12' 實習生記 @3

實習生嘅工作，除咗處理DJ班嘅所有野外，其實仲有好多野要做架，例如每星期「新新青年互助委員會」節目中嘅segment，我都要幫手錄音同mixing，而呢兩樣野其實都幾難。

唔好以為錄音好簡單，就咁讀份稿咪得囉，其實錄音時都有好多地方要注意。第一樣就係千其唔好讀稿啊，一定消化咗份稿嘅內容，明白份稿係講緊咩，自然d咁樣好講，如果唔係就會好生硬唔好聽架喇。

第二樣野就係發音、咬字。其實我個口好懶，講野時個咀成日都唔"旭"，所以每一次錄segment時，我都有好多懶音同埋會好lur。阿絹就成日叫我擘大d個口講野，因為當個咀唔"旭"時就會令好多音未到位，變咗做懶音。而講野太lur真係會令聽眾聽唔到你講咩野，所以要慢慢讀，而標點符號就係一個好好嘅停頓位比自己同聽眾，咁樣個節目先會好聽架嘛。

至於mixing有幾難，留返下次先講啦，因為我依家要去mix喇:)

貝