DJ 班上星期已截止報名，不下一人「投訴」今年的DJ班自我介紹的題目很難，無錯，今年的要求的確比往年高，要拍照，要有話對城市說，想入圍、想有機會面試的 話，不是一般「我是陳大文，今年18歲」的港姐式自我介紹就能過關，所以每一位參加者比往年更花盡心思，在一分鐘自我介紹的聲音檔案中，搞盡腦汁地想令評 判留下深刻印象，每一位都很努力，為大家喝彩！(拍拍手) (同時可以預期今年的面試是龍。爭。虎。鬥！)
如果你是有份參加DJ班面試的朋友仔，相信已收到實習生兼師兄Noi的面試通知，到時要自我介紹和天才表演，你開始構思做什麼沒有？沒有頭緒？不打緊，Noi以過來人的身份醒你面試貼士，要是用心咀嚼他的貼士的話，相信有助你過關斬將！（當然，最後能不能入選，還是要看你的造化）
面試做什麼好，人言人殊，但我起碼可以告訴你千萬不要做什麼！
師姐Chris在片中公佈答案：
各位努力預備面試吧，很期待跟大家見面！
經過多番電話通知後，相信大部分入圍面試既朋友都知道有兩個重點，分別係一分鐘既自我介紹同一分鐘天才表演。
聽到自我介紹，相信好多朋友仔都已經急不及待，想用一分鐘將自己所有事都講哂比我地知道。不過係限定左一分鐘之內，要講哂所有事其實無可能既。可能有入圍者會問「又要我介紹自己，又唔比我講多啲想點先？點解要set死一分鐘？」我嘗試幫下大家，啟發下各位入圍者既諗法啦。
無錯，一分鐘既目的就係唔比你講咁多，係為左考驗你取材同表達方式既能力，如果你運用一分鐘已經令我地記住你咁就成功喇。面試者可以諗下，究竟一分鐘走馬看花既介紹方式會深刻啲？定係一件事、一個重點既介紹方式深刻啲呢？(確實答案請自己判斷)
至於天才表演，只要記住你參加緊既係DJ班面試，DJ既性質究竟係咩呢？DJ擁有動人聲線唱到所有歌曲？DJ擁有驚人既樂器演奏能力？定係DJ係有自己想法更重要？(確實答案仍然係自己判斷) 各位甚至可以幻想，如果一個DJ要作一分鐘天才表演，究竟佢會啲咩呢？ 答案我都唔知，不過係應該有趣啲、creative啲。
講左咁多其實tips已經比到盡架喇﹗希望幫到各位面試。亦都祝大家面試成功，我都好期待同各位上堂架，加油﹗
