[編按： Human Library「真人圖書館」 ，是由突破書誌(Breakazine!) 和 一代人公社(a Generation) 合辦。新新DJ亞冰早前曾參與，與無家者談天和分享食物。]
（圖中長髮者為亞冰）
無家者一直俾我嘅感覺都係好懶散同埋好污糟，直到今次我親身聽完佢哋講佢哋嘅故事之後，我發現自己一直以來，都好似活喺自己個世界入面，面對住我每日都可能會見到嘅人同事，我都好少會主動了解，然後就根據我身邊嘅人所講、自己睇到好表面嘅嘢，就假定晒一切。
我今次雖然只係同到兩、三位無家者傾計，但係我已經感受到佢哋對人生或者生活嘅無奈。佢地除咗受盡人嘅白眼之外，仲要面對每兩、三個星期就俾警察清一次場。
其實佢哋要嘅嘢，可能只係好基本嘅生活所需，或者更簡單嘅可能係我哋嘅接納，但係又有幾多個人會真係坐低聽佢哋講嘢呢 ? 正正係因為咁，作為新新DJ，我地更加需要親身走入佢哋嘅生活，用最真實、屬於自己嘅感受，幫佢哋呢班弱小嘅一群發聲。
2011年新新DJ亞冰
Human Library ：www.facebook.com/humanlibrary
突破DJ 訓練課程2012：www.uzone21.com/radio/dj/
沒有留言:
發佈留言