開咪記 #3

10月27號，對我嚟講，係一個特別難忘嘅日子，因為今日我第一次去到新城電台同KK，阿絹做節目。可能因為今日對我嚟講特別重要，所以早咗成個鐘出到去黃埔。


進行節目前準備時，我好似啞咗咁，唔單只好少出聲！甚至連笑嘅反應都無。不過我慢慢開始掌握到節奏，亦有嘗試製造問題。期間我發現咗一個好重要嘅問題，就係我清楚自己想講咩，可惜表達得唔好，令其他人唔明白。我先發覺原來出到嚟社會，真係唔係咁簡單。而家嘅我比一隻螞蟻仲要細。


到真正做節目時，有少少緊張! 不過我已經盡量放鬆，可惜我嘅反應太差，又再一次表現出我嘅緊張。KK問我嘅問題，我都唔知答咗d咩出嚟。幸好KK幫我解圍，節目一路由兩位前輩帶領住。我唯有把握機會搵位插嘴


當57分嘅時候，亦代表節目完結時，我突然之間同自己講咗一句嘢："我將來一定會再係到出現，而且會更出色！"


多謝KK，Ernest嘅指責，多謝阿絹嘅支持

總結今日：我好鍾意做DJ！我要俾其他人更加努力！要改善表達能力及思考能力，証明我係冇選錯呢條路 !


新新DJ亞煜