6/19/2007

6月9號的晚上

6月9號呢一個晚上, 係我第2次去電台開咪! 心情比第一次更興奮更緊張! 興奮o既係我真係發夢都冇諗過呀絹會搵我寫rundown! 因為我覺得寫得rundown o既人~一定要好有資歷同表達能力夠勁至得! 而我....乜都唔識...轉數又慢~點解會搵我呢?? 呢個問題...真係一個-------謎!!

之但係, 既然佢地肯比呢個機會我學o野, 把握機會先最重要!!(哈) 對於第一次寫rundown o既我, 開頭真係有點兒迷惘, 所搵到o既資料同編排程序應該係點呢? 比較資訊性o既材料, 又點樣可以令到聽眾覺得有趣呢?? 究竟邊d要講邊d可以省略呢? 幸好呀絹佢好有耐心咁教我, 分析比我聽應該點做點做, 我先開始足到個路向, 真係好多謝佢!

直到開咪果日...踏入電台果刻~我真係好緊張! 由等緊做節目到坐入直播室, 我o既抖震一路都冇停過 (一o黎d冷氣真係好凍, 特別係直播室) 其實緊張o既原因真係有好多, 例如: 好驚表現唔好, 會影響到大家, 影響節目, 影響聽眾, 好驚咬字唔正會比人笑, 又好驚我把聲唔夠入咪 (下刪十萬字)

之但係再多o既驚都冇用, 因為一ON AIR, 我就知道我唔可以咁, 因為聽眾唔會因為你o既緊張而體諒你做得唔好, 佢o地只會覺得呢個人唔掂, 搵佢o黎做乜? 所以我一定要打醒二萬分精神做到最好! o係今次開咪入面~呀絹比左好多機會我, 例如叫我報天氣, 介紹歌手歌名咁, 真係好開心! 以前係收音機聽DJ報空氣污染指數就聽得多, 自己報就真係第一次!! 講真吖~我真係好驚咬唔正D字架!! 因為讀"監測站"呢三個字o既時候, 要將個口快速地開開合合, 真係有小小難度, 好怕讀錯!! 不過好彩~最後能夠都順利完成!^^

o係成個節目o既過程中~我見到呀絹同KK真係好有默契, 大家都知道幾時你講完到我講, 同時亦見到operator哥哥好完美o既配合!! 呢一切一切真係令我大開眼界!!^^ (正)

而o係今次寫rundown o既過程入面, 更令我明白到原來做一個節目唔係本住『吹水』o既心態就得! 由搵料到編排流程, 再到開咪每一個過程真係不容有失!要確保係有限o既air time入面, 令聽眾明白自己要表達o既訊息, 絕對唔係易事! 但經過今次o既開咪, 我好肯定自己對電台工作比以前更有興趣更加濃烈!

Bi

1 則留言:

me 說...

還記得interview時與你同組的一個同學問︰「作為一個一小時節目的DJ,是否其餘時間不用工作?」我想你現在也懂得回答了。