你想快樂嗎?

教你一個令自己快樂的必殺技：就是改變自己對事情的睇法。看起來很「亞Q」，但這是最有效的方法。根據美國賓 夕法尼亞大學的心理學家沙利文博士提出的「快樂方程式」: H (快樂指數) = S + C + V，S指人天生樂觀或悲觀，影響約佔50%，這是無可改變的。人想快樂的話，可以改變另外兩種因素：多數人選擇影響力約佔10%的C，就是現實環境和個人 際遇，但很少人會想到改變影響力較大的V，就是改變自己的想法，那佔快樂因素的40%啊！省時又有功效，何樂而不為呢？下次試試吧！

絹

點解點解點解唔問路???

女: honey呀, 我地行o左咁耐都未搵到間餐廳, 不如問o下人啦!

男: 唔駛...應該o係附近, 再搵o下就見咖喇!

(下刪繼續搵路一個鐘)

男士們, 點解明明唔識路, 又唔問人? 又唔比女生問路?

女士們, 當同男友去街時迷路, 你會問人路嗎? 當男友唔比你問路, 你覺得點?

你所發表的意見, 有機會出現o係"男女走音合唱團"呢個環節!

外加一筆: 有-禮-送!

由今個星期開始, 一連四個星期, 特設"清心生活小貼士"環節~

o係經濟蕭條o既日子中, 生活變得艱難, 但細心d睇, 其實自己唔係最可憐的一個! 生活仲有值得感恩o既地方~你會點樣cheer up自己? 歡迎你到時打電話1834 997入o黎同我地分享你提昇正能量o既方法! 成功接聽你電話o既朋友, 仲有禮物收: [書] 小喬的樹不見了 + 小喬布袋 (各一)

絹

節目重溫：20081129

"新新青年互助委員會"帶你從"聲音"出發, 用耳朵細聽我們的城市:

1. 男女走音合唱團: 男女天生聲調/音頻不同, 亦因為先天的差異, 令兩性容易有衝突, 點至可以化解呢?

女: 呢支$12.8, 比o個支平個半, 但係o個支有毛巾仔送喎...買邊支好呢?

男: 買邊支都係一樣o即! 都係平得o個一個幾毫! 求其買支就行啦!

女生們, 點解明明只係慳一個幾毫, 你地都要左計右計呢?

2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!

政府規定全面禁煙, 但點解仍然有人食煙無人理???

3. 關二歌: 關於兩個人, 關於兩隻歌, 用音樂說故事~

寂寞與孤獨, 只是一線之差, 孤獨的人不定寂寞, 但寂寞的人註定孤獨

20:00-20:30　　男女走音合唱團 +火爆130

20:30-21:00　　關二歌

最可怕的是...something behind the scene

詭異的11月」，這是我對本月的感受。因為各大小商場和店舖都開始「普天同慶」，紛紛掛上聖誕裝飾和華麗的聖誕樹，提醒消費者要買聖誕節禮物！以往都是踏入12月，商場才開始佈置，為何今年早了足足一個月？ 因為商人知道市道不景氣，想早些開始聖誕節宣傳，將聖誕節黃金消費檔期盡量延長，但看看月曆，現在只是11月底！是不是早了點呢？

我 看著滿城紅紅綠綠的聖誕裝飾，聽著悠揚悅耳的聖誕音樂，忽然有一股寒意湧上心頭，覺得這只是山雨欲來前的繁華。愈熱鬧的裝飾，愈表現出市道的淡靜。如果你 只知現在是「執平貨」的好時候，証明你是幸福的，因為你還未感受到百物騰貴。就趁仍有能力消費，不妨慷慨一點，當刺激市道吧！(但要應花得花啊！)

絹

節目重溫：20081122

"新新青年互助委員會"帶你從"聲音"出發, 用耳朵細聽我們的城市:

1. 男女走音合唱團: 男女天生聲調/音頻不同, 亦因為先天的差異, 令兩性容易有衝突, 點至可以化解呢?

女: honey呀, d嘢咁重, 不如我幫你拎啦! (唔想你咁辛苦呀!)

男: 唔駛啦! 我自己拎得咖喇! (你睇小我呀???)

點解點解點解男仔唔比人幫???

2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!

同有體臭o既人一齊迫車, 真係想死! 但係我地覺得臭o既味, 當事人可能覺得香喎! 我地唔鍾意人地陣味, 係咪等於可以歧視人呢?

3. 關二歌: 關於兩個人, 關於兩隻歌, 用音樂說故事~

自知之明, 你有嗎?

20:00-20:30　　男女走音合唱團 +火爆130

20:30-21:00　　關二歌

08回顧

不知不覺，2008年已來到11月了。你還記得年頭立下的計劃和目標嗎？有多少實現了？有沒有一些胎死腹中？

而我在年頭所定的計劃，則完成了一部份！由於我很怕冷，所以今個年頭決定要多做運動，強身健體，好讓冬天來臨時，我不再怕冷。朋友們亦身體力行地陪我跑步(當中還用上威逼利誘)，每每在我想躲懶不跑步時，捉我到運動場。雖然最後因為我要讀書，再抽不出時間跑步，但我的運動大計總算有執行過！

如果你今年還未做到所定的計劃，不妨趁現在距離2009年尚有一個多月，想一想下年的計劃吧！

絹

節目重溫：20081115

"新新青年互助委員會"帶你從"聲音"出發, 用耳朵細聽我們的城市:

1. 男女走音合唱團: 男女天生聲調/音頻不同, 亦因為先天的差異, 令兩性容易有衝突, 點至可以化解呢?

女: (一輪嘴) 老公呀~今日我好唔開心呀, 比個客係咪鬧, 明明係佢錯咖嘛...

男: 嗱...第一, 個客就算幾無理都好, 佢都你米飯班主, 啖氣點都要忍, 仲有...(下刪分析/道理300字)

點解點解點解女仔一有唔開心, 就一輪嘴講講講講講???

2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!

小朋友四圍小便確唔啱, 但係邊個教佢地咁做? 係四圍屙嘅小朋友唔啱? 定係唔以身作則嘅父母仲錯?

3. 關二歌: 關於兩個人, 關於兩隻歌, 用音樂說故事~

因為後悔, 我們學會珍惜. 別讓自己再有機會後悔, 知道嗎?

20:00-20:30　　男女走音合唱團 +火爆130

20:30-21:00　　關二歌

點解點解點解係咁講???

女性面對壓力時, 有煩惱時, 有困難時, 會不停地講講講講講講講講講講講講講講講講

面對女友馬拉松式的說話, 男性會理性分析, 提供一個又一個解決問題的方法, 但女性卻會話: "我都唔係想要呢d o野!"

點解女性一有唔開心, 就會係咁講? 點解男性比晒解決方法, 女性都唔滿意? 到底女仔想要d乜?

男士們, 當你地聽緊女性講o野時, 到底有咩感覺? 你地覺得女性講咁多o野, 其實係表達緊乜?

你所發表的意見, 有機會出現在"男女走音合唱團"呢個環節@星期六晚8-9, 新城知訊台

絹

節目重溫：20081101

"新新青年互助委員會"帶你從"聲音"出發, 用耳朵細聽我們的城市:

1. 男女走音合唱團: 男女天生聲調/音頻不同, 亦因為先天的差異, 令兩性容易有衝突, 點至可以化解呢?

男: Honey, 你行得未呀? (落街求其食餐飯o姐, 駛唔駛化咁咁姿整呀?)

女: 就得喇! 就得喇! 仲爭少少咋! (催乜鬼喎! 等一陣都唔得!)

點解點解點解女仔咁姿整???

2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!

食煙仔, 自己爽, 人地苦, 好難忍, 勁想鬧爆食煙人!!!

3. 關二歌: 關於兩個人, 關於兩隻歌, 用音樂說故事~

當我地取笑別人奇怪時, 同時默認了自己是平凡的一群

20:00-20:30　　男女走音合唱團 +火爆130

20:30-21:00　　關二歌

火爆黑傑開咪!

有人話: 開咪壓力好大

有人話: 開咪會好緊張

黑傑話: 開咪姐係做番自己

冇錯啦! 只要做番你自己, 其實開咪都唔係咁驚嘅唧!

當然, 開咪有嘢唔講得, 你仲要加入好多唔同嘅語氣黎豐富你自己嘅說話, 但係只要多練習, 多留意身邊嘅事, 多寫稿, 多問人, 你都可以成為一個好DJ

(按: 黑傑做咗個識變聲嘅人…有人話我真人把聲≠開咪把聲≠電話把聲, 但係都係好大聲 =.=)

08年新新DJ黑傑

(編按: 想知黑傑開咪o個陣有幾大聲? o黎呢度聽o下啦! 佢負責做"火爆130"咖!)

That a hero lies in you...

你的恐懼是什麼？你敢面對它 嗎？我的恐懼是跟外國人講英文，害怕講錯和講得不流利。為了克服恐懼，我試過到尖沙咀碼頭跟陌生的外國人搭訕，順道練習英文！但自去年開始，這份恐懼慢慢 消失，因為我到日本做義工，認識了一位外籍隊員。為了順利進行義工服務，我要硬著頭皮地跟她講英文(全天候耶！)，雖然不是講得非常流利或者完全表達到想講什麼，但無阻我跟外籍隊員建立友誼！所以我不會再怕講英文！因為講得不流利都是no harm！你會如何克服你的恐懼？

絹

送你一首歌: Hero - Mariah Carey

節目重溫：20081025

"新新青年互助委員會"帶你從"聲音"出發, 用耳朵細聽我們的城市:

1. 男女走音合唱團: 男女天生聲調/音頻不同, 亦因為先天的差異, 令兩性容易有衝突, 點至可以化解呢?

女: Honey呀~你記唔記得今日係咩日子呀? (睇o下你有無我心先~)
男: em...今日係...係...er... (鬼記得今日係咩日子咩!)

點解點解點解男友記性咁差???

2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!

想中止上網服務, 要過五關斬六將, 想拎一張表格或同服務主任通話, 都難過登天! 甚至因為呢d"延誤"而比人收多幾個月服務費!

3. 關二歌: 關於兩個人, 關於兩隻歌, 用音樂說故事~

你相信自己都可以是英雄嗎?

20:00-20:30　　男女走音合唱團 +火爆130

20:30-21:00　　關二歌

點解點解點解女仔咁姿整?

愛美, 係女生的天性, 但如果...

落街食個lunch/買少少o野, 女生都化行妝, set個靚頭, 再左襯右襯一大堆衫, 要男士們等到發呆, 仲係咪一種值得鼓勵的天性呢???

男仔, 講!
女仔, 都講!

你所發表的意見, 有機會出現o係電台節目"新新青年互助委員會"的"男女走音合唱團" (逢星期六晚8點@新城知訊台)

絹

DJ班回憶錄#12

哈囉! 我係今屆2008新新DJ"成機"，想要認識我好易呀! 因我係一眾新新DJ最為突出，所以我嘅導師亞絹都打咗一篇關於我嘅文章，可能我成日企係佢格離，令佢信心盡失 (聽開節目嘅聽眾都知佢身型呀啦)，因而係用字上有少少狠毒呀，不過篇嘢睇落好似係咁踩我，但亞絹佢係善意呀! 因為亞絹親自打字加埋相，都係得我一個咋，可見佢幾咁錫我啦!!!

今年，新主題，新format，新環節！仲有新既新新DJ，雖然呢篇嘢短咗d，但記住，我就係有份主持關二歌嘅成機啦，請大家多多收聽啦!

08新新DJ成機

(編按: 成機細個o個陣真係cute!)

點解點解點解男仔咁無記性???

女生們, 你有無試過...

男友唔記得你地拍拖紀念日?
男友明明應承幫你做某件事, 最後唔記得o左?
男友唔記得你講過o既o野?

但係點解男仔可以鉅細無遺咁記電腦/手機/足球/籃球o既資料呢???

好明顯地, 男仔唔係無記性, 而係佢地根本無-心-裝-栽!!!

男仔, 講!
女仔, 都講!

你所發表的意見, 有機會出現o係電台節目"新新青年互助委員會" (逢星期六晚8點@新城知訊台)

絹

一路開聲一路聽~

"新新青年互助委員會"帶你從"聲音"出發, 用耳朵細聽我們的城市:

1. 男女走音合唱團: 男女雖然天生聲調/音頻不同, 但係有我地教路, o岩key無難度!

男友同你出街, 他竟然...

女: 你又o係度望女仔! 唔怪得頭先我叫極你都唔應啦! (你當我死咖? 拖住我都夠膽望女仔?!)
男: 無呀! 我都無望! (望o下之嘛! 有乜問題?)

2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!

搭巴士時, 想爭取時閉目養神, 但遇上窗口頭油, 令你想訓又無得訓! (因為唔敢挨埋窗訓)!

3. 關二歌: 關於兩個人, 關於兩隻歌, 用音樂說故事~

我們往往忽略了生活中最重要的事...

聽晚8點@新城知訊台, 請你用心聽"新新青年互助委員會"!

絹

想重溫節目, 隨時click上: www2.uzone21.com/blog/newu997

節目重溫：20081011

"新新青年互助委員會"轉o左新主題, 新模式, 新環節!!!

帶你從"聲音"出發, 用耳朵細聽我們的城市:

1. 男女走音合唱團: 男女雖然天生聲調/音頻不同, 但係有我地教路, o岩key無難度!

男: 你想去邊度食飯?

女: 無所謂呀! 你話事啦!

男士們, 女士口中的"無所謂", 是"真的無所謂"抑或"其實有所謂", 你應該心知肚明~

點知可以化解呢d衝突? 聽我地教路啦~

2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!

有無試過趕時間搭港鐵, 偏偏遇著"因訊號故障, 列車將稍遲開出", 令你遲大到??? 憤怒嗎? 鬧爆爆爆爆佢啦!

3. 關二歌: 關於兩個人, 關於兩隻歌, 關-二-歌~

20:00-20:30　　男女走音合唱團 +火爆130

20:30-21:00　　關二歌

點解點解點解男友鍾意"目及"女???

女生們, 你有無試過...

明明自己已經著短裙/背心/化晒妝
明明二人十指緊扣
明明頭先"佢"先講完"我愛你"

但點解男友仍然會四圍"目及"其他女仔??? 仲要係醜樣過自己!!! (淨係身材好之嘛!!! 啍!)

係咪當你呢個女友無到?!
係咪覺得其他女仔好d???
自己有咩比唔上o個d女仔?

男仔, 講!
女仔, 都講!

你所發表的意見, 有機會出現在新環節"男女走音合唱團"~

絹

用心聽~新新青年互助委員會

"新新青年互助委員會"轉o左新主題, 新模式, 新環節!!!

帶你從"聲音"出發, 用耳朵細聽我們的城市:

三大新環節:

1. 男女走音合唱團: 男女雖然天生聲調/音頻不同, 但係有我地教路, o岩key無難度!
2. 火爆130: 幾近震耳欲聾的130分貝, 代表令你我"慶"到爆的事! 齊齊鬧爆佢!!!
3. 關二歌: 關於兩個人, 關於兩隻歌, 關-二-歌~

請你聽晚用心聽, 8點@新城知訊台, "新新青年互助委員會"!

絹

想重溫節目, 隨時click上: www2.uzone21.com/blog/newu997

新新新新新 - 新新青年互助委員會

*** 新主題, 新模式, 新環節, 就是"新新青年互助委員會"! ***

我們從"聲音"出發, 用耳朵細聽我們的城市:

三大新環節~

男女走音合唱團: 男女天生聲調/音頻不同, 如何可以o岩key???

火爆130: 幾近震耳欲聾的130分貝, 代表令你我"慶"到爆的事!

關二歌: 關於兩個人, 關於兩隻歌, 關-二-歌!

20:00-20:30　　男女走音合唱團 +火爆130

20:30-21:00　　關二歌 + 聲音有咩power?

DJ班回憶錄#11

由小四已經定立目標 – 要做一個成功DJ的我，過了六堂DJ訓練課程先懂得問自己一個問題…

“什樣才叫做成功DJ？”

一言驚醒夢中人！這條問題「驚醒」發了七年DJ夢的我。成功的定義是什麼？賺取豐厚薪金？得到聽眾認同和鼓勵？知名度提升？顯然對我來說，「能寓興趣於事業」比起以上三者都顯得更重要…

要恆久地做同一樣事物而不感到煩厭，必須要對該事物感到強烈興趣！我自問沒有甚麼過人之處：聲線不夠好、轉數不夠快、想像力不夠廣闊...但有一點可以感到自滿的是，在失敗中我懂得吸取教訓、在跌倒中我懂得重新站起來。而且，只要能參與到有關DJ的工作（不論幕前幕後），我已經感到十分開心。樂觀和積極明顯是可以在我身上發現（說到有一點自大喔 XD”）

這六堂的訓練，令我認識了一群朋友……一群好好好好朋友，但願在DJ事業上大家都沒有放棄過去投入做事。未來會有很多挑戰，就算跌倒了，不怕．站起來再跨過！

08新新DJ亞狗

當女友投訴你...

男生們，當你聽到你女友講「你成日都唔聽我講o野！」，「你成日都唔記得什麼什麼」時，你有何感想？你 會如何回應她？有些男生每當聽到這些說話時會好生 氣，覺得自己明明就在女友身邊，「成日」用心聆聽她說的一字一句，但她竟然不認同！其實女生口中的「成日」，性質跟助語詞差不多，沒有特別意義，亦不是實 質地數男生聆聽了多少。

男女容易因這些誤解而產生衝突。你認為有什麼方法，可以化解這些誤會呢？

絹

DJ班回憶錄#10

嘩嘩!! 大家好呀!! 我係JUDY呀!!

轉眼間，六堂嘅DJ訓練班好快就完結啦，喺呢六堂，我學到好多新鮮嘅嘢。例如點樣可以做好一個廣播劇，點樣去live mixing等等。

我仲記得有一次，自己所做嘅稿達唔到要求，果一刻真係好唔開心咖，但係喺唔開心嘅時候，我就學到一樣嘢，就係「耐力」。我要做得好，就要有「耐力」，要唔怕苦，一路改，一路學。成功嘅科學家，都係不斷去做實驗先會成功，所以喺呢一度我學到嘅就係呢個精神。雖然喺學嘢嘅時候，會覺得好辛苦呀，但係我係開心咖，因為自己可以學到好多嘢之外，更可以喺DJ訓練班度學到「友誼」，朋友係可貴嘅，係呢一度，我學到同人相處，更學到團體精神。仲記得我地班度有一個好Q嘅人，佢一講嘢，我地就會哈哈大笑，成個DJ班都變得好熱鬧，講真嘅，有一班咁好嘅朋友，我真係好開心呀!!!!!

如果有人再問我DJ班好唔好玩，我一定答「好」，你學到嘅嘢係一生受用，認識更多嘅朋友仔，亞絹同KK都好用心咁去教我地，係佢地嘅身上真係學到好多嘢。所以真係好多謝你地俾呢一個機會我，喺DJ訓練班上堂。

08新新DJ Judy

DJ班回憶錄#9

寫稿-->錄音-->寄demo; 寫稿-->俾亞絹改稿-->做live節目

從最初到現在，對我來說，每一步都是一步一驚心，不過每一步都驚喜處處!

點解咁講呢？因為我一直對於自己有沒有能力做到一個DJ充滿疑慮，最初都只是心口掛住個”勇”字就膽粗粗去試了。而每一次寫稿，做PROMO，學MIXING，做節目，都驚爆給亞絹BAN IDEAS或炒粉。然而，在每一次抹一把冷汗時，學到的，得到的卻又是前所未有的，同一班新新DJ快活的時光卻又是意想不到的。

未來的路係點無人知，不過我依家心口除咗個”勇”字外，仲多咗個”信”字!

未來這一年我會努力的! 我相信自己! =]

08新新DJ羅婷

DJ班回憶錄#8

今天是9月15日，開學剛剛一個星期，九月亦都過了一半，但時間實在過得太慢。相比起八月時的DJ班，實在差太遠了!!!

說實話，DJ班的日子真的很快樂。意想不到"啱嘴型"的同學仔，每天都在玩笑中度過。我想，這個月中是我見過最"多嘢講"的人的，奇妙的是每個都有自己的character，更奇妙的是每個都是良善的好人，高興識到你們。加上一班師兄師姐(實在老土)，有趣有趣!!!

要說導師們，他們想是從出生到現在沒有給人問過問題一樣，不停地問，"有無問題...有嘢就好問喇...真係無嘢問...喂.咁樣唔得個喎..."。搞笑!!!不過從你們身上學到的，多得很，總該說聲:謝謝!!!

未來還有很多合作的機會，期待每一個"遊玩"的時間，真高興!!!

08新新DJ梓豪






(編按：梓豪影相最愛七三臉)

「唔順超」

通常你「看不順眼」哪些人呢？樣衰？性格差？脾氣壞？相信大部份人跟我一樣，最「看不順眼」的人，是跟自己不 一樣的人，例如我做事講求快速，所以特別受不 了別人做事「懶懶閒」。可是，只要細心一想，對方的性格卻不一定是壞的，只是跟自己不一樣而已，何必要認定對方的行事為人方式是錯呢？若是明白人與人之間 有性格的差異，就可以避免不少的衝突。可是，知易行難，你又做到幾多呢？

絹

DJ班回憶錄#7

當初憑著一股傻勁，踏出令我十分引以為傲的一步----為自己的夢想進發!!!!去報名，寄出demo~看來我是沒有走錯這一步....因為在這裡我不僅學到很多有用的，還認識到一班志同道合的伙伴們 ^^

雖然常被人稱為“HELLO KITTY”，但是一切都是美好的回憶。相信這是我過得最難忘且極具意義的暑假~而未來還有更多精彩的日子和具挑戰的考驗等著我，所以我要大聲地說一句：「我準備好了!!!!來吧!!!!」

08新新DJ小景

想點呀?

打乒乓波最忌生得高, 因為要"坐"低個人才可以與乒乓波枱的高度相約, 蹲得久, 雙腳容易發麻...你看王勵勤得打乒乓波便知道了

做operator都係, 最好不要距panel太遠, 否則要成日"坐"低個人才可以做o野, 真箇有苦自己知!

上星期六, 今屆DJ班的同學去學live mixing, 我赫然發現其中一個學員, 光是雙腳已高過panel!!! 太-恐-怖-了!!!

絹

(佢叫成機, 身高1.9米! 有一次, 佢有份做節目~按這裡聽吧!)

DJ班回憶錄#6

6+2堂嘅課程完咗(6堂regular + 2堂 extra) 係唔係就等於成個課程完咗呢？我相信唔係。

學習唔係追求成果，而係一個過程。我相信我地每一個都經歷過呢個過程，呢個過程最重要唔單止係聽，係仲要寫，仲要問，仲要講。

學做DJ 更唔係一時三刻有成果，呢個課程表面上係完結咗， 但實際上係一個開始！實習階段~我哋嚟啦!!!

08新新DJ黑傑

(編按: 黑傑好勇敢, 以真面目示人!)

DJ班回憶錄#5

我係Stephanie，我參加咗呢個「突破DJ訓練課程2008」。雖然，訓練嘅時間只有短短嘅六日。但係喺呢六日，我都學咗唔少嘢。如果唔計知識嘅層面，我可以認識咗好多志同道合嘅好朋友，又可以多D去認識自己：我係唔係有一D嘅潛能嘅呢？我想做DJ，但我得唔得？我知道我把聲其實太平板，但係都有佢獨特嘅一面呀！

另外，係作為一個DJ嘅技巧，我學咗唔少。我學咗做唔同嘅節目應該有咩唔同嘅對答，要點樣控制場面，一D簡單嘅電台術語，實在有好多技巧！最重要就係知道咗，做電台嘅節目並唔似做電視咁易，要用聲音嘅魔法去吸引聽眾！所以創意係好重要，我知道我自己創意唔夠，但我會努力咖！做一個好DJ！

08新新DJ Stephanie

(放心！Stephanie真人係有嘴開咪！)

DJ班回憶錄#4

「機會是留給預備好的人」，我預備好了嗎?

回想面試當天，聽到這句話時，確實有點當頭棒喝的感覺，我反問自己:「我預備好了嗎?」你以為憑你三寸不爛之舌，就可以做DJ嗎? 你以為頭腦靈活就可以當DJ了嗎? 一切都想得太簡單! 我頓時發覺―我未準備好做一個DJ。

但是這6日以來，我作出了許多人生中的第一次。第一次入錄音室錄音，緊張得雙手插袋，聲音發抖；第一次寫稿，左改改右改改；第一次「度」橋，腦袋近乎爆炸的邊緣......但是，一切都是享受，因為這是我喜歡的工作，追求的工作，何來辛苦之有呢? 更何況，有一大群志同道合的伙伴們陪我共同進退，陪我笑，陪我搞作，更是其樂無窮! 這瞬間即逝的6日，經過了導師們的功力傳授後，令我認識了這個電台圈子的運作，更令我覺得一個DJ就好像一個超人一樣，不只多才多藝(俗稱「周身刀」)，更重要的是要有打不死的精神，越戰越強。所以我在接下來的日子裡，還要繼續努力往前衝，發揮我聲音的魔法，為自己的夢想和目標前進。就算最後失敗了，我亦作出過嘗試，作出過努力。

所以，無論在生理或心理的層面來說，我都準備好了，請過招吧!

08新新DJ吳梓

(編按: 吳梓, 你的英文是Winnie?)