Mixing是這樣煉成的

喺大學幾年間都冇做過 intern ，好彩係 final year 有一個難得嘅機會嚟到突破，參與「新新青年互助委員會」嘅製作。起初以為做 segment 只係一份簡單嘅工作，以為自己可以好快學識晒，點知事實係直到寫呢篇感想為止，每一段 segment ，都仲係一個漫長嘅過程。

由收到份稿開始，要諗下點樣改份稿，令到份稿喺錄音嘅時候，可以讀得順口得嚟，又唔會改到作者嘅意思，更甚嘅係，要學點樣投入個人嘅經歴，令到自己可以代入作者嘅世界當中，演繹得份稿有感情，實在令到我抺一額汗。

 

最難忘嘅係一份關於「鄰居」嘅稿，喺短短一百幾十字之間，既要懷念年少時與鄰居相處嘅快樂時光，又要為依家失去咗呢啲光境而感到可惜，仲要淨係可以靠把聲去演繹，我跟住份稿，前前後後錄咗幾十次，喺錄音室行番出呢個下，我心諗：「原來我份 intern 包埋做演員架？」 

（聽聽一峰的聲音演繹吧 XDDDD） 

 

但係，錄好聲帶只不過係一切嘅開始，跟住落嚟嘅揀音樂，剪接， 音樂fade in，fade out，一切嘅細節，都要慢慢去摸索，再加上有導師亞絹嘅「順風耳」，即使係好細嘅瑕疵﹐都會俾佢捉到。結果，我就喺「做得唔好要改，改完唔好再改 …... 」呢個循環底下，慢慢磨練我嘅 mixing 技巧。 

2012年新新DJ一峰

 

P.S. 大家聽新新青年嘅時候，記得留意下我 mix 嘅 segment 呀，嗚呀