8/24/2007

我恨你!

圖中呢個係箍牙後要配帶嘅固定器. 就係呢樣嘢, 搞到我依家嘅生活簡直生不如死!! 呀~~!!! 嗚~~

以前箍牙嘅鐵箍, 帶咗雖然有D唔自然, 但係對於講嘢同發音仍然影響不大. 但係依家呢個箍就啱啱相反! 我帶咗佢之後, 即刻成為痴脷筋一族! 佢將我講唔正同講得正嘅音, 都以痴脷筋嘅方式表現出嚟! 好似"專"變咗"端", "就"變"豆"咁...

我而家真係好自卑, 直情唔敢開口同人講嘢! 不過最慘嘅就係, 我工作需要聽電話, 我好驚人地笑我痴脷筋, 所以我次次都除咗個牙箍先講. 但醫生話一定要我帶住, 如果唔係D牙有機會走位, 浪費之前嘅功夫! 之但係, 咁我講嘢點算喎? 仲要帶一排咖嘛! 唉! 討厭!!

Bi

2 則留言:

匿名 說...

愛靚唔愛命,貨車牌牛仔褲,善哉善哉﹗

匿名 說...

哈哈~好彩我聽過你解釋咩係"貨車牌牛仔褲"~