1/25/2013

「 師姐」,呢一個詞語代表D咩?



「師姐」,呢一個詞語代表D咩?叻D?有經驗D,定老D?

我以前覺得只要做到師姐,就係代表我可以做少D,因為我見佢地稿又唔使寫,橋又唔使諗咁,但係事實原來唔係咁架!!!

係就係唔使我寫稿,但係正正因為咁,我要由頭去理解一次人地嘅IDEA,人地嘅稿。講真,唔係出自自己手筆嘅嘢,要睇得明,再用自己文字表達出嚟,絕對唔係一件好簡單嘅事。另外,話曬我已經係師姐,度稿方面應該要有進步,所以我一面睇稿,一面諗下可唔可以由第二個角度去睇個題目,令到份稿更豐富。當然,做唔做到就係後話啦。就係咁,我用咗成差唔多兩個鐘跟返成個寫稿嘅過程,其實用嘅時間同寫一份稿都差唔多。重要好彩同我拍擋嘅新新DJ叻叻,自己搞掂,唔使我幫手度橋,如果唔係用嘅時間會更多。

做咗一年「新新青年互助委員會」,應該比新人更熟悉節目流程和節奏,唔好話要帶住佢地做節目,起碼自己都要做好過之前。心理壓力都唔細XD,但係我竟然係呢個時候出現咗我人生第一次嘅「炒粉」(編按:電台術語,即出錯)。做節目嘅時候係冇問題,但係我竟然緊張到連最基本嘅開咪要睇燈都唔記得咗,應報時嘅時候冇報到,唔應報天氣個陣又報咗,搞到成個ON AIR時間突然DEAD咗。對唔住呀,新城TT

最後,我發現原來師姐是這樣鍊成的。做師姐唔係代表做少D,而係要做更多,無論係實質嘅寫稿上,定係心理嘅預備上,至少對我嚟講係。SORRY呀,我之前誤解曬D師兄師姐添。不過為咗更上一層樓,我一定會繼續努力,接受更多「磨練」。HOSH!!!!!


2011年新新DJ Panda






沒有留言: