大唔透

如果俾你見到幾個廿零歲嘅人喺公園入裏玩捉迷藏嘅話，你會唔會覺得佢哋好幼稚呢？
最近我就同朋友去公園傾計訴苦。讀書壓力、前途壓力、甚至連獨男心事都傾一餐。幾個「口靚」仔就係咁越傾越苦、越傾就越覺得大壓力。忽然之間我哋其中一個就話：不如玩捉迷藏咯。仲要用迅雷不及掩耳嘅速度捉咗第一個人。嘩！之後就精彩咯，其他人就梗係立即四散啦。追呀、跑呀、跳呀。聽到腳步聲、笑聲同喘氣聲，就係聽唔到之前唉呢樣、唉果樣嘅嗟嘆聲。
雖然之後都會笑自己好幼稚，但係我又會諗：好多人一直投訴生活有好多壓力；其實係咪只係我哋一直怕俾人話幼稚，而唔肯將呢D壓力暫時放低，癲癲喪喪咁玩番一晚、享受一晚呢？

2010年新新DJ亞羊


「突破DJ訓練課程」重有最後8天，你還有機會成為今屆的新新DJ 的﹗快啲把握機會喇﹗

    截止日期：2011年7月6日(三) [以郵戳為準]
    查詢：2632 0736 侯先生
    詳情：www.uzone21.com/radio/dj
    備註：參加者如獲邀面試，將於7月收到通知。

什麼是教育？

Part 1：乜都走音合唱團－有錢就大晒？　Co vs. 哥倫 vs. KK


Part 2：關二歌－曲線摧毀學習意欲　Tam vs. 絹

Part 3：什麼是教育？

Noi實習記@3

今日坐係office位，感覺坐到條腰硬硬地，於是伸個懶腰先。抬頭一望，比我發現左隻豬。望住呢隻飛天豬，佢個冏樣就好似對住我冷笑：「你唔係宜家先睇到我下麻？」原來由我實習開始佢就一直係我頭頂，但係我竟然睇唔到。我諗點解我返左成個星期工，都唔發覺比隻豬係我頭頂飛，係因為佢顏色唔突出？唔係！佢太細粒？都成個燈咁大啦，點解我睇唔到﹗其實好簡單，只係我無留意工作環境…

我個人好遲鈍，唔淨止工作環境，連對生活逸事敏感度都不足，每日都比好多可以講既題材身邊偷走左。係腦入面既貨唔夠多，所以諗稿既時候往往有「R」爆頭都唔知寫咩好既情況。其實唔好話做DJ，只要想投身傳媒界，都應該多啲諗下身邊有咩事，可以講出心入面想講既說話。培養對事物既好奇心，對時事敏感度對傳媒人係好重要既，儲多啲彈藥係腦入面，到需要時都有足夠火力開火。

點先叫「有需要」既時候呢？唔知道。為左應付唔知幾時會殺到埋身既情況，我今日作出一個八公宣言︰我承諾係餘生，會毫不保留地去成為八公八盡天下事，不斷增加彈藥，希望愈來愈多想法可以同大家分享。多謝各位。
至於隻豬…我係唔會比機會你再笑我。

p.s 原諒我諗得太多，哈

重有最後9天，你還有機會成為今屆的新新DJ 的！

    截止日期：2011年7月6日(三) [以郵戳為準]
    查詢：2632 0736 侯先生
    詳情：www.uzone21.com/radio/dj
    備註：參加者如獲邀面試，將於7月收到通知。

突破DJ訓練課程2011 示範作 #03

 09 年新新DJ Noi

他，想對這城市說：

『正義女神：
最低工資立法大大話話爭取咗十幾年，依家終於爭取到啦…點不知呢條表面公道嘅法例，竟然魔鬼就喺細節！』

聲音演繹：

他的心中有話兒，你呢？

你想對這城市說什麼？

「突破DJ訓練課程 2011」現已接受報名：www.uzone21.com/radio/dj

突破DJ 訓練課程倒數１０ (+3)天

距離「突破DJ 訓練課程2011」倒數10天！！！　(還多加3天)

相信大家也是密鑼緊鼓的在預備錄音，希望把錄音做足一百分，然後在截止日期的前幾天，才信心十足的把信件寄出吧！
那麼，你們便要想我說說以下的故事了，全屬真人真事－－

突破DJ 訓練課程2011 的故事：
有一位報名者在優先報名的截止前，遞交了報名表。很可惜地，他的聲音檔案卻未能正常播放。
我們先後透過電郵、電話，甚至屋企電話試圖聯絡他，也未能成功。
而優先報名的日期也過了，我們還未有收到他的能夠播放的錄音。那該怎麼辦呢？

突破DJ 訓練課程2010 的故事：
那一年，我們收到一封奇特的來信。
信封莫名其妙的破了一個大破，報名表、支票都在，只是那隻最重要的音聲檔案卻遺失了。
怎麼辦？怎麼辦呢？

突破DJ 訓練課程2009的故事：
有一位報名者速遞報名表。但陰差陽錯地，信件滯留在接待處，最後未能順利交到籌委會的手上。
截止日期也過了，所聲音檔案也聽過了，進入面試的朋友也安排好了。
那麼，那位面試者最後怎麼辦呢？
關於這個故事的結局，你們可以打電話問問侯先生~


每年的突破DJ 訓練課程的故事：
有接近一半的報名者，都是在截止前一刻才報名。
評審需要在最後數天，為幾十隻、接近一百隻的聲音檔案評分，會是怎樣的精神狀態呢？
或是，在有限的時間之內，如何聽完大量的錄音呢？（真的會聽完嗎？）


在最後的倒數階段，很想提醒大家：

意外，是會不斷出現的。請為自己預備足夠的空餘時間，來應付意外的發生。

還有更重要的，別把自己擠在群眾之中，即使突出，還未必會有人把你認出來。讓自己處於有利的位置，讓評審一眼就看出你是出色的一個吧！

各位加油呀！最後13天，你還有機會成為今屆的新新DJ 的！

    截止日期：2011年7月6日(三) [以郵戳為準]
    查詢：2632 0736 侯先生
    詳情：www.uzone21.com/radio/dj
    備註：參加者如獲邀面試，將於7月收到通知。

張小姐
查詢熱線：2632 0372 （請改為聯絡侯先生吧！）

Noi實習記@2

岩岩開始接觸Pro Tools (Mixing 程式)，的確要少少時間上手。係可預計既將來，我留係錄音室既時間將會愈來愈長。始終係做自己想做好耐既事(Mixing)，所以即使對住電腦坐到屁股硬化，我都仍然唔覺得攰。

自從我開始發夢希望可以做DJ開始，周不時都會問自己「點解咁想做DJ？」起初既原因好簡單，一心諗住做DJ個人可以型少少，因為印象中係收音機聽過既節目內容，好多時都係自己未聽過。我就覺得如果可以講到其他人唔知或者講唔到既內容，實在係幾型(真係單純又天真)。

今時今日再問返自己「點解咁想做DJ」，係因為我想影響到聽眾變得正面少少。「型」唔係因為講到其他人講唔到既內容﹗「型」係因為我所講既說話，可以留係聽眾個腦入面，帶比聽眾思考或者心情上既改變。即使只係可以影響好少人(甚至只得一個人)，我仍然會覺得自己做緊既事係值得既。

將會決定報名參加「突破DJ課程2011」既朋友仔，你又有無諗過點解你想做DJ？: )

P.S 如果打電話查詢既朋友，剛巧我聽唔到你電話既，記得係留言信箱留得你既聯絡方法呀！

再提一提大家「突破DJ課程2011」：

    截止日期：2011年7月6日(三) [以郵戳為準]
    查詢：2632 0736 侯先生
    詳情：www.uzone21.com/radio/dj
    備註：參加者如獲邀面試，將於7月收到通知。

報名DJ班絕密秘技#7(燕翎)

新新DJ呢度係一個「三好」地方：

1. 係一個好八掛嘅地方
解釋：我地都好鍾意聽你講屬於你自己嘅故仔同感受。
[當然最好要特別d，唔好俾我地咁易估中~]

2. 係一個好鍾意問「點解」嘅地方
解釋：你做/講/諗任何一樣嘢背後都會有嘅原因；
「點解要嚟申請做新新DJ？」
「點解你覺得你講嘅野真係代表到你自己？」
「點解你對呢個城市有呢個睇法？」[好似講得太多tim = ='']
總之一句講哂，「點解」呢兩隻字俾我地認識你更加深~

3. 係一個好好笑嘅地方
解釋：成班新新DJ師兄師姐都好鍾意笑，分分鐘喺你面試果陣又大笑又拍枱。
[好明顯係我上年親身經歷 XDD]
唔好俾我地嚇親就得，面試唔使太緊張，跟住我地一齊笑就得，ENJOY! ^^

希望呢「三好」特徵幫到你地啦^^
送多樣嘢：呢度唔「興」半途而廢，如果你唔想玩足全程，我唔介意同你講拜拜~

2010年DJ燕翎


相關文章：

• 報名DJ班絕密秘技#6(貝)
• 報名DJ 班絕密秘技#5 (Tam)
• 報名DJ 班絕密秘技#4 (Tim) 
• 突破DJ訓練課程-未被人賞識的BAND 
• 突破DJ訓練課程 2011--打工仔心聲
• 突破DJ 訓練課程 2011--街頭表演發燒友心聲
• 突破DJ訓練課程 2011--親愛的me遊戲機
• DJ 班正式接受報名了！
• 突破DJ訓練課程2011 示範作 #01
• 突破DJ訓練課程2011 示範作 #02
• 報名DJ 班絕密秘技#3 (13)
• 報名DJ 班絕密秘技#2 (Edwin)
• 報名DJ 班絕密秘技#1  (亞羊)

新新青年互助委員會