4/24/2013

炒粉戰記 #1

之前開咪,見到D Operator好靈活咁推D fader,已經覺得佢地好型!所以今次有機會去學live mixing,真係好興奮!導師示範一次基本操作之後,我直程係R晒頭,完全唔明佢做緊D乜嘢,雖然佢之後再教多我地一次,但都無乜信心做得好。不過,唔「炒粉」(意即出錯)又點學到嘢呢!所以今日我完全係抱住「必炒」呢個心態嚟架!




聽完教學,就係實戰嘅時候。雖然喺腦海入面好完美咁RUN咗一次,但係落到手,就把緊張飛起。唔記得stand by下一que啦,唔記得㩒掣啦,唔記得去歌啦,開咪開遲咗啦,閂咪閂得太快啦....嘩,真係多到數唔晒!

好彩仲有第二次嘅機會,有咗上一次嘅經驗,今次都定D,無咁緊張。諗住啱啱炒得咁勁,點都會學到少少嘢掛!點知仍然係錯漏百出,明明未行到去個panel都仲記得點做,但一行到埋去就好似鬼上身咁,乜都唔記得晒!

如果個live mixing堂可以長D就好lu,希望嚟緊有更加多機會去比我地試下D咁刺激嘅嘢啦!


2012年新新DJ 胡廸

沒有留言: