7/30/2012

12' 實習生記 @10


之前喺blog都同大家分享過,每星期節目入面嘅segment,我都有份錄音同mixing。上次就講過錄音有幾難,今次就講下mixing啦!其實我一直都知mixing好難,但諗住平時自己喺學校都有剪開聲,應該唔會太難掛。點知第一個星期返工就發現,原來mixingD都唔簡單架!!

第一樣唔簡單:記keyboard上嘅command。因為突破係用pro tools mixing的,而我之前都未用過pro tools,所以第一次阿絹教我時,都不忘抄返張貓紙,抄哂最常用嘅command。頭幾個星期,呢張貓紙真係幫咗我好多!雖然到咗依家,大部分基本嘅command我都已經記得,但每次mixing都會帶埋佢旁下身:D

呢張就係我張貓紙喇!mixing有佢喺度就放心哂喇:D

第二樣唔簡單:揀啱歌。所謂揀啱歌,就係揀一首同segment內容啱feel嘅背景音樂。每次嘅segment所講嘅嘢都唔同,有D可能比較感性,有D就可能資訊性多D,所以唔係是是但但揀一首背景音樂架。而我呢方面比較弱,經常用咗好多時間揀歌: (

第三樣唔簡單:Fade inFade out。嚟到突破先知道,原來自己之前一直mixing都係亂咁嚟。雖然mixing就無啱定錯,但就有好聽唔好聽。原來邊個位FadeFade嘅速度等等,都唔係求其一個位,要配合返首音樂嘅拍子、節奏、甚至所用嘅樂器。

mixing中。睇到都覺得好複雜呢?哈哈!

要做齊以上三樣野真係唔簡單,所以我要繼續努力,從錯誤中學習,希望可以快D掌握到呢三樣mixing基本技巧啦:)

沒有留言: