6/20/2007

廢話

做電台節目同寫稿, 最驟忌就係廢話. 因為佢會打散節目/稿o既節奏,
令到本來好好地o既情況, 急轉直下, 變成反高潮或者你會問: 點至知係廢話?
一字咁淺, 就係有佢同冇佢都冇分別. 咁就可以節省少少喇!
做live節目更加要掌握節奏. 就算講唔晒節目rundown上o既資料,
但只要已帶出預設要講o既訊息便ok, 或者本來計劃要講ABC, 但現場氣氛唔適宜開新話題,
便要去廣告或歌. o係呢個時候, 多講o既一句便係廢話點樣避免講廢話? 好玄但好真實o既一個字: feel
留心聽拍擋o既一字一句, 留意對方o既眼神語氣, 去感受一下話題傾到去邊?
帶到訊息未? 有冇新angle可以繼續傾? 就算講唔到想講o既o野, 都要跟住個flow去.
最忌死跟台詞去講, 完全唔理拍擋講o左d乜, 搞到各有各講, 古靈精怪
留心留神呢樣o野, 唔單止可以用o係做節目, 仲可以用o黎平日同人傾偈.
因為有好多人(可能包括我自己), 人地講緊o野又唔留心,
講完先至問返人講過d乜(或者扮知人地講乜) 你有冇留心聽, 人地係知咖! 出o黎社會同人打交道, 聆聽係一大利器!唔駛錢又駛得, 點解唔學呢?

1 則留言:

me 說...

其實"feel"都唔算好玄,只係你唔知你自己已經累積一定的經驗,才可以"feel"到。台上一分鐘,台下十年功,連稿也不寫的人,會自動進步嗎?不進步,又何來"feel"呢?你真的熱愛電台工作?