6/27/2008

開餐喇~聽新新青年互助委員會

1. 新新全包宴:不費你一分一毫,帶你食貫中西,與你細味食物背後o既深意

每人每日平均食三餐(甚至五餐!), 但你知道食落肚o既食物係咩味嗎?
唔知? 唔記得? 無留意?梗係啦! 食得咁急, 又點會知食物o既真味呀?
不如等我地話你知, 食物o既真味係點啦!

2. 十萬個食什麼:食得多,問得多,發掘食物冷知識

呢排天氣時晴時雨, 食乜可以防傷風感冒?落雨出街咁麻煩, 不如安坐家中, 聽"新新青年互助委員會"啦~

節目重溫: www2.uzone21.com/blog/newu997

6/25/2008

新新DJ實習記*6

唔知大家有無睇過American next top model呢?

話說有日我係度做緊mixing嘅時候…

亞絹走嚟同我講:
「你知道嗎?妳而家就等於參加緊American next top model,
都係以week計咁去挑戰一D task,而且會愈嚟愈難,
而我對妳嘅要求都會愈來愈高!所以…Ceci妳要加油啊!」

雖然呢度並唔係真係搞緊仿「American next top model」
嘅「somewhere next top DJ」大賽,
而呢度又無其他參賽者,
之但係我並唔會因此而無哂推動力架播!
因為要贏人先要贏自己,
所以我就係我自己嘅對手喇!

其實要同自己「過唔去」並唔係一件易事,
要過得自己嗰關,
同mixing講嘅feel一樣,
都係一樣好虛嘅嘢。
因為無人話你知個標準係邊,
但係點都好,
我要求自己嘅係:
一次做得唔好唔緊要,
但我要睇到自己一直咁進步落去!

尋日,我又完成咗一個new task,
就係整promo,
又學多咗唔同嘅mix法呢!

雖然我而家仲未可以同mixing進入熱戀期,
但係我feel到佢開始慢慢接受我架!哈哈~

我期待住任何一個新挑戰,同埋一個不斷進步嘅自己=)

新新DJ Ceci

6/24/2008

突破框框國際青年錄像節

「突破框框國際青年錄像節」已正式展開,今年以《城市觸動》為錄像節主題,希望透過影像與聲音彼此分享在城市裡的觸動。
一如過往,錄像節的內容包括論壇、工作坊、專題探討、錄像攝影比賽等。首先舉行的是製作人論壇,邀請了電影業界的導演和音樂創作人跟參加者分享錄像製作的心得。
「國際青年錄像節」製作人論壇
日期:2008年7月12日(星期六)
時間:3:00pm-5:00pm
地點:城市大學康樂樓四樓演講廳LT401
內容:分享嘉賓將會就發掘題材、意念轉化影像、有限成本製作、影像與音樂互動等範疇與參加者分享、交流
費用全免~如想知詳情及報名, 可留言比我地~

以物易物(大結局)

今個星期一, 我登記做某交換站的會員往後幾日, 不斷跟其他會員討價還價, 選擇要什麼好...提出交換要求, 被人拒絕, 拒絕別人的要求, 提出交換要求, 如是者來來往往好幾十次...最後, 出貨後翌晚, 終於有人答應跟我交換! 之後幾晚, 我都懷著興奮的心情~期待跟對方見面交易!!!登登登登~今日件貨到手了!















本來我打算自行買一個藤籃迎接夏日, 但覺得有點無謂又貴, 後來見到有得換, 便即管試試看~點知真係得喎!!! 實物無穿無爛, 新淨非常!但過程並不容易, 先要有一顆堅強的心, 因為網站通知交換結果時, 會用"被-拒-絕", 真係好hurt啊!!!















我相信每個出貨的人, 都覺得自己那件貨是最好, 所以當被人拒絕, 會覺得不可思議, 甚至認為對方"走寶"! 其實件貨可能無問題, 對方不肯交換, 其中一個原因是對方用不著你提供的東西, 例如對方需要風筒, 但你用毛公仔跟對方換, 就算你的公仔再靚, 對方都不會換啦!正如男女關係一樣, 有時對方不接受你的追求, 未必因為你條件差(當然也有這樣的可能 :p), 但更可能的是, 對方對你這類型的人興趣不大, 覺得不大適合而已...無須懷疑自己, 也不用自卑我們有時容易陷入一個陷阱, 就是只有自己揀人, 但正如"以物易物"活動一樣, 別人你提出交換要求, 你會看看是否喜歡, 有沒有需要, 值不值得...左思右想之後, 可能因為覺得仲有其他更好的選擇, 而拒絕那些要求. 事實上, 在你向別人提出交換要求的同時, 別人也衡量著你, 他們也可能跟你一樣想法拒絕你的要求追女仔與追男仔, 請人與比人請食檸檬, 體驗了天理循環...

6/20/2008

開餐喇~聽新新青年互助委員會

1. 新新全包宴:不費你一分一毫,帶你食貫中西,與你細味食物背後o既深意
o係擺一o舊看似美味o既食物入口之前, 不如聽o下佢o既黑暗內幕啦...

2. 十萬個食什麼:食得多,問得多,發掘食物冷知識
乜o野食物成日都咁開心呢?

聽晚8-9,新城997,"新新青年互助委員會"等你開餐~
節目重溫: www2.uzone21.com/blog/newu997

新新DJ實習記*5

突破青年村環境好(不過真係有少少唔就腳= =),
d同事仲好=P
我自覺大家愈嚟愈似一家人呢~嘻^^
為咗拿出友誼嘅見證,我好將我係屋企未瞓醒嘅look帶埋返公司~
(路人:你自己懶,要瞓到最後嗰一刻,就唔好多多藉口啦!)
哎啊~點都好啦!不過尋日我就唔敢用呢個look出門口喇,
事關尋日「有客到」!

呢位客人叫做勞小姐,係明報嘅記者,為人開朗又有點害羞~
係嚟訪問我地嘅DJ課程嘅!
佢訪問完絹就走咗入嚟睇我mix嘢…
佢一見到我就話:「祝你成功呢!」
初初我真係一頭冒水,摸不住頭腦,
後來經過絹嘅解釋,因為勞小姐知我將來想入電台工作,
所以就想祝我成功,
哇!真是一個善良嘅人呢^^
咁我緊係即刻回佢一話:「多謝!希望承你貴言啦!」
有人鼓勵我當然好開心啦!(我份人真係好易開心架咋~hehe)
之後我就開始同佢討論丹田發聲(不過其實我只係識用丹田笑架咋播~哈哈)
Anyway, we do have a nice chat^^

丫~係喇!順帶一提~今個星期六嘅節目真係我嘅全包宴啊!
第一次出哂嘅兩份稿、食什麼嘅mixing、Rundown同開咪都係我包辦~
成件事太興奮!
請大家多多支持我地今個星期嘅全女班呢^^
星期6晚8至9~請收聽FM997嘅新新青年互助委員會啊=)

新新DJ Ceci

6/17/2008

新新DJ實習記*4

不經不覺原來我已經返咗半個月intern架喇播~
無論大家有無睇開呢個blog,
應該對我嘅認識都唔係咁深嘅,
咁我就係度講少少我嘅背景啦!

其實係過去嘅兩年,
我修讀嘅係電影電視課程,
所以對於「剪接」呢樣嘢都有少少嘅認識同接觸,
加上我之前係A-LEVEL嘅時候都有修讀電腦應用,
因此當我睇到我嘅實習工作內容有「mixing」呢樣嘢時,
真係好天真咁覺得「無有怕」架!

「mixing」真係易學難精,
由於我有剪片嘅底子,
而係mixing同剪片嘅原理其實都係大同小異嘅情況下其實真係好易上手~
之不過d fade位就真係搞到我頭都大埋喇>.<
男女之間要講「Feel」,原來mixing都要講「Feel」架播~
要知係邊個位開始「fade in」、「fade out」咪就係要講「Feel」之嘛~
之但係「Feel」呢樣嘢真係好「虛」下,
我真係唔係好知點feel好…
對住一對仲嘈過我又就嚟搞到我職業性失聰嘅喇叭,
同埋一堆好似蟲仔嘅waves…
(溫馨提示:聲音落左去電腦時就係用呢d waves嚟顯示的^^)
我真係就嚟爆炸@@

但係我份人就最鍾意向高難度挑戰嘅,
所以我決定要同「mixing」談戀愛!
仲要將佢治得貼貼服服!
總之唔係佢死就係我亡架喇!!*激動*

咁究竟呢場「人‧mix戀」會有咩結局?最後又有無傷亡呢?
欲知後事如何,請看下回分解!

6/13/2008

開餐喇~聽新新青年互助委員會

1. 新新全包宴:不費你一分一毫,帶你食貫中西,與你細味食物背後o既深意
熱帶雨林正高速地消失中,同樣地,o係飲食界都有一樣o野都悄悄地消失緊…
2. 十萬個食什麼:食得多,問得多,發掘食物冷知識
乜o野「梨」唔係o係樹上採落o黎呢?
根據天氣報告,明日會落大雨,不如安坐家中聽新新青年互助委員會啦!聽晚8-9,新城997,約實你~~~
節目重溫: www2.uzone21.com/blog/newu997

新新DJ實習記*3

瑣事一則

話說有日當我打算將三個新鮮滾熱辣,
剛剛係微波爐叮完出嚟嘅飯盒從二樓拎返落一樓嘅時候,
由於我對十指不沾陽春水手平時做唔慣嘢,
對手D皮膚自然特別嫩,
因此我係拎唔到太熱嘅嘢(say like啱啱叮完出嚟嘅飯盒),
所以我拎住d飯盒每行幾步就要搵個位放一放低,
但係當我將佢地放到樓梯口旁時,
最頂個個飯盒(是亞絹的XD)"dum"一聲跌左落去一層樓下嘅雜物堆上,
由於我唔想比人知我食嘢唔做嘢做嘢跌哂人地嗰d嘢,
我決定自己解決呢件事。

可惜個d雜物又有接近一層樓高,
所以我有係下面爬唔到上去執,
係上面爬咗落去又唔知點上或落返去嘅困擾= =
可能我嘅走嚟走去嘅動作太惹人注目,
終於比絹發現咗我@@
絹得知我跌咗佢盒飯唔單止無話我,
仲驚我危險而唔比我去執(感動ing~~~~)
最後有一位身手敏捷嘅俠義之士用極速幫我地執返,
而且盒飯仲完整無缺呢!

成件事發生得太突然同快,
所以我真係唔知佢係點執嘅,
之不過我真係覺得佢好勁啊!
但係免得佢驕傲起來,
我決定唔公開佢個名~哈哈哈

而係呢件事我最大嘅發現就係:
原來d密實盒真係好密實架!!!!

新新DJ Ceci

6/09/2008

100%真人真事 #3

今年報名參加突破DJ訓練課程 2008(add link: www.uzone21.com/project/dj/)的朋友非常有心, 有人用速遞送來! 勁~現時已有好些朋友報了名, 你仲考慮什麼呢?


7月11日(五)就截止報名喇!!!












芸芸的參加者中, 總有一些是特別出位的:













雖然報名表沒有表明不能用floppy來儲存自我介紹的錄音檔案, 但一來floppy已陸續被淘汰 (我要找還有A drive的電腦來開啟), 二來sound file點解可以咁細size? (你唔好理! 總之自我介紹夠指定的兩分鐘呀!)

*無論係點, 都希望收到你的報名表! 快d手喇!!!*

6/06/2008

開餐喇~聽新新青年互助委員會

1. 新新全包宴:不費你一分一毫,帶你食貫中西,與你細味食物背後o既深意

正所謂"未食五月粽, 寒衣勿入櫳"今個星期日係端午節,
大家除了準備收埋冬天衫之外, 仲要準備食粽!不過今日今時,
粽已化身成各式各樣的o野食, 包你意想不到!

2. 十萬個食什麼:食得多,問得多,發掘食物冷知識

呢排天氣時晴時雨, 食乜可以治傷風感冒?



聽晚8-9, 新城997, 新新青年互助委員會約實你~~~

節目重溫: www2.uzone21.com/blog/newu997

6/05/2008

新新DJ實習記*2

所謂進階實習,
即係我要更深入咁去接觸同了解《新新青年互助委員會》嘅製作同運作…
而家我已經返左幾日工,
我發現到原來做一個節目真係一d都唔簡單!
原來之前大半年我所知嘅所做嘅都只係冰山一角@@
一小時的節目,
因為有segments嘅關係又要錄音又要mix同edit,
加上我地嘅DJ班同學仔又唔係交稿交得咁踴躍,
(OKOK~我認我曾經都係好唔踴躍嘅一員>.<)
係一星期要出一份「食什麼」同「全包宴」底下,
無大家嘅稿,
成件事真係更趕…

曾經我諗過DJ班咁多人,
自己唔交總有人交,
或者又比下藉口自己話自己忙所以比自己遲D交,
多我一個唔多少我一個唔少啦~係咪先?
而家發現有咁嘅心態嘅人可能真係唔少…
我自己都有反省架!
當初又係自己言之鑿鑿咁話要學野,
最後又寫得唔多稿,
所謂熟能生巧,
寫得唔夠又點巧呢?
難得有一個平台可以同人分享自己寫嘅野,
我就用一個「忙」字同一個「懶」字而去放棄佢…
其實問問自己寫一份稿又有幾難又要幾多時間呢?
平時因為我地唔把握機會交稿,
無稿時就要絹頂上了,
加埋production真係趕到呢…
拿拿拿~到呢個時候我個感受係特別深架!
而家我終於完全明白亞絹平時點解成日叫我地交稿喇…

而我係呢度,,,都想同大家講句~交稿啦伙伴們~~~~hehe

新新DJ Ceci

新新DJ實習記*1

5月24日我終於考完試了!
對身為學生嘅我選擇休息左兩日玩左三日,
然後就為我嘅暑假劃上左一個暫時嘅休止符~
你可能會話:「唔係啊化!暑假得五日!?唔好玩啦!」
我並無同大家玩,
自從幼兒園經驗過一年得8大日暑假後,
我過左好多年又長又串咀嘅暑假,
活動包括飲飲食食行行企企玩玩玩…
不過由上年嘅暑假開始,
我同自己講:「我要過一個充實嘅暑假!」
所以上年我就去左幫馬術同youth voice手,
仲有就係參加左07突破DJ訓練班喇!
呢個DJ班最最最特別之處,
相信就係唔係上完8堂就完哂成件事啦!
因為接下來嘅係一連串嘅實習,
寫稿啦開例會啦度rundown啦開咪啦錄音啦,
真係共冶一爐咩都有!
如果你問我又要返學又要做下part time又要做上面log野辛苦唔辛苦?
辛苦就點都有少少架喇!
不過我樂在其中=)
唔信?如果唔係你又點會見到我係度打呢篇entry呢?
因為今個暑假我會係突破要進行我嘅「進階實習」呢!

接下來我將會係度向大家報導我係呢度嘅實習情況同心情嘅~!!
請多多指教=)


新新DJ Ceci

6/03/2008

會考火上加油之免費嬉戲

只你是應屆中五或中七學生, 就可憑你張準考証到uzone21.com登記, 有機會免費睇戲咖!

日期: 2008年6月28日 (Sat) 4PM - 6PM

地點: GH旺角(新世紀廣場地下)

嘉賓: 呂宇俊老師(2006年香港十大傑出青年,《會考○分與神奇小子》作者)

參加細則:
參加者必須為2008年應屆中五或中七考生;
名額抽籤分配,中籤者可得戲票每人一張;
重複報名者將被取消抽籤資格;
入場時需出示戲票及參加者本人之准考證正本;
戲票將印有參加者姓名,不得轉讓;
大會有權拒絕未能出示准考證正本者入場。

名額: 280人

報名: 網上報名(2008年6月20日中午12時截止)

公佈日期: 2008年6月23日(中籤者將透過email收到電子戲票)