首次登場後感#2－問題男生

WoW！激動呀，開咪到今日我都未可以平伏到心入面個團火！第一次開咪真係好爽哈哈。喺同KK & 師兄夾稿過陣已經爆發咗好多笑料，就係呢啲笑料令我開咪嘅一刻一啲都唔緊張，仲搞到over咗哈。真正開咪同平時聽真係好大分別，因為好多嘢你要去留意。例如聽住op機嘅哥哥嘅指示，同其他主持嘅交流，唔好比份稿去框死咗自己，個口要大啲等等真係好忙架。最令我深刻嘅一句就係「份稿只係幫你，就算你份稿有好多點，都唔一定用得曬。留意主持嘅問題先係最要！」

當初喺到預備份稿嘅時候真係好驚…第一次收到KK回信嘅一刻真係好難受，KK真係好到肉Orz…不過就係咁先知自己有幾咁不足，寫嘢一舊舊，又唔具體。

今次我正正體會到過程先係最重要呢句說話。預備份稿嗰陣我不斷重重覆覆咁改稿，慢慢我開始問多咗自己問題，好似：「因為係病嘅過程學識咗好多事」咁即係學識咗啲咩？ (具體啲啦大佬…)

有時會係咁自言自語，睇下夠唔夠具體，清楚等等…最後一句，有重播真係一定要聽同叫人聽，因為會發掘到好多自己嘅錯，咁先改到 =]

Karson
我專長係搞gap xdd
有人話似林海峰(我都想xd),其實我未似Karson lo ha