5/26/2007

兩個只能活一個:返工 vs 旅行

大專考試季節過後, 漫長的暑假開始(結束日期視乎閣下幾時搵到工), 學生想的第一個問題是: 到底應該隨自己心意去旅行, 還是投身社會好呢?

面對這個問題, 我當年的選擇是 - 去o左先講~反正工幾時都有得返, 但唔一定時時有機會去兩個星期的旅行!

最近從雜誌U+中讀到"Gap Year"這個概念: 在進入另一個階段前, 預留一年時讓自己停一停, 諗一諗, 為走更遠的路作好準備

雖然我沒有停工一年, 但那兩星期的旅行, 卻讓我大開眼界, 拉闊了我的生命. 如果我選擇畢業後即刻去返工, 恐怕我損失了生命中很寶貴的時光. 因為那次是我首次到內地自由行! 由買機票, 訂酒店, 計劃行程, 解決困難, 都是自己一手包辦. 而我選擇自由行, 更讓我看到隨旅行團出發看不到的風光!
其中一件難忘的事是, 我與朋友從大連乘渡輪到青島, 拖著大大的行李箱, 赫然發現高高的碼頭入口全是梯級, 沒有顧及攜帶大型行李的乘客的需要! 我們唯有出盡九牛二虎之力, 拖著行李箱爬上碼頭入口, 又越過高山又越過谷地爬過九曲十三彎的碼頭長廊, 再登上接駁巴士到老遠的碼頭. 當我們在接駁巴士中快被迫成肉餅之際, 見到一架香港旅行團的豪華旅遊巴, 施施然地駛過, 團友們不費吹灰之力便安然抵達碼頭, 直接登上渡輪了!

可能有人認為參加什麼都安排了的旅行團, 比要自己一腳踢的自由行好. 但自由行的可貴之處在於有驚喜(或驚多於喜), 能隨心所欲, 這遠比一切已在意料之內的旅行團來得珍貴

無論畢業後是否去旅行, 都應該讓自己在進入下一個階段前, 停下來, 想一想, 也許那些經驗未必是最美好的, 但一定是生命中最難忘的回憶

2 則留言:

me 說...

青春的其中一個可貴之處,就是有勇氣作出嘗試,為自己的理想奮鬥,莫欺少年窮。

絹 說...

哈哈~~試o左唔知會唔會得, 但唔試就一定唔得