阿媽都報DJ 班?!

《突破DJ 訓練課程2010》嘅網站未出街，已經有好多醒目仔醒目女打嚟問詳情喇！

不過，我覺得最醒目嘅，都係媽媽！

因為，不論係舊年，定係今年，都有好多媽媽打嚟查詢DJ 班嘅詳情。
最近的五個查詢裡面，就有三個係媽媽打嚟喇～勁呀！

唔通媽媽們都被DJ班吸引，都想報名？？？明明DJ 班嘅對象係15-22歲喎！

然後，佢哋會話我聽：『我係幫我個仔／女問架！』

對於媽媽們的電話，我真係好奇：
到底係媽媽想自己嘅仔仔囡囡報DJ 班，幫佢地問左先；定係仔仔囡囡太過害羞，所以請媽媽幫自己打電話問呢？

若果係自己想報DJ 班，就唔好勞煩母親大人幫手問喇！話晒都已經係15、22歲，讀緊中三，甚至就大學畢業，如果連一個簡單嘅電話查詢，都要出動媽媽，報名嗰陣嘅2 分鐘自我介紹，可能要請埋媽媽嚟客串先得喇！

最後….

到底，呢張係咩嚟？ (按圖可放大)

張小姐
《突破DJ 訓練課程2010》電話查詢：2632 0372
100條線，得我１個人接！

在直播室要看什麼?

這是在直播室內的大鐘, 做節目時一定要時刻睇住佢! 因為講到咁上下就要去廣告, 報時同報天氣, 如果不望實佢, 隨時過鐘都唔知!

(by the way, 其實每次節目不是準時8pm開始, 因為有新聞要報, 仲有好多o野要播, 你有留意係乜o野嗎?)

猜猜這個發光的三角體是什麼?

它是代表開咪的燈! 它一亮著, 便代表你所說的每句說話, 全港市民都會聽到!! 所以, 在直播室內必定要「睇燈做人」, 以防咪後的說話不小心漏了出街, 更要防未開咪便講o野!

(到底我們在咪後會說什麼? 不。告。訴。你！)

就是它! 這支mic令你所說的一字一句, 都會讓全港市民聽到!! 做節目時, 我們要留意自己與mic的距離, 以免自己的聲音「唔入mic」, 同時也要留意partner的聲音「入唔入mic」, 準備隨時「提水」--叫對方close mic一d!

其實在直播室看得最多的, 是一起節做目的partner! 因為我們要靠眼神和手勢來示意幾時做什麼什麼, 所以怎能不多看partner的臉哩! (如果多d靚仔partner便好了...)

DJ Kuen

開咪現場

上星期六開咪的飛機, 他在節目中介紹自己時, 竟然不出聲只做手勢!!! 開咪做默劇?! 想聽返當時的情況, 即click 這裡 去聽聽吧!



做節目時, 我們個個手上都有一份rundown, 睇住有咩要講!



這是operator Freddy! 他經常(在咪後)取笑我! 最近開始在咪前都對我不客氣, 太！可！惡！了！

DJ Kuen

突破DJ訓練課程 2010--率先曝光

2月28日是情人節???

情人節不是在2月14日嗎??? 怎麼變成2月28日呢???

都說商人是聰明的, 今年2月14撞正年初一, 情人節的威力被削弱一半, 商人鑿情侶們荷包的機會也少了一半, 於是想盡辦法打情侶們荷包的主意, 就是加大力度推銷中國情人節: 元宵!!!

不過, 我認為在元宵時還是吃湯圓比較適合~所以, 我看商人今年還是認命吧! 反正年年都劏情人劏到一頸血, 今年就放下屠刀吧! 呵呵!!

情人節撞年初一, 這個十年唔憑一潤的日子, 到底應該點樣過呢? 要陪情人又要陪家人, 時間應該點樣分配? 在這一天, 最大贏家&輸家到底係邊個??? 虎年的情人運和家人運到底係點? 記住聽今個星期六晚8點, 新城知訊台的"新新青年互助委員會"特備節目, 一於預早同你拆掂佢!

絹

寫《港孩》這部書，幾乎是帶著衝動下筆的。愈寫，卻愈覺字字艱難。

教育問題，代代都有。持老賣老慨歎「一蟹不如一蟹」，對新一代不公平。唯有總結每代獨有的問題，才有機會找到出路。

教育，是為了讓孩子發揮所長。舊日，在培養人才的過程中，社會變遷尚算按部就班，聰明的孩子有空間去建立自己，遲起步的也可急起直追。

一晃眼，拜全球化和科技發展所賜，社會走得快到連成人都措手不及，孩子就更被迫囫圇吞棗。資訊未消化，便要「硬食」，剛「啃得下」，又已經「out」。

為 了令孩子的路更「易走」，咱們不惜傾囊相授畢生武藝，四出搜刮靈丹妙藥。過度操練由此起，小學操中學的東西，幼稚園操小學的，未入學已學完學盡要學的，就 叫做有競爭力。孩子在不停滾動的生產線上拚命向前走，被製成千人一面耐看不耐用的社會商品，當中有否成長，不重要了，過關就好。

偏偏，置身變幻才是永恆的年代，凡事講求涉獵創新、融會貫通。自學精神，是基本生活態度；歷煉，乃生存基礎。然而過度操練，令學習興趣殆盡；物質充裕，令努力的動機盡失；溫室溺愛，把挫折中的免疫力連根拔起。

面對變遷，咱們有否反省過，孩子是否已裝備好身心去迎戰？抑或咱們只在乎考評有否標準、教科書是否可靠、有沒有標準答案參考，不用離開心理安全區(comfort zone)，就沒有恐懼？

問題很多，不一定都有解決方法，但至少應該面對。社會洪流，無人能獨力改變，但每人走一小步，就是社會的一大步。這個結論，好老土。但社會往往都是靠著最老土的信念，才有最突破性的進展。

把《港孩》獻給天下家長及教育同工，願共勉。

(Link from: http://wongminglok.blogspot.com/2009/11/blog-post_09.html)

新鮮滾熱辣--Breakazine! #005

Breakazine! #005 筍工之神話，今日出街喇！
快快去突破書廊、OK便利店、商務、三聯、中華書局帶一本返屋企～！！
（帶返屋企之前，記住先帶佢去收銀度放底$29先！）

P.S. 編輯們工作情況絕密公開! Chick here for more~