 實習生小記 - 第23回

上星期四嗰堂請嚟我哋嘅師姐,現新城電台節目助理Phoenix教大家做資訊節目,
分享咗好多寶貴嘅實戰經驗,唔知大家又吸收到幾多呢?



Phoenix 師姐的講課很用心,亦不時向大家提問,讓大家多思考。




相信哩堂大家都獲益良多!! 當然少不了同Phoenix 師姐來個大合照啦!



我記得嗰日大家一返到嚟,就係咁對住自己份稿讀讀讀。
緊係啦,大家warm up完就要去為1分鐘資訊節目錄音嘛。

作為旁觀者嘅我,睇得出大家都好用心選材,搵資料,
聽得出你哋係有返去練過,讀過...
相信你哋都花咗唔少心機預備呢!

哩次再入去錄音室,大家都已經淡定咗好多,yes
讀稿亦順咗,對自己嘅信心亦多咗!


聽日嘅talk show相信對大家又係一個新挑戰,
你哋要努力呀!!wink


P.S. 請大家記得準時10:00到呀!! 你哋明o架啦,時間就係金錢!
哈哈!!當然,我唔介意大家做善長仁翁,令我哋進帳一下嘅!!devil


明天見!!

Angel =]

8/04/2010

10' 實習生小記 - 第22回

DJ班終於開課了!!!

大家都好準時,太好喇!crying
晨咁早,當然同大家warm up,醒醒神先啦!



估唔到一個warm up game,大家已經記得哂大家名!surprise 
(可恨我依家都仲未記得哂你o地嘅名,冇鬼用!)


玩完game就緊係要上堂啦!



大家都好俾心機聽書呀!!
(邊個敢恰眼瞓就死喇!我一定會影低你嘅睡相!哈哈!)



講完theory,大家終於有機會入錄音室錄音喇!話哂都係第一次入錄音室,大家都好緊張,
不過你o地放心,之後大把機會練習!



Tammy 好似好淡定咁喎!! 


大家以為錄完音,就輕鬆哂,錯喇!!
大家仲要接受導師, 師兄師姐俾大家嘅comment 呀。
正所謂「玉不豕,不成器"」,DJ就是這樣煉成的!!
大家要努力呀!


明天再見!!


Angel =]