對於上星期六參觀新城的活動，我覺得好開心。我開心的原因，不單係可以見到一班師兄師姐同導師一齊暢談時事，而係我諗起我將來都可以喺度開咪，可以將正能量發放俾聽眾，我的心就自然開心起來。
由入去新城電台參觀開始，我對入面所有事物都好好奇。見到導師同師兄師姐練習的時候，佢地都相當認真，而我覺得最勁的是，佢地開始已經好快咁入咗狀態，完全認真mode。佢地可以將一份生硬的稿，讀到好似閒談一樣，唔講仲真係以為佢地喺度無聊傾緊計。雖然睇落好似好容易咁，但係我知道佢地都喺呢一方面落咗好多好多心機同努力。到真係做節目的時候，佢地都相當認真，完全無一刻係我覺得唔好聽同好悶。我真係好佩服佢地的默契節目。完咗節目之後，佢地都好認真咁檢討點樣可以做得更好。
今次的參觀令我知道做一個好節目，除咗要有好多豐富的資訊同生動的題材，仲有一樣好重要的東西，就係DJ質素。如果個DJ係唔認真去做節目的話，就算個節目有幾多豐富的資訊都好，個節目都係唔會成功。所以我真係好想可以同呢班師兄師姐同導師一齊，繼續做好呢個節目，可以一齊發放正能量俾大家。
2012新新DJ牛雜（圖右二）
沒有留言:
發佈留言