1/17/2013

開咪寫稿,就係要定出一個你最後想講的底牌



對於上一次正式開咪的時候,今次喺寫稿的時候,的確有好多困難要去嘗試。

開頭睇落去以為好簡單,就咁淨係講我對呢個主題的睇法同故事就得,但係原來唔只要講自己的睇法,仲要揾好多較為數據性的資料,先可以令聽眾更加相信我的講法。所以原來揾資料,都係寫稿好重要的一環。仲有一樣係寫稿要非常注意的事項,就係要定出一個你最後想講的底牌,即係話你最後想帶出什麼訊息俾聽眾。喺打稿的時候,我太過著重中間的故事及數據,而忽略咗最後想帶出的意思,所以我到最後要改好多次先成功改到。呢啲就係我今次寫稿學到的技巧。

今次開咪同上次登場開咪,有好多好唔同的地方。最唔同的地方,就係上次登場開咪,係由導師同師兄師姐問我問題,然後到我回答。但係今次開咪就好似閒談一樣,要跟拍檔有問有答,唔再係別人問,我只負責答,所以我要喺過程中,除咗答自己的問題,亦都要就導師或師兄師姐的說話作出回應,咁樣先可以令交流變得更順暢。而呢啲就係我今次正式開咪學到的技巧,亦都希望喺下次開咪的時候都應用到啦!

2012年新新DJ 牛雜





沒有留言: