10/29/2012

參觀電台 #01:「稿只係輔助,最重要嘅,都係要同對手交流」

(當上完六堂訓練,幾個出爐的新新DJ參觀新城電台,這次他們又開了什麼眼界?)

最後個堂要寫好自己新登場嘅介紹稿,仲同我地講寫得好先至可以跟佢地去新城電台參觀,搞到我鬼死咁大壓力,係咁改嚟改去,為嘅就係一張參觀新城嘅入場券。多得各位導師同師兄師姐比面,無插我份稿插到上天花版,所以我先至有咁好嘅機會去睇下佢地點做節目。

佢地開咪前會對稿,我係到聽之餘仲有Noi師兄係我隔離講解下做緊D乜,唔洗我聽到一頭霧水。原來寫好嘅稿都未必好岩洗,要係出街之前作出微調,同埋最重要令我明白到,稿只係輔助,最重要嘅,都係要同對手交流,咁先會RUN得暢順,觀眾都聽得舒服D啦。

到開咪個陣,我地都好好彩可以同大家叫聲「Hi」,不過hi完個句之後,我都唔敢出聲啦,驚會阻到個節目進行。唔知師兄師姐落場個陣會唔會驚到震架呢?我就唔知佢地喇,不過我企係到聽嘅時候我成個人都微微震緊......齋聽都驚,到我開咪點算??

完咗節目之後,仲會坐埋一齊互相檢討,檢討下大家有咩可以做得更加好,過程之中KK盡顯霸氣,嚇到我地班友仔都唔敢出聲....

經過今次參觀之後,又令我對電台嘅認識多咗,令我更鐘意DJ呢個職業,希望有一日,我真係可以獨當一面咁坐係直播室開咪啦!



2012年新新DJ胡廸(圖中戴帽者)

沒有留言: