7/31/2008

新新DJ實習記*8

時間過得特別快,又係時候講byebye!

不知不覺已經嚟我呢次實習嘅last day喇!
大家係咪好唔捨得我呢?哈哈哈哈哈~
(路人:sorry~無喎!)

點都好啦!
正所謂「天下無不散之宴席」「曲終人就散」,
所以我真係要走lu~
呢兩個月,學到嘅嘢好多,
好多謝突破同工嘅照顧=)

係呢度,除咗個冷氣凍咗d,其實個感覺都幾溫暖~
就好似就算其他同工同你三九唔識七,
見到你都會同你微笑下點下頭問下你係邊個同你開下門咁,
真係幾親切架!

係呢度,當你好病嘅時侯,
大家唔會當你係流動大病菌咁對你敬而遠之,
反而會走過嚟問候你,
適當嘅時候仲會同你分享埋d病菌!
成件事真係好溫馨架!

係呢度,大家會因無聊嘅事笑爆左個咀!
我地做完同事要做朋友例如係facebook add對方再係對方面前accept對方嘅friend's request!
我地有見證過網絡世界嘅神奇如係廿呎之內msn,並因此感到興奮同開心!
我地會係食飯時講埋d搞笑嘢八掛嘢,例如討論下如何在烈日下用瓦做嘅地板煎一個肥仔!
我地會為而集體取笑一d自己比個位人地笑佢地嘅同工,只因佢地改左自己嘅花名做「初戀墳化爐」同埋「初夜無比滴」!
雖然件件事都好似好無聊,但真係好好笑!

係呢度,我除咗學咗好多嘢,仲得到唔少嘢,
學咗嘅,記住了,
得到嘅,袋袋平安了。

係呢度,我要同「呢度」同「你地」講聲再見了=)
P.S.新一屆的新新DJ,我地DJ班見啦=)

即將變舊舊DJ嘅新新DJ Ceci

開餐喇~聽新新青年互助委員會

1. 新新全包宴:不費你一分一毫,帶你食貫中西,與你細味食物背後o既深意

相傳金魚只有兩秒記憶, 所以呢頭食完, o個頭又會再食
不過人唔係金魚, 但係我地都會唔理自己食到幾多而係咁食! 點解解解解解?

2. 十萬個食什麼:食得多,問得多,發掘食物冷知識

有咩海洋生物係傷殘呢?

聽晚8點, 新城知訊台, 準時聽"新新青年互助委員會"喇~

節目重溫: www2.uzone21.com/blog/newu997

7/29/2008

面試後記

上星期六是「突破DJ訓練課程」的面試日。
每位參加者都準備充足,尤其是一分鐘自由表演時間,簡直令人嘆為觀止!
有唱歌,做戲,彈結他,講笑話…總之應有盡有!
花多眼亂得令我以為他們是參加新秀比賽!
其實個個參加者的表現都很好,令評判苦惱了一會兒,才能決定入選名單。
工作人員將於今個星期內,聯絡入圍的參加者。
如果你是成功入圍的朋友,請記住:機會只會留給有準備的人,are you ready?

7/25/2008

開餐喇~聽新新青年互助委員會

1. 新新全包宴:不費你一分一毫,帶你食貫中西,與你細味食物背後o既深意

原始人獵人覓食, 你同我都係! 睇o下自己去food court霸枱食飯的兇狠眼神就知啦!點至可以最快霸到張靚枱? 等我地教你路啦!

2. 十萬個食什麼:食得多,問得多,發掘食物冷知識

皮膚差o左食乜好呢?

聽晚8點, 新城知訊台, 準時聽"新新青年互助委員會"喇~
節目重溫: www2.uzone21.com/blog/newu997

7/24/2008

新新DJ實習記*7

好耐無寫實習船喇~
呢排忙咩嘢?
咪就係為「突破DJ訓練課程2008」作好準備囉!
我嘅首要任務就係打比入圍嘅參賽者,
通知佢地嚟面試喇!

相信接到由我打出嘅電話嘅朋友,
或多或少會發現我係傻傻地嘅!
仲有好幾位朋友話我好funny,
唔係啩,咁都比你地發現咗!?
Anyway,你地都應該舍咗你地要知嘅嘢啦!係咪先?
期待星期六同你地見面,面試要加油啊=)

其實係通知參賽者嘅過程中,
發生咗一件有趣嘅事,
就係有一位入圍者竟然自動退選,
由於當初同佢通電時佢問咗我好多嘢,
d反應仲幾好笑,
所以我對佢印象真係好深刻,
知佢退選後又無理由無啦啦打去問佢點解要退選架嘛…
點知事後又因為我工作上撞了少少板而不得不打返比呢位人仔,
最後我地傾傾下仲做埋朋友!

陳小姐~我知你有睇我地個blog架!

唔好忘記你話下年要參加返架播!

呢個DJ班帶給我的真的愈來愈多,希望嚟緊新一屆嘅新新DJ都會有更多嘅得著啦!大把挑戰等住你地啊!所以…加油啦!

新新DJ Ceci

7/22/2008

今個星期六見啦~

今個星期六,將是「突破DJ訓練課程」的面試日。
工作人員已經通知了入圍面試的參加者(仲未收到電話?! 咁你知咩事啦!)
根據工作人員的報導,參加者個個都十分精靈,未開始面試已經跟工作人員「煲電話粥」!
雖然工作人員要打上幾十通話,但有些參加者能令他留下深刻印象。
這些「小道消息」是日後面試的重要參考資料。
因為人在最不留神的地方,便會流露本性,所以…嘿嘿,各位已入圍面試的參加者:面試其實已經悄悄地開始了!
今個星期六見啦!

p.s.最緊要記住聽埋星期六晚8點至9點嘅新新青年互助委員會=)

7/18/2008

開餐喇~聽新新青年互助委員會

1. 新新全包宴:不費你一分一毫,帶你食貫中西,與你細味食物背後o既深意

中國人的緣份, 由食開始, 亦由食終結: 初到貴境, 要請人食飯; 人要走, 都要請人食飯咪以為辭職信一遞, 就無後顧之憂, 皆因farewell請人食得矜貴, 臨走做得好好睇睇, 對自己最有益!

2. 十萬個食什麼:食得多,問得多,發掘食物冷知識

皮膚差o左食乜好呢?

聽晚8點, 新城知訊台, 準時聽"新新青年互助委員會"喇~

節目重溫: www2.uzone21.com/blog/newu997

7/15/2008

你有乜把炮?

「突破DJ訓練課程」已於上星期五截止報名!(圖中只是一部份來信)















今年申請者眾多,要在芸芸申請者中突圍而出,靠的便是短短2分鐘的自我介紹。你認為要談什麼才能抓住評判的心?姓名年齡性別身高三圍生肖星座個人興趣特別 技能?我暫時賣個關子,因為下星期便是「突破DJ訓練課程」的面試日,為免「通水」畀成功入圍面試的朋友仔,知道自我介紹的秘訣,所以我今次玩神秘!但可 以偷偷地畀個貼士你:評判一天要見幾十人,人人都有眼耳口鼻,你有什麼獨特之處?

7/11/2008

飲飲食食真人show

1. 新新全包宴:不費你一分一毫,帶你食貫中西,與你細味食物背後o既深意

打工仔最慘的, 不是無工返, 不是無飯食, 而是就算有工返, 有飯食, 但食完都背脊骨落!

2. 十萬個食什麼:食得多,問得多,發掘食物冷知識

有咩菜個名有三個字又有國家名呢?

飲飲食食一個鐘真人show! 聽晚8點, 新城知訊台, 準時聽"新新青年互助委員會"喇~

7/10/2008

仲始終一天???



你講過幾多次"始終有一日,我會成為DJ?"

咁仲唔快D行動?! 即刻報名「突破DJ訓練課程 2008

*** 聽日,7月11日就截止啦!!! ***

「突破DJ訓練課程 2008

日期:

§ 訓練階段:0885712141921(逢二、四,上午10-下午5)

§ 實習階段:089月至098月(參與製作「新新青年互助委員會」及出席義工月會)

地點:沙田亞公角山路33號突破青年村

費用:$900

* 兩階段出席率達8成或以上,並完成創作3份作品,可獲退回$400

對象:15-22

名額:15-20 (不獲取錄者之報名費將全數退回)

導師:新城電台節目「新新青年互助委員會」節目監製

截止日期:08711 ()

報名方法:參加者填妥報名表格,連同2分鐘自我介紹錄音檔案(MP3WAV格式錄製)及費用(支票抬頭「突破有限公司」),寄回沙田亞公角山路33號突破青年村青年媒體部,封面註明「DJ訓練課程 2008」。所有參加者需於7月接受面試。

*請勿郵寄現金

查詢:2632 0372 鄭小姐

報名表格及詳情:www.uzone21.com/project/dj

7/09/2008

711 U Life 音樂祭 - Live 出你生命

主辦單位:突破 -Uzone21.com
表演樂隊:Whisper(http://www.xanga.com/whisper527)
參與對象:青年人預備須知:請帶著興奮以及又叫又跳的心情。(全場企位)
地點:九龍佐敦吳松街191號突破中心地下禮堂

年輕力壯o既你,今個夏天我地Uzone21.com為你帶o黎一個火熱既音樂會。自認有氣有力又玩得夠癩既你,請帶同合適既心情到達現場。當日我地會帶o黎一隊基督徒樂隊Whisper為你地盡興兩小時。唔好以為基督徒就一定係斯斯文文,當佢地一走上音樂o既舞台就會......想知會點,到時o黎到咪知囉﹗﹗﹗﹗﹗﹗希望未試過lee類音樂會既你會到場﹗7月11號會帶俾你對音樂o既新睇法﹗﹗

PS:要上去主頁報名呀﹗
詳情:http://www1.uzone21.com/project/bandshow/index.epl

7/08/2008

投身DJ 聲演創意

from 明報JUMP (2008-07-04)

扭開收音機,你喜歡收聽怎樣的電台節目?主持人高談闊論烽煙四起,抑或嘻嘻哈哈陪你講飲講食講生活?無論哪一類型的電台節目最合你心,DJ(Disc Jockey唱片騎師)這行業,總會帶給你一個「美麗的誤會」──他們只需輕鬆地談天說地、播歌或接聽聽眾電話,最是簡單自由!事實卻是,背後所要花費的心機及時間,絕對不會比朝九晚五的上班族少。何況透過大氣電波向公眾廣播,一句說話、一個信息,瞬間即會被成千上萬的受眾接收,影響無遠弗屆,道德責任絕不能輕視!

發揮創意 全年無休

就因為一個「美麗誤會」,許多年輕人都會嚮往投身DJ行列,認為可藉自編自導自(聲)演的電台節目抒發己見,發揮無限創意。突破機構監製王育娟則認為DJ工作確實有趣好玩,卻並不是每個人都能勝任,「DJ是一份7 x 24的工作,即隨時候命、全年無休,通宵達旦更是等閒事。」

就算簡單如廣播一個1小時的節目,由資料搜集、寫稿,到錄製Segment,每個步驟皆要細心策劃及安排,務求將要傳達的複雜資訊,在濃縮時間內,簡明扼要地表達出來。王育娟表示,「每個電台節目會有一份節目流程表,詳細列明各個時段的大致內容。而為了令節目形式更見多元化,DJ多會於事前製作好一些Segment,穿插在節目中。」對於新手來說,一個鐘頭的節目,可能已花了一個星期的籌備時間。可想而知,少一點熱誠的話,大概已早早放棄。

詞中有物 感染聽眾

DJ所主持的節目都是自由創作,不能等閒視之,「發聲是沒有難度的,但嘻嘻哈哈,全無實質內容的電台節目,聽眾為何要選擇收聽你呢?」尤其在電台這個免費平台上,競爭愈趨激烈,詞中無物的電台節目,難以獲取聽眾支持;再者,作為大眾傳媒的一分子,在發揮無限創意的同時,也應傳達實用、有建設性的資訊。

是以教授不同類型節目流程及製作技巧的DJ訓練課程,重點往往落在撰稿上,讓學員有能力撰寫出一份詞中有物的稿件,以突破青年媒體的「DJ訓練課程」,便重培訓學員的多角度思考,刺激他們的想像空間。在修正稿件階段,亦可讓他們掌握不同的說話技巧、表達手法及節奏感。

裝備自己 機不可失

當然,事前預備工夫再好,到「開咪」之時,交流及應變同樣重要,遇到突發事故,更要懂得「執生」。王育娟不諱言,曾經有一位學員在「開咪」時搭不上嘴,就算資料就在他面前,亦不懂回應。為了讓學員更深入了解電台工作,突破青年媒體更會安排學員於「新城知訊台」的《新新青年互助委員會》內「開咪」,親身體驗一下當DJ的苦與樂。

「因電台招聘並不多,又多靠人脈介紹。當機會來時,亦要靠學員自己把握。」許多人會自薦或參加電台不定期舉行的DJ選拔賽。「我們亦會盡量配合,協助有志投身電台工作的學員製作由他們構思的作品,並給予建議;我們也曾推薦過幾位優秀學員進入電台工作呢!」總而言之,「開咪」機會總會有,只要你及早裝備好,時刻在迎戰狀態!

*****
咁你仲等乜??? 快d報名啦!


「突破DJ訓練課程 2008」

日期:
訓練階段:08年8月5,7,12,14,19,21日(逢二、四,上午10時-下午5時)
實習階段:08年9月至09年8月(參與製作「新新青年互助委員會」及出席義工月會)
地點:沙田亞公角山路33號突破青年村
費用:$900
* 兩階段出席率達8成或以上,並完成創作3份作品,可獲退回$400
對象:15-22歲
名額:15-20人 (不獲取錄者之報名費將全數退回)
導師:新城電台節目「新新青年互助委員會」節目監製
截止日期:08年7月11日 (五)
報名方法:參加者填妥報名表格,連同2分鐘自我介紹錄音檔案(MP3或WAV格式錄製)及費用(支票抬頭「突破有限公司」),寄回沙田亞公角山路33號突破青年村青年媒體部,封面註明「DJ訓練課程 2008」。所有參加者需於7月接受面試。
*請勿郵寄現金
查詢:2632 0372 鄭小姐
報名表格及詳情:www.uzone21.com/project/dj