能夠參加「突破DJ訓練班」，加入呢個大家庭，係我暑假最無侮嘅事。由我報名，錄音，交表開始，就好似一場夢咁。
我囗才唔算了得，勝在感情豐富。我玩話劇嗰陣，往往因為怕醜而有所保留。而家退身幕後嘅我，唔駛面對觀眾，可以大膽講嘢，當然係合適嘅說話喇。
但係做DJ一d都唔簡單，有好多事要注意，例如：有d字眼我地係唔可以講、做music show要留意個音樂嘅高低起伏、點樣係有限嘅時間，用最簡短嘅說話講無限嘅事……
當然，做DJ都唔少得一班好拍擋。我好開心有一班好合拍嘅同學。今年DJ班得6個女仔，生活喺男仔圈裏面，好彩佢地都好照顧我地。一班師兄師姐都好錫我地。雖然會好多評擊，但係全部都係為我地好。正所謂“嚴師出高徒”，8/9開咪唔知會比人一個咩感覺呢？
過去嘅一星期，我有機會去新城度睇阿絹、KK同幾位師兄師姐開咪，我真係學到好多嘢。我開頭對寫稿完全冇概念，唔知係點嘅一回事，係寫fullscript還是係點呢？我去完之後明白晒喇。原來份稿係寫一段有關嘅嘢，之後跟資料內容去講，而要寫一整段嘅原因，係方便我地如果個腦突然空白嗰陣，照讀都冇問題。
開咪之前都要做個預備，大約都知會發生咩事，簡單d講就係對稿。入去直播室都幾緊張，雖然冇份開咪，但係我地都唔敢亂嚟，直播室嘅咪好敏感，收音強，所以我地對話都要靠紙同筆嫁。
2012新新DJ Anna（圖右一）
沒有留言:
發佈留言