新新青年互助委員會: 4月 2010

4/27/2010

亞花, 牛雜, 變態佬, 我正搵你呀!

阿花, 變態佬, 牛雜..我就係屎忽恆呀...
真係好希望你地有聽上個禮拜的"新新青年互助委員會", 有上o黎呢個網站...
我facebook同msn 都係 wanandkitman@hotmail.com
你地add返我啦! 無見你地十幾年 , 我真係唔捨得你地呀...我地, 仲能唔能夠再做返老死?

click呢度聽返我上個禮拜o係節目講過d咩啦!

4/21/2010

細微的感動

這是我上兩個星期在"關二歌"環節中, 提及前同事所送的生日禮物, 這張CD令我感動的原因, 不但是他送上我喜歡的CD, 更因為他記得的最細微的需要

即刻聽返我講過的內容啦

DJ Kuen

DJ班電話查詢秘笈　

突破DJ訓練課程2010官方網站己經出街喇！！

不過，話說在未出街之前,已經好多人打黎問詳情喇～
問完詳情，心急人下一個問題就好想即刻有報名表，遺憾，報名表係要去官網download架
但係，果陣網站未出街喎～邊度有得download呢？

自問我還是一個善良的張小姐，當然會日行一善，叫Ｅ貓幫我把報名表送給他們，還會隨貓附送一個課程簡介～（簡直是日行兩善）

不過，有一次，差Ｄ令善良的張小姐也露出本來真面目。睇睇案件重演先：

張小姐：（扮溫柔）你好，突破
Ａ：（語氣冷淡）我想問下DJ班嘅詳情
張小姐：（問咩呀？）請問你想問DJ班邊Ｄ嘅資料呢？
Ａ：（不厭其煩）即係個DJ班係點？

這刻，實在有種奉旨的感覺。不過，我仍然很專業地把整份資料讀一次俾佢聽
最後，當佢知道官網未出街，無得download報名表之後，顯得有點失望。我唯有再日行一善叫Ｅ貓送張form畀佢。

Ａ：（表現興奮）真係架，唔該你呀！

這個故事說明什麼？

１．打電話畀張小姐，請先問問自己，到底想問Ｄ咩。問題中point，我答都答得精準。聽我讀稿，不如上網睇啦。
２.電話查詢，切忌態度老馮。因為你永遠都唔會知，呢一個電話查詢，係咪你第一個interview。因為，張小姐其實好小氣的。（ＤＪＫUEN～頭先有個人打黎問DJ班，佢嘅態度好似要我奉旨答佢咁！）

再提一次，突破DJ訓練課程2010現已接受報名，官方網站：http://www.blogger.com/radio/dj/
睇請楚資料，知道自己想問咩先好打黎，否則我真係會照稿讀。

日行幾善　張小姐
查詢熱線：2632 0372
100條線，得一個人打黎

每日一問

Ｑ：點解依家先講可以打黎問拎報名表？！
張小姐答：一早講左，咪全世界都打黎？！我先無咁蠢！！！！
報名表下載：http://www.blogger.com/radio/dj/links/applicationForm_.pdf

（Ｅ貓派表己經中止！）

4/14/2010

突破賣旗日需要你！請幫手賣旗~ 　

我們需要 4000義工 , 好需要你的參與!

可以網上報名, 或致電2632 0000報名!!

如你不能親身賣旗, 可以透過以上網站online捐款或以PPS捐款

4/08/2010

《突破DJ 訓練課程2010》嘅網站未出街，已經有好多醒目仔醒目女打嚟問詳情喇！

不過，我覺得最醒目嘅，都係媽媽！

因為，不論係舊年，定係今年，都有好多媽媽打嚟查詢DJ 班嘅詳情。
最近的五個查詢裡面，就有三個係媽媽打嚟喇～勁呀！

唔通媽媽們都被DJ班吸引，都想報名？？？明明DJ 班嘅對象係15-22歲喎！

然後，佢哋會話我聽：『我係幫我個仔／女問架！』

對於媽媽們的電話，我真係好奇：
到底係媽媽想自己嘅仔仔囡囡報DJ 班，幫佢地問左先；定係仔仔囡囡太過害羞，所以請媽媽幫自己打電話問呢？

若果係自己想報DJ 班，就唔好勞煩母親大人幫手問喇！話晒都已經係15、22歲，讀緊中三，甚至就大學畢業，如果連一個簡單嘅電話查詢，都要出動媽媽，報名嗰陣嘅2 分鐘自我介紹，可能要請埋媽媽嚟客串先得喇！

最後….