Creative Commons

因為我有影相o既興趣，平日經常上網睇其他人既照片分享。近日我响otologue申請o左個帳戶，上載我o既作品，方便整理。o係申請表格入面，有欄問我會否將網頁加入creative commons。我完全唔明白，就去查下咩叫creative commons。 原來，加入o左Creative Commons，自己o既作品就可以授權其他人轉載，促進知識交流。

從細細個開始，學生就會學咩係知識產權，咩係版權，人地o既o野唔可以偷，唔可以亂下載。用呢d「權利」來制裁出發點唔好o既人同保護作者係幾有用。但係純粹出於欣賞o既人呢？希望同所有人分享o既人呢？佢地屬於邊一方面？ 於是Creative Commons就出現o左。 人o既思想唔同o左，由以前：你唔可以copy我o既o野。 到宜家變成：你只要唔係作為商業用途，我o既野，你隨便轉載啦。時代發展，所有o野都要進步，文化智識o既交流都需要新o既方法同準則。其實講到幾偉大o既道理，Creative Commons o既出現只不過係最簡單o既事。因為有人想同人分享，有人真心欣賞，就係咁簡單。 Creative Commons o既出現，好似令網絡上o既人變得大方o左好多。自問為人都唔算小家(哈哈)，又想同全世界o既人分享到我既作品(哈哈)，所以都加入o左creative commons呢個大家庭。每人都分享一d o野出來，每人都用心去欣賞，世界係咪會開心好多？

針